نوٽ ڪرڻ جهڙيون ڳالهيون... اپريل فول جي روايت زرار پيرزادو [justify]اڄ پهرين اپريل آهي جنهن کي سڄي دنيا اندر ”اپريل فول“ طور ملهائڻ جي هڪ دلچسپ روايت به رهي آهي. اپريل فول جي حوالي سان يقين ڪيتريون ئي روايتون منسوب آهن پر هڪ مشهور روايت موجب ”اپريل فول“ جي روايت فرانس جي بادشاهن وڌي. ان روايت موجب رومي سلطنت جا بادشاهه پنهنجي جولئين ڪئلينڊر موجب اپريل مهيني کي سال جو پهريون ڏينهن ڪري ملهائيندا هيا. 31 مارچ کي ”نيو ايئر جي نائيٽ“ ڪري ملهايو ويندو هو، نئين سال جون تقريبون ملهايون وينديون هيون، هڪ ٻئي کي سوکڙيون پاکڙيون ڏنيون وينديون هيون ۽ نئين سال جي حوالي سان نيڪ تمنائن جو اظهار ڪيو ويندو هو. اتفاق سان يورپ جي پوپ نالي هڪ همراهه کي رومين جو اهو ڪئلينڊر نه وڻيو سو هو 1528ع ۾ ”گريگوري ڪئلينڊر“ ٺاهي چُڪو هو جنهن ۾ سال جو پهريون مهينو ”اپريل“ کان نه پر جنوري کان شروع ٿيل ڏيکاريل هو. اڳتي هلي جڏهن فرانس جي سلطنت ڌاڪو ڄمايو ته ان رومي تهذيب جي ان اپريل مهيني کان شروع ٿيندڙ نئين سال واري ان ڪئلينڊر کي ان ڪري رد ڪيو ته اهو پراڻو ڪئلينڊر ”رومي بادشاهت جي غلبي“ جي غلامي واري ياد ڏياريندو رهندو ان ڪري ان کي ختم ڪري پوپ وارو ڪئلينڊر لاڳو ڪجي. ائين فرانس پهريون ملڪ هو جنهن گريگوري جي ڪئلينڊر جي حمايت ڪئي. البت فرانس جو هڪ وڏو عوامي ڌڙو ان حق ۾ نه هو ته ان نئين ڪئلينڊر کي تسليم ڪجي پر فرانس جي شاهي خاندان جو خيال هو ته ائين ڪري فرانس رومي سلطنت تي بالادستي وڌائي سگهي ٿو. هاڻي فرانس جي شاهي خاندان لاءِ اهو مسئلو هو ته اهو پراڻي رومي ڪئلينڊر تحت پهرين اپريل تي نيو ايئر ملهائيندڙ عوام کي ڪيئن روڪي؟. ان تي ڪنهن وزير کين صلاح ڏني، ته اوهان اڳ ۾ پهرين جنوري کي نيو ايئر طور ملهائڻ لاءِ وڏيون تقريبون ڪوٺايون ۽ پوءِ اپريل ۾ ملهائيندڙ نيو ايئر وارن تي ٺٺوليون ڪيون ۽ کين مذاق بڻايو ته اهي فرانس ۾ پهرين جنوري تي ملهايل نيو ايئر جي ٻن مهينن کان پوءِ وري نئون سال ملهائي بيوقوفي ڪري رهيا آهن. ان سياڻي شاهي خاندان کي صلاح ڏني ته پهرين اپريل کي اوهان وري ”اپريل فول“ طور ملهايو ۽ مٿن طنز ڪري کين اهو ڏينهن ملهائڻ کان ڀڄايو ۽ اهو تاثر قائم ڪيو ته اهي بيوقوف ماڻهو آهن جيڪي پهرين اپريل کي نئون سال ڪري ملهائي رهيا آهن. سو نوٽ ڪرڻ جي ڳالهه اها ناهي ته ائين ماڻهن کي بيوقوف بڻائڻ وارو اهو ”اپريل فول ڊي“ آهستي آهستي ٻين ملڪن ۾ به ملهائجڻ لڳو. پر نوٽ ڪرڻ جي ڳالهه اها آهي ته اصل نيو ايئر کي ختم ڪرائي فرانس هن ڏينهن تي سڄي دنيا ۾ سڀ کان وڏو ڪوڙ ڳالهائي کين فول يعني بيوقوف بڻائي ڇڏيو آهي.[/justify] روزانه عوامي آواز جي ٿورن سان
جواب: اپريل فول جي روايت مطلب سڀ بيڪار قسم جون روايتون يورپ وارن اسانکي تحفي ۾ ڏنيون آهن ۔۔۔ ڪڏهن پيار جو ڏينهن ته ڪڏهن اپريل فول ته ڪڏهن ڪجهه ته ڪڏهن ڪجهه ۔۔۔ ۽ اسين هميشه انهن ڏينهن کي پنهنجو ڪري وٺندا آهيون ۔۔۔ ٻاهر جي ڪٻر سنڌ ۾ مينا معلوماتي ونڊ ڪرڻ جا ٿورا وساڻ سائين!
جواب: اپريل فول جي روايت ادا سليمان اسان جو هڪ بزرگ آهي اهو سدائين اها ئي رڙ ڪندو آهي ته اسان انهن جي طرفان مليل ڏينهن ڪڏنهن اپريل ڦول ته ڪڏنهن ويلنٽائنڊي ته ڪڏنهن ڌوڙ ته ڪڏنهن ڇائي ملهائيندا آهيون ڇا انهن به اسان جو ڪو اسلامي مهنيو ڪا اسلامي عيد ڪا اسلامي تاريخ ملهائي آهي؟ جي هو اسان جي ڪا تراخ نه ٿا ملهائين ته پوء اسان ڇو ملهايون؟ اهي به اهڙي قسم جو عادتون جن جي دين اسلام قطعا اجازت نٿو ڏئي
