التجاء

[اياز علي رند]

اسان جو مقدر ڀي نروار ٿي پئي
هڪ وار ئي پر ديدار ٿي پئي

اسان جيڪي سوچيو
اسان جيڪي چاهيو
اسان کي سو مليو اڃا ڀي سوايو
رهي ناهي حسرت دل ۾ ڪا باقي
بس جام درشن ملي پئي جي ساقي
قبول هي عرض گنهگار ٿي پئي

نڪي پاڪ دامن
نه پرهيزگار آهيون
گناهن ۾ لٿڙيل گنهگار آهيون
اسان کي هي جرائت ڀلا ڪيئن جڳائي
مگر آس دل کي ٿي هر هر ستائي
متان ڪائي رحمت جي وسڪار ٿي پئي


نڪي شوق فردوس
نه دوزخ جو ڏر ڪو
اسان کي نه گهرجي جنت ۾ گهر ڪو
اسان جي نه منزل بهشتي ڪي حورون
نظر ڪرم جن کي ملي بس حضورون
اسان جو به تن ۾جي شمار ٿي پئي