[JUSTIFY]چانھ دنيا ۾ پاڻي کانپوء سڀ کان وڌيڪ پيئندڙ مشروب آهي جنهن جو استعمال وزن جي گهٽائڻ، ڪوليسٽرول جي گهٽائڻ، جسماني قوت مدافعت جي نظام کي بهتر ڪرڻ بدن مان زهريلا مادا خارج ڪرڻ، مٿي جي سور ۽ ذهني فڪرن جي نجات لاء تمام گهڻو فائديمند آهي۔ جيڪڏهن اوهان جو وزن وڌي رهيو آهي ته اوهان کاڌي کي گهٽايو، ڊگهي ڊوڙ لڳايو ، وزن گهٽائڻ واريون دوائون استعمال ڪيو پر هاڻي ان جي ضرورت نه آهي روزانه چانھ جا ٻه يا ٽي ڪوپ پيئو ان ۾ کير ۽ کنڊ نه ملايو ڇو ته کير چانھ جي فائديمند اثرن کي ختم ڪندو آهي ۽ کنڊ وزن م واڌ جو هڪ سبب آهي۔ هڪ نئين تحقيق موجب چانھ ۾ ڪجھ اهڙا قدرتي مرڪب مليا آهن جيڪي چرٻي کي پگهرائڻ جي سگھ رکن ٿا ۽ رت ۾ موجود ڪولسٽرول جي سطح کي گهٽائن ٿا جنهن ڪري ماڻهو بلڊ پريشر ۽ دل جي بيمارين کان محفوظ رهن ٿا۔ چانھ ۾ موجود antioxidants سبب اسان جي قوت مدافعت جي نظام کي مضبوط ڪري انفيڪشن کان محفوظ رکڻ ۾ مدد ڪري ٿي۔ [/JUSTIFY] [JUSTIFY]چانھ دنيا جو سڀ کان پراڻو مشروب آهي ۽ لڳ ڀڳ 5000 سالن کان پيتو وڃي ٿو۔ جيڪڏهن ڪنهن پاڪستاني کان پڇيو وڃي ته چانھ جا گهڻا قسم آهن ته هو هڪدم جواب ڏيندو : کير واري چانھ، سائي چانھ ۽ ڪشميري چانھ ۔ ڪشميري چانھ ۾ ايترا ته پسته، بادام ۽ سڪل ميوو هوندو آهي جو اها چانھ نه پر ڪو مٺو ڊش لڳندو آهي۔ پر سائنسي لحاظ سان چانھ جا چار قسم آهن، سفيد، ڪاري، ولانگ ۽ سائي پر دلچسپ ڳالھ اها آهي ته اهي سڀ قسم هڪ ئي ٻوٽي مان حاصل ٿيندا آهن۔ دنيا ۾ سڀ کان وڌيڪ استعمال ڪاري چانھ جو ٿيندو آهي جيڪا گرما گرم چسڪين سان گڏ برف وجھي به پي سگهجي ٿي۔ ڪاري چانھ ۾ ڪيفين وڌيڪ جنهن ڪري هو هلڪو نشو به پيدا ڪندي آهي۔ [/JUSTIFY] وڌيڪ معلومات لاء وائيس آف آمريڪا جي اردو لنڪ تي ڪلڪ ڪري تفصيل پڙهي سگهجن ٿا۔ http://www.youtube.com/watch?v=TbAXgxq5yrA
جواب: چانھ يا امرت ڌارا پر ان نڀاڳيءَ ڪاري چانهن ۾ جيڪا ڪيفين آهي، اها ئي ته مسئلو آهي، جيڪا وري ڪجهه بيماريون به پئدا ڪري ٿي ۔۔۔ پر پوءِ به هڪ عام صحتمند ماڻهونءَ لاءِ اوهانجي ڏس ڏنل چانهن پيئڻ ۾ ڪو حرج ناهي ۔۔۔ جيڪا ڪجهه ڪولسٽرول به گهٽائي، ڇاڪاڻ ڪولسٽرول جنهنکي ٿلاهپ جي بيماري چئون اها به گهڻين بيمارين جي جڙ آهي ۔۔۔ چائنا جا ماڻهون سائي چانهن به گهڻي واپرائن ٿا کنڊ کان بغير ۔۔۔ اسين ته سنڌ ۾ دوده پتي اهڙي پيئون جو اصل جيستائين آنڊي تي وڃي ڌڪ نه هڻي تيستائين مزو ئي نه اچي ۔۔۔ اسان واري چانهن نه پر مٺو شربت هوندو آهي ۔۔۔ جيڪو گهڻي پيئڻ سان نقصانڪار ٿيئ ٿو ۔۔۔ پر يار جنهن کي الله رکي تنهنکي ڪير چکي واري ڳالهه آهي ۔۔۔ پوءِ به احتياط ڪرڻ ضروري آهي ۔۔ لک ٿورا دوست ۔۔۔ اسانجي صحت جو خيال اوهانکي مڙئي گهڻو هوندو آهي ۔۔۔
جواب: چانھ يا امرت ڌارا ادا چانهه بابت ڪارائتي معلومات ڏيڻ جي مهرباني۔۔۔۔۔۔۔۔۔۔۔۔۔۔۔ اها چانهه ته يار پنهنجي به ڪمزوري آهي۔۔۔۔۔۔۔۔۔۔۔۔۔۔۔۔۔۔۔۔
جواب: چانھ يا امرت ڌارا اها چانھ ڪنهن جي ڪمزوري ناهي ٻڌايو۔۔۔۔۔۔۔۔۔۔۔۔۔۔۔ شايد ادو رشيد گهٽ پيئندو هجي۔۔۔۔۔۔۔
جواب: چانھ يا امرت ڌارا سائين نثار مهرباني اميد ته خوش آهيو ۽ چانھ جا مزا وٺي رهيا آهيو۔ مون هي ونڊ سنڌ سلامت جي انهن دوستن لاء خاص ڪري ونڊ ڪيو آهي جيڪي دوڌ پتي چانھ جا شوقين آهن۔ اصل۾ دوڌ پتي چانھ جو ڪو ڪانسيپٽ ئي نه آهي بس اسان چانھ جي اصليت کي ختم ڪري پنهنجي لاء بيماريون پيا خريد ڪيون۔
جواب: چانھ يا امرت ڌارا هائو ادا بلڪل صحيح پيا چئو، الله اوهان کي خوش رکي، ان شاءَ الله اڄ کان پاڻ به کير واري چانهن بند ڪريون ٿا، اها ٻي ڳالهه آهي ته هاڻ حاضر وقت هڪ هٿ ڪي بورڊ ٽائيپ ٿو ڪري ٻيو هٿ وري ڪوپ ۾ آهي۔
جواب: چانھ يا امرت ڌارا هاهاها اوهان ماشاء الله اڳ ۾ ئي صحتمند آهيو تنهنڪري اوهان کي سبز چانھ استعمال ڪرڻ گهرجي۔
جواب: چانھ يا امرت ڌارا نه يار رشيد ته وڏو موالي آهي چانهه جو مون وٽ ايندو آهي ته رات جو 2 بجه به چوندو آهي ته يار چانهه ٺاهي اچ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جواب: چانھ يا امرت ڌارا جن جي ٽائيم ۾ بي ترتيبي هوندي آهي هي انهن جو ڪم آهي، پنهنجي ته ننڊ ڦٽل پر رات جي 2 وڳي اوهان جي ننڊ حرام ڪري به چانهن اوهان کان ٺهرائيندو آهي!! يار حد ٿي وئي۔
