سنڌي ادبي ايسوسيشن فيس بڪ جي ترجمان ابراھيم صالح ھنڱوري ۽ سليمان وساڻ پريس پڌرائي ۾ ڄاڻايو آھي ته 14 فيبروري تي ويلنٽائين ڏھاڙي جي مناسبت سان پاڪستاني وقت مطابق رات 9 بجي کان 12 بجي تائين فيس بڪ جي صاف گروپ ۾ پھريون آن لائين براھ راست سنڌي عالمي مشاعرو امن محبت زندھ باد جي عنوان هيٺ ڪوٺايو ويو آھي. ھن منفرد عالمي مشاعري جي هڪ ئي وقت هند ۽ سنڌ جا چار نالي وارا شاعر صدارت ڪندا. سنڌ مان شاعرشمشيرالحيدري ۽ ھدايت بلوچ جڏھن ته ھند مان اندرا شبنم پونا والا ۽ ومي سندر آگناڻي ڪندا . پڌرائي ۾ ڄاڻايو ويو آھي ته سڄي دنيا جي سنڌي شاعرن کي ڪوٺ آھي ته جيڪڏھن ھن عالمي مشاعري ۾ شعر پڙھڻ (لکڻ) چاھين ٿا ته ( صاف) وال تي اطلاع ڏين. حتمي شاعرن جي فھرست سليڪشن ڪميٽيء جي منظوري بعد وال تي لڳائي ويندي . بيان ۾ سنڌي ادبي فيس بڪ جي چيئرمين ھدايت بلوچ ، سيڪريٽري جنرل ذوالفقار بھڻ ۽ امداد سهتو چيو آھي ته جديد سنڌي ادب جي تاريخ ۾ ھي عالمي مشاعرو ھڪ نئين تاريخ رقم ڪندو. هن عالمي مشاعري کي هلائڻ لاء ٻه ڪاميٽيون پڻ جوڙيون ويون آھن.
ھن مشاعري جي رپورٽ سنڌ جي مڙني اخبارن ۽ ٻين ملڪن مان پڻ شايع ڪرائي ويندي،غير رجسٽرڊ دوست پنھنجي شاعري مشاعري ۾ پيش نه ڪري سگھندا. سنڌ سلامت تي موجود شاعر دوستن کي گذارش آهي ته پنهنجي شاعري هن عالمي مشاعري ۾ پيش ڪن ۽ فيس بوڪ جي ادبي صفحي تي اچن جنهن جي لنڪ هي آهي۔