شيون: گوشت اڌ ڪلو، گيهه اڌ پاءُ، بصر هڪ پاءُ، ڏهي هڪ پاءُ، ٿوم ضرورت موجب، ڳاڙها مرچ هڪ ڇٽانگ، ادرڪ اڌ ڇٽانگ، لوڻ ذائقي موجب. طريقو: هڪ پليٽ يا ڪنهن به ٿانو ۾ بصر ٿلها ٿلها ڪترا ڪٽي وٺو، هاڻ هڪ ديڳڙي ۾ ٿورو گيهه گرم ڪريو، پوءِ بصر وجهي هلڪو گلابي ٿيڻ ڏيو ۽ پوءِ ادرڪ۽ ٿوم کي پيهي ان ديڳڙي ۾ وجهو ۽ ڪجهه ئي سيڪنڊن کانپوءِ گوشت به وجهي ڇڏيو، پوءِ ڳاڙها مرچ ڪتري ڏهي به وجهي ڇڏيو ۽ 5 منٽن تائين چڱي طرح چمچو هلايو ۽ پوءِ ٿورو گيهه ٻيو به وجهي ڇڏيو، هاڻ ديڳڙي کي ڍڪي هلڪي باهه تي رکو، جڏهن گيهه مٿي اچي وڃي ته ديڳڙي کي چلهه تان لاهي وٺو ۽ کائڻ جي تياري ڪريو. ڪاوش نازڪ
