ادا ٻروچ صاحب؛ حق موجود؛ ادا سائين! اوهانجا لک ٿورا جو اوهان پنهنجي پسند، اسان سان ونڊ ڪريو ٿا، هي اردو زبان جو انتهائي وڻندڙ بيت آهي ... سٺو لڳو ... پر تنهن هوندي به هڪ عرض ڪندس ۽ ممڪن آهي ته اوهان پاڻ منهنجي ان ڳالهه سان سهمت ٿيندا ته هي فورم سنڌي زبان جي ترقي ۽ واڌاري لئه ڪم ڪري رهيو آهي ... ادا ٻروچ سائين! اسان سڀني دوستن وٽ اردو مواد ايترو آهي جو جيڪڏهن موڪلڻ شروع ڪيون ته سنڌ سلامت جو ميدان اردو ادب سان ڀرجي ويندو ... ها ڪنهن به ٻوليءَ جو حوالو ڏيڻ پنهنجي جاءِ ته پر پورا بيت، ڪهاڻيون يا مقالا موڪلينداسون ته نتيجو اهو مٿيون ٿيندو ته ميدان اردو ٿي ويندو ... دوست! جي اوهان وٽ ڪو سنڌي مواد آهي ته هن سنڌ سلامت جي ڌرتيءَ تي پوکيندا ته ممڪن اسان دوست ان جو ڦل حاصل ڪري وٺون ... اها سنڌي ٻوليءَ جي خدمت به ٿيندي ۽ اسان دوست به لطف اندوز ٿينداسون ... وڌيڪ اوهان پاڻ سياڻا آهيو ... اميد ته ڳالهه سمجهندا ۽ دل ۾ نه ڪندا ... اوهانجي دوستي اسان لاءِ باعث خوشي آهي ... نثار ابڙو مڪو پاڪ
وڏا سائين، مان صدقو وڃان، مان قربان وڃان مان ڇو دل ۾ ڪندس يار، مون کي ڪا به حيرت ڪا نه ٿي، ڇو جو مون کي بلڪل انهي جواب جي توقع هئي پر يار هڪ ڳالهه ته ٻڌاء ته توهان جو نئون ايڊيٽر صاحب پنهنجي صحيح ۾ اردو شامل ڪيو ويٺو آهي۔ توهان اها 5 جملن واري اردو جي پئراگراف کي تقريبن 1300 دفعا ڏسڻ جي باوجود ڪو اعتراض ڪو نه ڪيو پر ٻروچ جي هڪڙي پوسٽ توهان کي ايتري ڳري گذري۔ واه سائين توهان جو انصاف۔ بروبر اها چواڻي صحيح ثابت ٿي ته " لهه ڙي واڻيا، ٻيڙي ٿي ٻڏي"۔ خبردار ٻروچ گند پيو ڪري۔ خير، سائين مان دل ۾ ڪو نه ٿو ڪيان۔ ڪا ڳالهه ڪانهي، توهان وڏا آهيو، توهان جي هر ڳالهه کي سمجهڻ ۽ عمل ڪرڻ اسان جو فرض آهي۔ آئنده توهان کي شڪايت جو موقعو ڪو نه ڏبو۔ ساٿ جاري رهندو۔
ادا ٻروچ سائين؛ نه ته تو ڪو گند ڪيو آهي نه وري واڻيي جي ڪري ٻيڙي ٻڏي آهي ۽ ها اوهانجي ان ڳالهه سان سهمت ٿيندي، آءَ ڦلپوٽي فقير، ايڊيٽر سنڌ سلامت کي عرض ڪندس ته يارُ جي اها صحيح بدلائي ته مهرباني ٿيندي ... دوست ٻروچ، مون به اوهانکي عرض ئي ڪيو آهي، ڀائريءَ ۾ گذارشون ته ڪري سگهجن ٿيون! ۽ خوشي ٿي اوهانجي ان زنده دليءَ تي اوهان ڳالهه کي سمجهي ورتو آهي ... تنهن لاءِ به ٿورا ... ادا سائين؛ لطيف سڳوري جي وقت ۾ وقت جي حاڪمن ۽ ڪجهه ماڻهن جي وات ۾ هي پهاڪو هوندو هو ته ” فارسي گهوڙي چاڙهسي“ تنهن پهاڪي کي ختم ڪرڻ لاءِ اسانجي لطيف سڳوري ۽ ٻين سنڌي سڄڻن هڪ مهم شروع ڪئي ... جنهنجو مقصد هو ؛ سو مٺا دوست، مان صدقي وڃان اوهانجي ذات تان؛ اسين به جي ٿورڙو احتياط ڪنداسون ته ڳالهه ڳڙ ٿيندي ... اوهانجو وات مٺو ٿيندو ... ٻيو مڙئي خئير آهي ... ساٿ سلامت هجي ته اکيون ٿڌيون ....
