سريلنڪا جي ڪپتان سنگاڪارا جي سينچري سبب نيوزيلينڊ کي شڪست

[سليمان وساڻ]

ڪالھ بمبئي ۾ کيڏيل ميچ ۾ سريلنڪا جي ٽيم نيوزيلينڊ کي آسان شڪست ڏئي گروپ اي ۾ ٽاپ تي اچي وئي آهي۔ سريلنڪا ٽاس کٽي پهريان بئٽنگ ڪئي پر اوپنر 19 جي مجموعي اسڪور تي آئوٽ ٿي ويا۔ پر پوء ڪپتان ڪمار سنگاڪارا ۽ مهيلا جيوردني جي ذميوارانه بئٽنگ سبب سريلنڪا جي ٽيم 50 اوورن ۾ 265 رنسون ٺاهي آئوٽ ٿي وئي۔ سنگاڪارا شاندار 111 رنسون ٺاهي آئوٽ ٿيو۔ جيوردني 66 رنسون ٺاهيون ۽ ميٿيوز 45 رنسن تي ناٽ آئوٽ رهيو۔ ٽم سائوٿي 3 ۽ نيٿن ميڪلم 2 وڪيٽون ورتيون۔

جواب ۾ نيوزيلينڊ جي پوري ٽيم سريلنڪن اسپنرن جي اڳيان صرف 35 اوورن ۾ 153 رنسن تي ڍير ٿي وئي ۽ سريلنڪا هي ميچ 112 رنسن تان کٽي ورتي۔ مرليڌرن 4 ۽ مينڊس 2 وڪيٽون ورتيون۔​

هن ميچ جو هيرو سريلنڪن ڪپتان ڪمار سنگاڪارا جنهن 111 رنسون ٺاهيون

ميچ جون مڪمل جهلڪيون

http://www.youtube.com/watch?v=ELbNivZRv68​

 

[و حيد کوسو بلوچ]

جواب: سريلنڪا جي ڪپتان سنگاڪارا جي سينچري سبب نيوزيلينڊ کي شڪست

واقعي سائين وساڻ صاحب سنگا ڪارا ساراهڻ جوڳي راند کيڏيو
سائين وساڻ صاحب اوهانجا به لک ٿورا
هر واري هر نئين ڳالهه هر نئين موضوع هر نئين سوچ
۽ منفرد نموني سان پيش ڪندا آهيو سدائين اوهانجي سٺي ڪوشش رهي
آهي جيڪا قابل تعريف آهي
سدائين گڏ