نثارناز
سينيئر رڪن
پيارا سنڌ سلامت جا ساٿيو ۽ ساري دنيا جا سنڌي دوستو، چند ڏينهن پهرين حُسين آباد جي مشهور گدو چرين واري اسپتال جي خوبصورت آڊيٽوريم ۾ مهراڻ ٽي وي پاران مشهور طنز و مزاح واري پروگرام فيوز ٽاڪ جي گولڊن جوبلي واري تقريب تمام شاندار نموني ملهائي وئي، جنهن ۾ فلم ٽي وي ۽ فنون لطيفه سان تعلق رکندڙ ماڻهن تمام وڏي تعداد ۾ شرڪت ڪئي، هن ايوارڊ واري تقريب ۾ مون جهوني کي به سنڌ سلامت جي نمائندي طور دعوت هُئي، سنڌ سلامت جو شينهن سمون عرف عبدالغفور سمون انهي تقريب ۾ شرڪت ڪرڻ لا به باربار زور وجهي رهيو هو، جيئن ته وري هميشهه جيان ڳالهه وري به منهنجي سنڌ سلامت جي شعبي شوبز کي سينگارڻ ۽ سجائڻ جي هُئي، سو پاڻ کڻائي به اتي پهچي ويس، مينٽل هاسپيٽل جي در تي پهتس ته پري کان هڪڙو تمام سُٺن ڪپڙن سان ملبوس نوجوان ڇوڪرو مليو، وڌي اچي مونسان ٻکين پئجي ويو، سائين مونکي سڃاتو توهان ، آئون اچرج ۾ پئجي ويس ذهن تي زور ڏنم نه يار مان توکي ڪونه ٿو سُڃاڻان، نوجوان ڇوڪري افسوس جو اظهار ڪندي چيو ته سائين مان دليپ ڪمار کان به وڏو اداڪار آهيان، مان شاهه رُخ خان کان به وڏو اداڪار آهيان، مان امريش پوري کان به وڏو اداڪار آهيان، پر هو جيڪي هن اسپتال ۾ فنڪشن پيا ڪن مونکي اسٽيج تي ڪوبه ڪردار ادا ڪرڻ نٿا ڏين، ائين چئي هُن منهنجي جرسي جي گلي ۾ هٿ وڌا، الاڙي منهنجي سامهون نظر پئي ته سامهون بورڊ تي لکيو پيو هو ته مينٽل هاسپيٽل حُسين آباد سڄو معاملو سمجهي ويس ير مري ويس دل ۾ سوچيم پڪ سان هي شاهه رُخ کان وڏو ايڪٽر گدو واري اسپتال جو ڪو چريو آهي، اڃان هُن منهنجي جرسي جي گلي ۾ هٿ وجهي مون ڏانهن ٺونشو اُلاريو منهنجي رڙ نڪرڻ واري هُئي ته ٻه لٺ بردار چوڪيدار ظاهر ٿي انهي چرئي ايڪٽر کي زوري کنڀي کڻي ويا، ايتري ۾ ڏٺم ته عبدالغفور شينهن سمون ظاهر ٿيو چيائين ته سائين نثار شڪر ٿيو تون انهي پاڳل جي ٺونشي کان بچي وئين آئون ته اجهو هي اک سُڄائي ويٺو آهيان، يار ڪمال ٿا ڪن هي مهراڻ ٽي وارا مون رڙ ڪئي هي به ڪا جڳهه آهي اهڙا خوبصورت پروگرام هتي ڪرڻ جي، چيائين ته سائين نثار توهان اندر هلو ته سهي زبردست پروگرام هلي پيو ٿوري دير پنڌ ڪرڻ کانپو آڊيٽوريم ۾ داخل ٿياسين اندر ته خوبصورت چهرا، ٻهڪندڙ چهرا ۽ شايد اُن مهل سنڌي مزاحيه فنڪار مٺو پنهنجي مزاح جو هڪڙو ائٽم ٻُڌائي رهيو هو، هن چرئي ايڪٽر واري ڪاروائي ذري کن ڀلجي وئي ، جيئن ته عبدالغفور سمون منهنجي سيٽ بلڪل اسٽيج جي سامهون واري لائين جي ٻي لائين ۾ رکي آيو هواتي اچي مونکي ويهاريائين۔ ۽ پاڻ هن خوبصورت ايوارڊ واري تقريب جي سنڌ سلامت واسطي ڪوريج ڪرڻ کي لڳي ويو۔
هاڻي توهان تصويرون ڏسو ۽ پنهنجي دل وندرايو
