جيڪڏهن دنيا جا سمورا سنڌي هڪ ٿي وڃن ته هوند قيامت اچي وڃي. ٻڌي ايڪو ۽ اتحاد ئي اها طاقت آهي جنهن جي زور تي اسان دنيا کي لوڏي سگھون ٿا. افسوس جي ڳالھ آهي جو اسان پنهجي ئي وطن ۾ اجنبي بڻجي ويا آهيون. اسان جي دولت مان ڌاريا موجون ماڻي رهيا آهن، اسان جي زمين تي پنهنجو حق جتائي رهيا آهن، مٿان وري مصيبت اهيا آهي جو اسان جا وڏيرا، جاگيردار، سياستدان ۽ ڪامورا پنجاب سامراج جا هٿڪنڊا بڻجي اسان جي تباهي ۽ برباديءَ جو سامان گڏ ڪري چڪا آهن. پر هاڻي جڏهن دنيا ۾ تمام وڏي مانڌاڻ مچي رهي آهي، ان مهل اسان پنهنجي تباهيءَ تي جيڪا مجرمانه خاموشي اختيار ڪيون ويٺا آهيون اها اسان جو هن ڌرتيءَ تان هميشه هميشه لاءِ نانءٌ نشان ئي مٽائي ڇڏيندي. هاڻي وقت اچي ويو آهي ته اسان وقت جي آواز جي گونج جو جواب ڏيندي پاڻ ۾ متحد ٿي پنهنجي ڌرتيءَ مٿان ٿيندڙ ڌارين جي يلغار جو مڙس ٿي مقابلو ڪيون ۽ پنهنجي مٿان ڪيرايل مصيبت سندي هن ڇپ کي ريزه ريزه ڪري ڏيکاريون، گوليءَ جو جواب گولي، پٿر جو جواب پٿر، گار جو جواب گار، جهيڙي جو جواب جهيڙو اهيو ئي قدرت جو قانون آهي جنهن کي هينئين ۾ هنڊائي اڳتي قدم کڻجي مونکي يقين آهي ته ڪاميابي اسان جو مقدر ٿي ويندي. اسان هن جنگ ۾ سڀ کان پهرين پنهنجي خون ۾ موجود خرابيءَ جو اعلاج ڪيون اسان جا پنهنجا جن اسان جيڪي اسان جي خلاف ڌارين کي لبيڪ ڪري انهن سان ٻٽ ٿي ويا آهن، انهن کي به تاريخي سيکت ڏيڻ جو وقت اچي ويو آهي. اسان جي محرومي، اسان جي بک ۽ بدحالي جنهن سدائين اسان جي مٿان راڄ ڪيو آهي، اسان جي اندر ۾ هڪ لاوي جي شڪل اختيار ڪري چڪي آهي، ان ڪري اچو اي سنڌ واسيو پنهنجون ذاتي رنجشون هڪ پاسي رکي پنهجي ڪوڙين انائن کان منهن موڙي پنهنجي جيجل ماءٌ جي پڪار بڻجي، ان تي ڦهليل هن انڌيري رات جو خاتمو آڻي هڪ نئين جهان، نئين سماج جي تعمير ڪيون، ۽ دنيا وارن جي مٿان هي واضع ڪيون ته اسان بزدل، هيڻا ۽ گيدي ناهيون، اسان پنهنجي وطن سان بي انتها محبت ڪيون ٿا ۽ ان جي عظمت خاطر پنهنجي جانين جا نظرانه ڏيڻ لاءِ به هر دم تيار آهيون. اسان جي سونهاري سنڌڙي هزارين سالن کان هن ڌرتيءَ جي وشال سيني تي، لکين عقوبتون ۽ گهاءُ سهڻ جي باوجود به قائم ۽ دائم آهي ۽ تا قيامت دنيا جي ڪا به طاقت اسان سنڌين کان اسان جو وطن الڳ نه ٿي ڪري سگهي. جيئي سنڌ جيئي لطيف
