محبت جي منزل نه ماڻي

[جاويد نواز]

غزل
محبت جي منزل نه ماڻي سگهيا سين
خوشيون ڪون جيون ۾ آڻي سگهيا سين

وڏي ڪئي سين ڪوشش به محنت ڪرڻ جي
مگر هڪڙي کٽڙي نه واڻي سگهيا سين

ڏُڪر ۾ ٻُهارياسين جيڪي مٽي مان
اُهي ڇڃ ۾ داڻا نه ڇاڻي سگهيا سين

ڇڏيو ساٿ هٿڙن قلم ڀي ڪري پيو
نه خطڙو سڄڻ ڏي اُماڻي سگهيا سين

اسان کي جنهين پيڙهيو گهاڻي ۾ يارو
انهي کي به پيڙهي نه گهاڻي سگهيا سين

اسان جي به منهن تي هو آهن اسان جا
ڇاهي تن جي دل ۾ نه ڄاڻي سگهيا سين

زمانو ڇڪي ويو محبت جي ڏوري
انهي کي نه جاويد تاڻي سگهيا سين

جاويد نواز
دعائن ۾ ياد​

 

[مست]

جواب: محبت جي منزل نه ماڻي

ڏُڪر ۾ ٻُهارياسين جيڪي مٽي مان
اُهي ڇڃ ۾ داڻا نه ڇاڻي سگهيا سين
ڇڏيو ساٿ هٿڙن قلم ڀي ڪري پيو
نه خطڙو سڄڻ ڏي اُماڻي سگهيا سين

ادا جاويد، تمام بهترين شاعري آهي، مان پهرين به چئي چڪو آهيان ته سادي لفظن ۾ پنهنجي ڳالهين کي بيان ڪرڻ‌ڏکيو آهي پر اهو فن توهان کي بخوبي اچي ٿو، ۽ خيالات به نئين طرح جا آهن، اُميد ته توهان جي اهڙي بهترين شاعريءَ مان اسان اڳتي به فيضياب ٿيندا رهنداسين۔۔۔​

 

[ابو جواد]

جواب: محبت جي منزل نه ماڻي

ادا جاويد اوهان جي ونڊ بهترين آهي اميد آهي هن فورم جي ترقي لا پنهنجي جاکوڙ جاري رکندو مهرباني

 

[نثارابڙو]

جواب: محبت جي منزل نه ماڻي

سهڻا خيال، فڪري سوچ ۽ لفظن جي رواني هن غزل کي پر ڪشش ٺاهي ڇڏيو آهي ۔۔۔ واه

 

[رياض حسين گلال]

جواب: محبت جي منزل نه ماڻي

سائين بهترين ونڊ آهي