ادا عاشق راشد مورائي بيشڪ سنڌ جو هڪ سهڻو وطن دوست شاعر ۽ ڏاهو آهي ۽ سندس شاعري به انتهائي سهڻي ۽ لڀائيندڙ هوندي آهي ۔۔۔ ۽ اوهانجي پيشڪش به سهڻي آهي ۽ اوهان پنهنجي مستيءَ ۾ ۽ سنڌ جي پيار ۾ جيڪو ڪم ڪيو ٿا سو به بيمثال آهي ۔۔۔
هڪ نصيحت اوهانکي منهنجي پاران ۔۔۔ جي قبول پوي ته ؛
اوهان هميشه جنهن به شاعر جي شاعري پڙهو يا لکو ته انجي اکرن تي ٿورو توجهه ضرور ڪندا ڪريو ۽ ٻه ٽي گهمرا انهن کي ورجائيندا ڪريو ۔۔۔ ۽ تور تڪ ڏسندا ڪريو ۔۔۔
مثال؛ راشد مورائيءَ جي پهرين بيت جو وزن ٽن لفظن تي بيٺل آهي ۔۔۔
آڻيون
واڻيون
پراڻيون
پر اوهان پهرين لفظ جو ”ن“ کائي ويا آهيو، جيتوڻيڪ اها هڪ ننڍي ڳالهه آهي پر
مطلب بدلجي ويو آهي ۽ وزن خراب ٿي پيو آهي ۔۔۔ بيشڪ اوهان اهو بيت کنيو هوندو پر اوهان کي هاڻ آهستي آهستي انهن ڳالهين تي توجهه ڏيڻ کپي ۔۔۔
آڻيو ۔۔۔ آڻيون ، ٻئي الڳ الڳ لفظ آهن ۽ ٻنهي جي معني مختلف آهي ۔۔۔
مثال؛
ماني کائو ۔۔۔ سوچيو ته ڇا معني آهي؟
۽ وري
ماني کائون ۔۔۔ سوچيو ته ڇا معني آهي؟
فرق صرف هڪ اکر ” ن “ جو آهي پر معني بدلجي وئي يا نه ۔۔۔
اوهان صرف شعر جي هيٺ مٿي نگاهه ڦيرائي اهڙين ڳالهين جو خيال ڪندا ته اوهانجي محنت رائيگان نه ويندي ۔۔۔ اميد ته ڳالهه سمجهي ويا هوندا ۔۔۔
دعائن ۾ گڏ