جواب: پيغام سنڌ رشيد زهراڻي [justify] محترم سائين زهراڻي صاحب، ڪافي ڏينهن کانپو آيا پر ليک اهڙو لکيو اٿوَ جو اصل وڃي ٿين خئير ۔۔۔ سچ به ته اوهانجو هي ليک سون ۾ مڙاهي ديوارن تي لٽڪائڻ جهڙو آهي ته جيئن هر سنڌي انکي پڙهي سگهي ۔۔۔ بيشڪ اسانکي سنڌ ملڪ جي حفاظت لا اڳتي اچڻو پوندو ۽ جڏهن مالهي ئي باغ جي حفاظت نه ڪندو ته ٻيو ڪير اچي ان جي حفاظت ڪندو بلڪ ٻيا ته ان باغ جو ٻوٽو ٻوٽو پٽي ويندا ۔۔۔ ٻي ڳالهه جيڪا اوهان تمام اهم ڪئي آهي ته اسانکي پنهنجي قوم اندر موجود خرابين ۽ خراب عنصرن کي ختم ڪرڻو پوندو بلڪ اوليت ئي ان شئي کي ڏجي، ڇاڪاڻ ته جيستائين اسين پنهنجي جسم کي تندرست نه ڪنداسون تيستائين ٻاهرين مرضن سان مقابلو ڪرڻ آسان نه ٿيندو ۔۔ منهنجو هٿ به اوهان سان مٿي آهي ۔۔۔۔ ايڪو ۔۔۔ اتحاد ۔۔۔ هڪ مُٺِ برابر ڪاميابي ۽ ڪامراني رب العالمين سنڌين مان برايون ختم ڪري ۽ دشمنن جي مڪاري کان پناهه ۾ رکي ۔۔۔ آمين[/justify]
جواب: پيغام سنڌ رشيد زهراڻي سائين رشيد الله هن دفعي وڏي ٽُبي هڻي گم ٿي ويو ۽ اڄ آيو ته سنڌ جا نعرا هڻندو ۽ حق جا نعرا هڻندو آيو آهي۔ سنڌ سموري سون ، سنڌ سڄي سرهاڻ مان عابده پروين جي آواز ۾ اهو شعر ته هميشه ٻڌندو پيو اچان پر ڪجه سالن کان خبر ناهي ڇو اهو شعر اندر ۾ آنڌ مانڌ مچائي ٿو ڇڏي ۽ ننڊون ڦٽائي ٿو ڇڏي ۔۔۔۔۔۔ ننڊ ته سنڌ سلامت به ڦٽائي آهي جو پهريان مان رات جو ساڍي ڏهين بجي سمهي پوندو هوس پر هاڻي ساڍي ٻارهين بجي تائين ويٺو هوندو آهيان۔ سنڌ سان ٿيندڙ ڪلور ۽ جيئن جيئن انهن تي غور ڪيان ٿو ته ڪيتريون ئي ڳالهيون وائکيون ٿي ٿيون پون۔ پنهنجن جا وڍ ، پراون جا گهاو ۔۔۔۔۔۔۔۔۔۔۔۔۔ جيئن جيئن سوچيون ٿا ته پاتال م هليا ٿا وڃون۔ اوهان جا نعره حق جا نعره آهن پر ڇا ڪيون هتي ته پنهنجا به هڪ ٽيبل تي ويهڻ لاء تيار ڪونهن ، هنن کي اسٽيج ۽ عهدن جي لالچن ماري وڌو آهي، وفاق پرستن ته اسان کي ٺلها آسرا ئي ڏنا آهن توڻي جو سياستدانن کان وڌيڪ فوج اقتدار تي قابض رهي آهي۔ سائين جي ايم سيد کانپوء قوم پرست ڌريون الائي ڪيترن ڌڙن ۾ ورهائجي ويون آهن۔۔۔۔۔۔۔۔ ڪنهن سان هلجي ، ڪنهن جي پويان هلجي۔۔۔۔۔۔۔۔۔ اونداه ئي اونداه آهي۔ اسان مان ئي ۽ اسان جهڙا ئي ڪي قيادت ڪندي انقلاب آڻيندا پر ان لاء وقت لڳندو ، ماڻهن جي سوچ بدلائڻي پوندي ۔۔۔۔ اسان اوهان جهڙي سوچ وارن سان گڏ آهيون۔ لک قرب اوهان جا
جواب: پيغام سنڌ رشيد زهراڻي ضرورت آهي هڪ مثبت سوچ ۽ قوم جي سچي رهنمائي ڪندڙ رهبر جي ، جنهن تي عوام جو مڪمل اعتماد هجڻ به لازمي آهي هن سوچ لا ڏسون ٿا ڪير ٿو اڳيان اچي !
