ادا جيتريقدر آءُ ڏٺو آهي ته سنڌ ۾ نوجوانن سان مسئلا وڌيا آهن خاص ڪري ڪراچي ۾۔ انهن کي ڪراچي ۾ ڪنهن يونيورسٽي ۾ داخلا نه ٿي ڏني وڃي ۽ اگر اسان جو ڪو سنڌي مزدوري خاطر ڪراچي ۾ اچي ٿو ته ان کي واپس ڪيو ٿو وڃي ....... اهو ڪيستائين
جواب: سند ۾ نوجوانن جا مسئلا [justify]ڀا حيات وساڻ صاحب، اوهانجي ڳالهه سان سئو فيصد متفق ٿيندي چئبو ته سنڌي نوجوانن سان گڏ سموري سنڌي قوم مسئلن جو شڪار اهي، جڏهن قوم پوري مشڪلاتن ۾ هوندي ته ان جو هر طبقو مشڪل ۾ هوندو آهي ۔۔۔ چاهي نوجوان هجي يا ٻڍو، مرد هجي يا عورت، پڙهيل لکيل هجي يا اڻپڙهيل ۔۔ خاص ڪري اوهان ڪراچي جو ذڪر ڪيو آهي ته ادا سائين ڪراچي ته اسان ڌارين جي حوالي ڪري چڪا آهيون، بلڪ ايم ڪيو ايم ته هاڻ چوي ٿي ته سنڌ جا ته اسان مالڪ آهيون ئي آهيون جو پاڪستان ٺاهي اسان سنڌ فتح ڪئي اهي، باقي هاڻ چون ٿا ته پوري پاڪستان ۾ 3 نمبر وڏي پارٽي اسانجي آهي ۔۔۔ مطلب مستقبل قريب ۾ هي صاحب پوري پاڪستان تي قبضو ڪندا ۔۔ ڇونه ڪن، جڏهن ڌرتي ڌڻي ننڊ ۾ هجن ۽ ڀاڙ جا ترا هجن ته ڌارين جي وات ۾ ماکي پوندي سندن وات سڙندو ڇا ؟ اچو ته اسين سڀ سنڌي هڪ مٺ ٿيڻ جي ڪوشش ڪريون ۽ جيڪي به سنڌين کي ويڙهائڻ يا الڳ الڳ ڪرڻ جي ڪوشش ڪن انهن جو منهن ڪارو ڪري گڏهه تي ويهاري، سنڌ جو سير ڪرايون ۔۔۔ اوهانجي سيني ۾ موجود سنڌ دوستي سبب اسانکي آٿت ۽ سڪون مليو آهي لک ٿورا[/justify]
جواب: سنڌ ۾ نوجوانن جا مسئلا سائين آءُ به توهان جي ڳاله سان متفق آهيان پر نوجوان ڪنهن به قوم جو سرمايو هوندا آهن . چوندا ناهن ته اگر نوجوان اٿي پون ته اهي پهاڙن مان به رستا ٺاهي سگهن ٿا. اسان کي انهي گهري ننڊ ما اٿي سجاڳ ٿيڻو پوندو
جواب: سند ۾ نوجوانن جا مسئلا ادا ضرورت آهي ته سچي رهنما جي ، ضرورت آهي هڪ پليٽ فارم جي جنهن تي اچي سڀ گڏ ٿي سگهن۔ ڏسون ٿا ته ڪير ٿو اڳيان اچي واڳ سنڀالي ۔ڇو ته اسان جا قومپرست توڙي ٻيون سياسي جماعتن جو حال آوهان جي اڳيان آهي۔ باقي اوهان جي درد ۽ ترجماني سان بلڪل گڏ آهيون !!!!
جواب: سنڌ ۾ نوجوانن جا مسئلا ان سمجهان ٿو تعليم ۽ اها به معياري تعليم ئي اسان کي هن ڌٻڻ مان ڪڍي سگهي ٿي۔ نوجوانن کي هنري تعليم ڏانهن خاص ڌيان ڏيڻ جي ضرورت آهي۔ اهو بلڪل صحيح آهي ته هن وقت نوجوانن جا مسئلا وڌندا پيا وڃن پر پوء به ڪوشش ڪرڻ ۽ ڪاميابي ڏانهن وڌڻ کانسواء ڪو چارو ڪونهي۔ هڪ ڳاله ته اسان کي ڪنهن جو سهارو ڳولڻ نه کپي، انتظار ڪرڻ نه کپي بس اڳتي وڌڻ جو سوچڻ گهرجي ۔۔۔ منزل مشڪل ضرور آهي، پيچرا اڻانگها ضرور آهن پر ۔۔اياز جي سٽن سان وڌڻو پوندو جي هانء نه هارين ڪوهيارا ات ڏينهن به گهاري وينداسين ڇو پير پساري ويٺو آن اٿ ڏونگر ڏاري وينداسين ڇا لاء تڪين ٿو ڪنڌيء ڏانهن ٻي ٻيڙي مور نه اچڻي آ جي تون به اچين او ڪوهيارا توکي به اُڪاري وينداسين
جواب: سنڌ ۾ نوجوانن جا مسئلا ادا جيستائين اسان دينئي ۽ دنيائي تعليم ۾ ڀڙه نه ٿينداسين تيستائين اسان ڪنهن به قوم سان مقابلو نه ڪري سگهنداسين.افسسوس سان چوڻو ٿو پوي ته اسان تعليم صرف نوڪري لاء حاصل ڪندا آهيون ۽ نالج لاء نه۔اسان کي يقين آهي ته اسان جي قوم ۾ به اهو ٽيلنٽ موجود آهي جنهن جي صحيحي رهنمائي ڪئي وًًًًًًًً جي ته گهڻيون inviation ٿي سگهن ٿيون جيڪي ملڪ ۽ قوم جي لاء ڏاڍي فائيدمند ٿي سگهن ٿيون۔اسان کي ڪنهن ٻئي سان شڪايت ڪرڻ جي بدران پنهنجي پاڻ کي سڌارڻ گهرجي۔ٽيلنٽ کي نه ته سفارش جي ضرورت هوندي آهي ۽ نه ئي وري ڪنهن تعليمي آداري جا دروازا هن تي بند ٿيندا آهن.
جواب: سنڌ ۾ نوجوانن جا مسئلا ادا وساڻ مان ڪجهه حد تائين اوهان جي ڳالهه سان مطفق آهيان اسان سڀني کي گڏ جي اڳتي وڌڻو آهي بغير ڪنهن جي انتظار جي پو سڀ اچي گڏبا ادا سليمان جي ڏنل شاعري کي اڳتي وڌائيندي اهو ضرور چوندس ته هي رات ته اچڻي وڃڻي آ باقي به گذاري ويندا سي پر ويندي ويندي سنڌڙي جي سينڌ سنواري ويندا سي۔ سدائين گڏ
