هڪ نوجوان جي سچي آکاڻي؛ [JUSTIFY]هڪ نوجوان ڇوڪري، لنڊن شهر جي هڪ سامان جي گدام ۾ ڪلارڪ جو ڪم شروع ڪيو هو، هر روز کيس صبح جو 5 بجي اٿي 14 ڪلاڪ ساڳيو ڪم ڪرڻو پوندو هو، کيس گودام جي صفائي، سٿرائي ۽ ترتيب ڪرڻ جي ذميواري پڻ نڀائڻي هوندي هئي ... 14 ڪلاڪن جي ان روزاني مشقت کان تنگ اچي ويو، ۽ پنهنجي ڪم سان نفرت ڪرڻ لڳو، پر هڪ ڏينهن صبح جو اٿيو ۽ اهو فيصلو ڪيائين ته بس هاڻ وڌيڪ ان نفرت جوڳي نوڪريءَ کي برداشت نه ڪندو. هن 15 ميلن جو فاصلو پيرين پنڌ طع ڪندي پنهنجي ماءُ جي طرف ويو جت هوءَ هڪ ڪارخاني ۾ ڪندي هئي. پنهنجي ماءُ کي وڃي سڄي حقيقت ڪيائين ته هن ڪم ڇڏي ڏنو آهي ۽ پنهنجي ڪم کان ايترو تنگ آهي جو ان ڪم جي بجاءِ هو خودڪشيءَ ڪرڻ کي بهتر ٿو سمجهي، نوجوان کي اها خبر هئي ته هي ڪم سندس لاءِ ناهي ۽ هو ان کان نفرت ڪري ٿو. پنهنجي ماءُ کي اهو احوال ڪندي هن پنهنجي اڳوڻي اسڪول ماستر کي پڻ هڪ خط لکيو ۽ ماجرا ٻڌائي ته هو وڌيڪ ڪم نه ڪندو بلڪ هو هاڻ زندگيءَ مان تنگ اچي ويو آهي، ممڪن خودڪشي ڪري وجهي. اسڪول ماستر سندس ڳالهه سان اتفاق نه ڪندي کيس هلڪي آٿت ڏني ۽ سندس همٿ ۽ ذهانت جي تعريف ڪئي، نه فقط سندس تعريف ڪيائين پر کيس پنهنجي اسڪول ۾ نوڪريءَ جي صلاح پڻ ڪيائين. اسڪول ماستر کي هن نوجوان جي ذهانت جي ڄاڻ هئي، ان ماستر جي ان ننڍڙي صلاح ۽ تعريف ان نوجوان جي زندگي بدلائي ڇڏي ۽ هو تمام سٺو انگريزي ٻوليءَ جو استاد ثابت ٿيو، اڳتي هلي ان نوجوان انگريزي ادب جو مستقبل ئي بدلائي ڇڏيو ... ان نوجوان جا ڪتاب سڄي انگلستان ۽ يورپ ۾ تمام گهڻو وڪرو ٿيڻ وارا ڪتاب ليکجڻ لڳا ... ۽ ان نوجوان پنهنجين لکڻين سان ڪروڙين ڊالر ڪمائي ورتا .... ان نوجوان ڇوڪري جو نالو هي ؛ Herbert George Wells هربرٽ جارج ويلس (انگريزي ادب جو مشهور ليکڪ) ****************** ڪهاڻيءَ جو اخلاقي پهلو؛ تعريف ڪرڻ جي سگهه ڏسو، اسڪول ماستر هڪ ننڍڙي تعريف ۽ نوجوان جي مدد ڪرڻ سان نه فقط ان ڇوڪري جي زندگي بدلائي ڇڏي بلڪه انگريزي ادب کي هڪ وڏو لکڪ عطا ڪيو، جيڪڏهن اهو ماستر ان نوجوان کي دڙڪا ڏئي ها ۽ کيس ڀاڙيو ۽ بزدل چوي ها ته ممڪن نتيجو ڪجهه ٻيو هجي ها ... ياد رکو ڪنهنجي زندگي بدلائڻ لاءِ ان انسان جي خوبين تي نظر ڪيو ۽ انجي تعريف ڪري کيس همٿايو ... ممڪن اوهان ان ماڻهونءَ جي زندگي بدلائي ڇڏيو ...[/JUSTIFY]
جواب: ساراه يا تعريف جي سگهه سائين اوهان جو هي ليک پڙهي..مونکي ٿري ايِڊيٽ فلم جي ڪهاڻي ياد اچي وئي...تمام بهترين ليک ونڊڻ جي مهرباني سائين
