[JUSTIFY]اسين پڙهائڻ واري شخص کي لڳ ڀڳ هيٺين نالن سان سڏيندا آهيون …. ماستر ؛ انگريزيءَ جو تمام وسيع لفظ آهي، جنهنجيون کوڙ ساتريون معنائون آهن جن ۾، مالڪ، ماهر، يا معزز جي طور تي پڻ استعمال ٿئي ٿو. اسين سنڌي پڙهائڻ واري جي عزت ۽ مان کي ڏسندي اهو لفظ سندس شان ۾ استعمال ڪريونٿا ... استاد؛ عربي لفظ آهي، هي لفظ پڻ گهڻيون معانائون رکي ٿو جنهن مان هڪ آهي معزز يا ماهر وغيره، انڪري اسين سنڌي پڻ انکي پڙهائڻ واري لاءِ استعمال ڪريونٿا ... مدرس؛ هي لفظ پڻ عربي آهي جنهنجي معني آهي سبق ڏيڻ وارو يا پڙهائڻ وارو، اسانجا ديني حلقا هن لفظ کي گهڻو استعمال ڪندا آهن. مطلب ته اسين پڙهائڻ واري کي تمام اعلا مقام ته ڏيونٿا پر سنڌ جي معاشري ۾ ماستر جي زندگي ۽ آمدنيءَ کي ايترو ته گهٽ رکيو آهي جو هو ويچارو بنيادي ضرورتون به مس مس پوريون ڪري سگهندو آهي ۽ سڄي عمر پنهنجي گهر کي بکن ۽ ڏکن جا سبق پڙهائيندو رهندو آهي؛ استاد معاشري کي ڇاٿو ڏئي؟ يا کيس معاشري کي ڇا ڏيڻ گهرجي؟ اچو ته هنن مڪالمن کي ڏسون. ***************************************************************** هڪ پارٽيءَ ۾ کاڌي جي ميز تي ڪجهه معزز ماڻهن ويٺي زندگيءَ تي بحث ڪيو. هڪ ڪمپنيءَ جي مالڪ ۽ وڏي ماڻهونءَ تعليم جي مسئلن تي ڳالهائڻ شروع ڪيو، ” اڄڪلهه جو ٻار انهن استادن مان ڇاٿو پرائي، جيڪي ماڻهون پاڻکي معزز ۽ عقل ڪل سمجهن ٿا“ پنهنجي ڳالهه کي زور وٺائڻ لاءِ هن پريان ڀر ۾ ويٺل هڪ عورت سان مخاطب ٿيندي چيو؛ ”اوهين ماسترياڻي آهيو، اوهين ڇا ڪري سگهو ٿيون هڪ ٻار لاءِ؟“ پريان ويٺل اها عورت نه فقط ماسترياڻي پر معاشري ۾ عزت وارو مقام پڻ رکندي هئي، تنهن ٿڌو ساه ڀريندي چيو ته اوهين ڄاڻڻ چاهيو ٿا ته آءُ ٻار لاءِ ڇا ڪري سگهانٿي؟ ته ٻڌو، ” آءُ ٻار کي سخت کان سخت ڪم ڪرڻ لاءِ اڀاريندي آهيان جنهنجو هُن ڪڏهن سوچيو به نه هوندو آهي، آءُ ٻار کي ڪلاڪن جا ڪلاڪ ڪلاس ۾ منظم طريقي سان ويهاري سگهندي آهيان، جڏهن ته ان ٻار کي گهر ۾ بغير ڪنهن لالچ جي چپ ويهارڻ مشڪل هوندو آهي، ڪلاس ۾ منظم ويهڻ سان هو زندگيءَ جي نظام تي غور ڪري سگهندو آهي، اوهين ڄاڻڻ گهرو ٿا ته آءُ ٻار لاءِ ڇا ڪري سگهانٿو، ؟ آءُ ٻار کي حيرانگيءَ ۽ عبرت جي دنيا ۾ گهمائي سگهندي آهيان. آءُ ٻار کي سوال ڪرڻ سيکاريندي آهيان. آءُ ٻار کي سچي نيت سان معافي وٺڻ ۽ معاف ڪرڻ سيکاريندي آهيان. آءُ ٻار کي عزت حاصل ڪرڻ ۽ پنهنجن عملن جي ذميواريءَ جو احساس ۽ قبوليت ڪرائيندي آهيان. آءُ ٻار کي لکڻ سيکاريندي آهيان ۽ پوءِ انهن کان لکرائيندي آهيان آءُ انهن کي پڙهڻ، پڙهڻ ۽ پڙهڻ سيکاريندي آهيان. آءُ هنن کي هرطرح سان حساب ڪرڻ سيکاريندي آهيان، ۽ حسابن جو زندگيءَ تي اثر انداز ٿيڻ ٻڌائيندي آهيان. آءُ ٻارن کي قدرت پاران مليل دماغ استعمال ڪرڻ سيکاريندي آهيان. آءُ ٻوليون سيکاريندي کين پنهنجي مادري ٻوليءَ ۽ ثقافت جي اهميت بيان