هڪڙي صدا

[shabana nawaz panhwar]

يا رب ڏس تون حال اسانجو
سورن ۾ هر سال اسانجو

دنيا م سڀ دوڌارا هت
ڪوڙا ماڻهوسوڀارا هت
حق سچ آ پامال اسانجو
يا رب ڏس تون حال اسانجو

دلڙيون ٽوڙي خوشيون ماڻن
ماتم جو ٿا منظر آڻن
جيون ٿيو جنجال اسانجو
يا رب ڏس تون حال اسانجو

زنگيل دلڙيون پٿر ماڻهو
بن احساس جي ٿوهر ماڻهو
انس چون آ مال اسان جو
يا رب ڏس تون حال اسانجو

مولا ڪري ڏس ڪوئي ڪرشمو
تڪڙو کپي بس ڪوئي ڪرشمو
موقف ٿيئئ ڪو بحال اسانجو
يا رب ڏس تون حال اسانجو

مظلومن جو موت ڪري ڇڏ
جنت کي يا مولا ڀري ڇڏ
يا ته ڀلو ڪر ڀال اسانجو
يا رب ڏس تون حال اسانجو

دنيا ساري جنت ڪر تون
سڀ جي دل ۾ محبت ڪر تون
پورو ڪر هي سوال اسان جو
يا رب ڏس تون حال اسانجو


​

 

[نثارابڙو]

جواب: هڪڙي صدا

دنيــــا ســــاري جنت ڪـــــر تون
سڀ جي دل ۾ محبت ڪر تون
پـــورو ڪر هي سوال اسان جــو
يــا رب! ڏس تـــون حال اسانجـــو

آمين ثم آمين،

ڀيڻ شبانه نواز پهنور صاحبه، لک ٿورا ايتري سهڻي دعا ونڊ ڪئي اٿوَ، اوهانجي دل مان نڪتل هڪ هڪ لفظ اسانجي من جي مراد آهي، اوهانجي پڪار اسانجي پڪار آهي، اوهان سان گڏ اسانجا هٿ به مٿي آهن ۔۔۔

اسانجي ڏاهن مفڪرن ۽ ديني اڳواڻن کي هي روشن سچ کي پڙهڻ گهرجي ۽ ان طرف قوم جي رهنمائي ڪري قوم کي ڏکن ڏاکڙن کان پار ڪرائڻ گهرجي ۔۔

شاعر ۽ اديب سماج جو آئينو هوندو آهن، انهن جي اندر مان نڪتل آهون ۽ ڪوڪون وقت جي پڪار هونديون آهن، پر جڏهن اسانجا مهندار ۽ اڳواڻ پنهنجن ڪنن ۾ ٻڙا ۽ اکين تي پٽيون چاڙهي ڇڏيندا آهن ته پوءِ آهون ٻڌي نه سگهندا اهن ۽ ظلم جا منظر ڏسي نه سگهندا آهن ۔۔۔

ڪاش منهنجي هن ڀيڻ جي اها دعا قبول ٿئي ۽ رب العالمين اسانتي رحم ڪري، باقي قومي ۽ مذهبي اڳواڻن جا حال پورا نظر اچنٿا ۔۔۔ بس انتظار آهي رب جي ذات جو ته هو اسان مان ڪو سچو ڏاهو انسان پئدا ڪري جيڪو اسانکي پنهنجي منزل تي وٺي وڃڻ لاءِ هڪ مٺ ڪري سگهي ۔۔

لک ٿورا ڀيڻ شبانه ۔۔۔ اميد ته اوهان پنهنجن ڪلامن سان هن اڱڻ جي دوستن جو ايمان تازو ڪنديون رهنديون ۔۔۔

اچو ڙي سورن واريون ڪريون سور پچار ۔۔۔

سنڌ سلامت ساٿ سلامت​

 

[ڏاڏل شينو]

جواب: هڪڙي صدا

دنيا ساري جنت ڪر تون
سڀ جي دل ۾ محبت ڪر تون
پورو ڪر هي سوال اسان جو
يا رب ڏس تون حال اسانجو

