ڪڏهن ته آ اک جو ڪجل زندگي

[جاويد نواز]

غزل
ڪڏهن ته آ اک جو ڪجل زندگي
ڪڏهن ته آ ڪينجهر ڪنول زندگي

ڪڏهن ٿي هو موهن دڙي جان لڳي
ڪڏهن آ ته مومل محل زندگي

ڪڏهن جنوري رات جان هو ٿڌي
ڪڏهن شمس وانگي تتل زندگي

ڪڏهن ته هو ڀرندي ڀُري ٿي وڃي
ڪڏهن ته آ پختو جبل زندگي

ڪڏهن شرم ٻوٽي جان بند ٿي وڃي
ڪڏهن مکڙي وانگي کليل زندگي

ڪڏهن ته هو خارن جان ٿي لڳي
ڪڏهن آ گلاب جو گل زندگي

ڪڏهن ٽوهه جان هو زهر ٿي لڳي
ڪڏهن ته آ مٺڙي ڪتل زندگي

ڪڏهن ٿي هو ڀونئري جان ڦرندي وتي
ڪڏهن ته جاويد آ ستل زندگي

جاويد نواز
دعائن ۾ ياد​

 

[عاشق سولنگي]

جواب: ڪڏهن ته آ اک جو ڪجل زندگي

ڪڏهن ٿي هو موهن دڙي جان لڳي
ڪڏهن آ ته مومل محل زندگي

ادا تمام بهترين۔۔۔

 

[رياض حسين گلال]

جواب: ڪڏهن ته آ اک جو ڪجل زندگي

واهه سائين واهه تمام بهترين ونڊ آهي .​