ڪندي آهيان. آءُ ڪلاس واري ڪمري ۾ هر طالبعلم کي حفاظت جو احساس ڏياريندي آهيان. آءُ کين اهو احساس پئدا ڪندي آهيان ته محنت ڪرڻ ۽ دل جي جذبات جو قدر ڪرڻ سان هو ڪامياب انسان ٿي اڀرندا. ۽ آخر ۾ وڏو ساه ڀريندي چيائين ته؛ پوءِ به ماڻهون اهو ڏسندا آهن ته آءُ ڇا ڪندي آهيان ۽ منهنجي حيثيت کي پئسي سان توريندا آهن ... پر پوءِ به پنهنجي عزت ۽ مان مرتبي سبب ڪنڌ مٿي ڪري هلندي آهيان ۽ اهڙين ڳالهين تي بلڪل به توجهه نه ڏيندي پنهنجي ڪرت سان لڳل هوندي آهيان. جڏهن ته پئسي وارن جا ڪنڌ جهڪيل هوندا آهن. ڪمپنيءَ جي مالڪ کي ٻڌائڻ ٿي گهران ته آءُ معاشري ۾ بدلاءُ آڻيندي آهيان، اونده کان روشنيءَ جي طرف پر اوهان ڪمپنيءَ جا مالڪ ڇا ڪندا آهيو؟ ************************** آکاڻيءَ جو حاصل مطلب؛ ماستري هڪ اهڙو هنر آهي جنهن مان ئي ٻيا هنر ۽ علم ڦٽي نڪرندا آهن .... انڪري پڙهائڻ سڀني علمن جي جڙ آهي ۽ سڀني کان مٿاهون پڻ [/JUSTIFY]
جواب: ماستر، استاد يا مدرس سائين استاد ماستر يا مُدرس بغير ڪنهن مبالغي جي عظيم انسان جا نالا آهن جن معاشرن ۾ انقلابي ليڊر پيدا ٿيندا آهن ته هنن جي انقلاب جي شروعات انهن ماڻحن يا هنرن کان شروع ٿيندي آهي ۔ اها به هڪ حقيقت آهي ته اسان جي معاشري ۾ هنن ڪردارن جو اهو قدر ناهي ۔ پر ان کان به هڪ هڪ وڏي حقيقت آهي ته انهي ڪردارن جا نالي ماتر ماڻهون به شايد پنهنجي هن ڪردار کي نڀائن ۾ ناڪام رهيا آهن جنهن ڏينه هن قوم کي ماستر يا استاد صًحيحملي ويو ته هي قوم سن لڳل داڳ ڌوئي ڇڏيندي۔ وسلام
جواب: ماستر، استاد يا مدرس بيشڪ سائين تعليم مان ئي هر علم نڪري ٿو پر سائين اڄ ڪلهه ماستري وري صرف هڪ پروفيشن بڻجي ويو آهي تمام بيارو ليڪ آهي سائين اهڙو ونڊ شيئر ڪرڻ تي توهان کي جس هجي سدائين گڏ
جواب: ماستر، استاد يا مدرس سائين نثار مهرباني علم سيکارڻ واري جو مرتبو اتم ۽ اعلى آهي۔ اسان اڄ جيڪو ڪجھ آهيون ان ۾ اسان جي والدين سان گڏ وڏو عمل دخل اسان جي استادن جو آهي جن اسان کي ان قابل بڻايو۔ استاد علم سيکاري ٿو ۽ علم انسان کي فرش کان عرش تي پهچائي ٿو ڇڏي۔ استاد جي عظمت کي سلام
جواب: ماستر، استاد يا مدرس علم سيکارڻ وارو شعبو پيغمبري پيشو آهي،۔۔۔۔ ان جي باري ۾لکڻ مست جي وس جي ڳالهه نه آهي
جواب: ماستر، استاد يا مدرس [font="al_mushaf"]عَنْ أَبِى هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « إِنَّمَا أَنَا لَكُمْ بِمَنْزِلَةِ الْوَالِدِ أُعَلِّمُكُم (أخرجه أحمد (2/247 ، رقم 7362) ، وأبو داود (1/3 ، رقم 8) ، والنسائى (1/38 ، رقم 40) ، وابن ماجه (1/114 ، رقم 313) ، وابن حبان (4/288 ، رقم 1440) ، وأبو عوانة (1/171 ، رقم 511)[/font] سيدنا ابو هريره رضي الله عنه کان روايت آهي ته رسول الله صلي الله عليه وسلم جن فرمايو : آئون ته توهان لا توهان جي پي جي جا تي آهيان انڪري جو آئون توهان کي تعليم ڏيان ٿو ۔