مشڪل آهي ادي اسانجي هڪ دوست هڪڙو لطيفو ٻڌايو هو هڪ همراه جو پي انتقال ڪري ويو ته ان چاليهي تي سندس ايثال ثواب لاءِ دُعا جو پروگرام رکيو مولوي صاحب دعا شروع ڪئي يا الله مرحوم ومغفور جا سغيرا و ڪبيرا گناه معاف فرما ته پُٽ چيو مشڪل آهي ، وري مولوي چيومرحوم و مغفور کي پنهنجي رحمتجي امان عطا فرما ته انجي پٽ چيو مشڪل آهي، وري مولوي چيو مرحوم و مغفور کي جنتِ فردوس ۾ جڳھ عطا فرما ته ان جو اهوپُٽ چوڻ لڳو مشڪل آهي ته مولوي چيو خدا جو خوف کاء پي لاءِ اهڙا جملا ٿو چئين پيو ته ان همراه جي پٽ چيو مولوي صاهب پي منهنجو مؤ آهي مونکي ان جي اعمالن جي خبر آهي ۔ سو ڀيڻ اسان اوهانجي دعا تي آمين ته چؤن ٿا پر مشڪل آهي الله اوهان کي اها همت مسلسل عطا ڪري ته جيئين اسان ڪاهلن جو ضمير اسانجو رهبر ٿي پوي ۔
وسلام


[/color][/center][/center][/QUOTE]

 

[سليمان وساڻ]

جواب: هڪڙي صدا

دنيا ساري جنت ڪر تون
سڀ جي دل ۾ محبت ڪر تون
پورو ڪر هي سوال اسان جو
يا رب ڏس تون حال اسانجو​

مهرباني ادي شبانه

اوهان جي شاعري جيڪا هڪ مڪمل دعا آهي تمام بهترين لڳي۔ اوهان جي دعا سان گڏ اسان جا به هٿ مٿي کنيل آهن ۽ جهولي رب العالمين جي درٻار ۾ کنيل آهي ته سڀني دلين ۾ محبت هجي ۽ دوکي جون ديوارون ڪري پون۔

سائينم سدائين ڪرين مٿي سنڌ سڪار
دوست مٺا دلدار عالم سڀ آباد ڪرين
​

لک ٿورا اوهان جا۔ اميد ته اوهان سنڌ سلامت جي سهڻي فورم تي پنهنجي شاعريء سان گڏ سهڻا ليک به موڪلينديون رهنديون۔

 

[آرزو]

جواب: هڪڙي صدا

ادي اوهان جو لک مهربانيون جو فورم تي اهڙي شاعري ونڊ ڪري فورم کي چار چنڊ لڳائي ڇڏيا آهن
اميد ته اهڙيون ڪوششون جاري رهنديون۔۔۔
لک مهربانيون۔۔

 

[ڦلپوٽو فقير]

جواب: هڪڙي صدا

بهترين ڪوششون آهن

جاري رکجو

سدائين گڏ

 

[غلام مصطفي ميمڻ]

جواب: هڪڙي صدا

مولا ڪري ڏس ڪوئي ڪرشمو
تڪڙو کپي بس ڪوئي ڪرشمو
موقف ٿيئئ ڪو بحال اسانجو
يا رب ڏس تون حال اسانجو ........................... مانوري آدي اسلام عليڪم۔تواهانجي شاعري ۾ تمام گهڻي گهرائي ۽ لفظن جو تمام سٺو انتخاب آهي ۔هڪ مظلوم جو فرياد ۽ آلله پا ڪ کان مدد گهرڻ جو هڪ بهترين امتيا ز آهي۔(keep it up).

 

[عامرضياء چارڻ]

جواب: هڪڙي صدا

آمين ثم آمين​

 

[رياض حسين گلال]

جواب: هڪڙي صدا

سائين تمام پيارو ونڊ آهي .