جواب: ساراه يا تعريف جي سگهه مٺڙا عاشق، ٿري ايڊيٽ ۾ به ڇا ائين ئي ٿيندو آهي، جيئن مٿي ڪهاڻيءَ ۾ ٿيو،؟ بلڪل ادب جو ڪم آهي حقيقي زندگيءَ جا عڪس انسان آڏو ظاهر ڪري انهن کي سهي دڳ لائڻ ۔۔۔ فلم يا ناٽڪ پڻ ادبي حصو آهن، انڪري انهن ۾ به ڪيتريون ڳالهيون حقيقت جي ويجهو هونديون آهن بلڪ حقيقت جو عڪس هونديون آهن ۔۔۔۔ مٿي ڏنل ڪهاڻي حقيقت آهي ۽ انگريزن جي مشهور ليکڪ جي ڪهاڻي ونڊ ٿيل آهي ۔۔۔ دنيا جي ڪيترائي مثال انڪري پيش ڪيا وڃن ٿا ته جيئن اسين اهڙن تجربن مان گذرون ته اهڙيون ڳالهيون ياد ڪري پاڻ کي ۽ ٻين کي همٿائي اڳتي ڪريون ۔۔۔ لک ٿورا پسند ڪرڻ جا ۔۔۔
جواب: ساراه يا تعريف جي سگهه جي سائين ان فلم جو به مقصد اهڙي طرح ۽ اهو ئي ٿو نڪري. ڪاليج لائيف جي فلم ۾ پيءُ پنهنجي پُٽ کي انجنيرنگ جي ڪاليج ۾ زوري ايڊميشن وٺرائيندو آهي ۽ ان جي پيءُ جو خواب هوندو آهي ته منهنجو پُٽ مستقبل ۾ هڪ انجنيئر ٿئي......پر ان جي پُٽ هڪ سٺو فوٽوگرافر هوندو آهي، ۽ ڇوڪري کي هڪ فوٽوگرافر ٿيڻ جو شوق هوندو آهي...ساڳيء طرح جو سبق ان فلم مان ملي ٿو.
جواب: ساراه يا تعريف جي سگهه سائين نثار سلام تمام بهترين ڪهاڻي آهي۔ تعريف ۾ بلڪل سگھ آهي ۽ خاص ڪري نوجوان تعريف ٻڌڻ کانپوء بهتر کان بهتر ڪرڻ جي جستجو ۾ لڳي ويندا آهن۔ سائين غلام مصطفى ميمڻ صاحب به ڪجھ ڏينهن اڳ اهائي ڳالھ ڪئي هئي ته نون دوستن جي همٿ افزائي ٿيڻ گهرجي۔ اوهان جي هن سهڻي ليک کانپوء مونکي سندس ڳالھ بار بار ياد پئي اچي۔
جواب: ساراه يا تعريف جي سگهه سائين انسان جي اندر کي جاڳائڻ جا ڪيترا ئي فن آهن جن مان هي هڪڙو فن آهي ۽ اصل فن آهي انسان جي ذهانت کي سمجهڻ جين اسان جي هڪ دوست ٻڌايو ته ( هو انجنيئر آهي) آءُ هڪ ٽيڪسٽائل مل جي هڪ جنريٽر جي ڪمپلين تي ويس ۽ ڪمپني طرفان چيف انجنيئر جو پر وزٽ ٽيھ هزار هوندو آهي ان ڪمپني جو جنريٽر جڏهن مون ڏٺو تي هڪ پن پاسي تي هئي جنهن کي هلڪي هٿوڙي هڻي پنهنجي جاء تي واپس آڻڻو هو سو مون اهو ڪم ڪيو ته ان ٽيڪسٽائل جي مينيجر چيو سائين هي هيتري هٿوڙي هڻڻ جا 30ٽيھ هزار ته مون چيو سائين هي ٽيھ هزار هٿوڙي هڻڻ جا ناهن دراصل هي پيسا هٿوڙي ڪنهن جاءِ تي هڻڻي آهي ان جا آهن ، سو سائين انسان جي اندر صلاحيت ته فطرتي موجود آهي پر ان صلاحيت کي اجاگر ڪرڻ ڪنهن ڏاهي جو ڪم آهي سو اها ڏاهپ شايد ان استاد ۾ هئي ۽ هن وقت جو داءُ هڻي اڳين جي زندگي ٺاهي ڇڏي ۔ اسان کي گهرجي ته اسان پنهنجي اولاد جي تربيت انهن جي ذهن جو لاڙو ڏسي ڪريون يا جي ڪنهن کي ڪا ڳالھ سمجهائڻي به آهي ته محل ۽ موقعي کي ڏسي سمجهايون جيئن چوندا آهن ته لوح جنهن وقت گرم هجي ته ڌڪ ان وقت هڻجي نه ته هٿ زخمي ٿي پوندا ۽ ڪم به ڪو نه ٿيندو ۔ وسلام
جواب: ساراه يا تعريف جي سگهه لک ٿورا ليک کي سهڻي موٽ ۽ جواب ڏيڻ جا ۔۔۔ بيشڪ انسان به ڪچي لوهه جيئان هوندو آهي انکي تيز آلي ٺاهڻ لاءِ هٿوڙن جي ضرورت هوندي آهي ۽ اها به سهي جاءِ ۽ سهي وقت تي ۔۔۔ جڙيل هجو هميشه
