، مونکي آهي اميد الله ۾ ، سجدي پئي سپرين زاريون زور ڪريندو ، امت ڪارڻ احمد، ات پرمل (1) پاڪ پنندو صور(2) ڌڪاءُ ٿيندو اکيون سڀ سج ڪندو ، ميڙو ٿيندو مومنين ات محمد مير ملهندو(3) ، نفسا نفسي(4) سڀڪو ڪري داتا در ڊوڙندو ، مهت(5) ڏيندس مولو(6) ات بديون بخشائيندو ، لغت؛ (1) . هيڻن جو حمايتي (2) . توتاڙو اسرافيل (عليه سلام) جو (3) . خوش ٿيندو (4) . پنهنجي پنهنجي ( پچار) (5) . عزت (6) . مالڪ شاھ جو رسالو سر ؛ سارنگ صفحو ؛193 فصل پهريون . وائي علامه غلام مصطفى قاسمه ( رحمةالله عليه) سر سارنگ ؛ سارنگ هڪ راڳڻي جو نالو آهي ، جا ساوڻ ۾ ڳائبي آهي . عام ماڻهن ۾ مشهور آهي ته جيڪو هن سر کي ٺيڪ سر ۽ تال ۾ ڳائيندو ته جهڙ پيدا ٿيندو ۽ مينهن وسندو . سمجهاڻي ؛ شاھ ولي الله صاحب ” حوض ڪوثر“ لفظ جي تحقيق ڪندي لکن ٿا ته هو قرآن جو فيض آهي ، جنهن جي مثالي شڪل حوض ڪوثر آهي . جو عمدي ۽ مٺي پاڻيءَ سان ڀريل آهي . هن دنيا ۾ قرآن جو فيض سڀ ڪنهن لاءِ آهي ، جهڙي طرح برسات ۽ بارش سڀ ڪنهن زمين مٿان پئي ٿي . برسات کان اڳ زمين جي حالت بلڪل خراب هوندي آهي ، ملڪ ۾ ان مهانگو ۽ کير مکڻ اڻ لڀ هوندو آهي ، پر برسات جي پوڻ کانپوءِ ساوڪ ۽ آبادي نظر ايندي آهي ، اهڙي طرح قرآن کان اڳ شهنشاھن ۽ سرمائدارن جي عوام مٿان ظلمن ڪري ماڻهن جي حالت ڏتڙيل هئي ، ٽيڪسن ۽ محصولن جي بار عوام جي چيلھ ڀڃي ڇڏي هئي ، پر جڏهن قرآن جو فيض انهن جي دلين تي برسات وانگر وسيو ته انهن جون دليون سيراب ٿي ويون ۽ قرآني انقلاب جا حامي بنجي شهنشاهت ۽ سرمائيداريءَ جي پاڙ پٽڻ جو ٻڄ پوکي ، اسلامي اقتصادي نظام کي دنيا ۾ رائج ڪرڻ لاءِ پکڙجي ويا ۽ قرآن جي رحمت جا ڪڪر ساريءَ دنيا مٿان وسيا . مڪي مٿان موٽيون اٿيون ٿي عرفات ، روزي پاڪ رسول جي رنگ ڪيائون رات، وڄڙيون پرڀات موٽي مصر آئيون. ڪمپوزر ؛ افتخار علي چوهاڻ
جواب: منهنجي سيد سار لهندو سائين چوهاڻ صاحب مهرباني لطيف سرڪار جي شاعري کي سهڻي نموني ۽ سولائي سان سمجھ ۾ اچڻ جهڙو پيش ڪرڻتي اوهان جا قرب اميد ته لطيف سائين جي ڪلام کي آسان بڻائي دوستن سان ونڊ ڪرڻ جو هي طريقو جاري رهندو۔
جواب: منهنجي سيد سار لهندو ادا سليمان وساڻ صاحب اوهان جي مهرباني ، انشاءالله وقت ڪڍي اوهان جي فرمائش ضرور پوري ڪبي ۔
