[justify]پيارا سنڌي دوستو السلام عليڪم جيئي سنڌ هتي منهنجو ٽنڊومحمدخان جي حوالي سان جشن ٽنڊومحمد خان جون ٽي روزه تقريبون ملهايون ويون، جنهن ۾ راندين جا مقابلا، اسڪولن ۾ شاگردن وچ ۾ تقريري مقابلا، مينا بازار، راڳ رنگ جون محفلون، اسٽيج شو، ايوارڊن ورهائڻ واري تقريب، ادبي ڪانفرنس ، سگهڙن سان ڪچهري ۽ اردو سنڌي مشاعري جو اهتمام پڻ ڪيو ويو آهي، دوستو انهن سڀني تقريبن ۾ انتظاميه پاران بحيثيت سنڌ سلامت جي نمائندي مونکي شريڪ ٿي ڪوريج ڪرڻ جي دعوت پڻ ملڻ هُئي ، پر تقدير جي ستم ظريفي سان ڪجهه ڏينهن پهرين هڪڙي جاڳرتا ريلي گهرشماري ۾ سنڌ سلامت واسطي فوٽو گرافي جي دوران هڪڙو موٽر سائيڪل وارو سنڌي دوستو شايد شراب جي نشي ۾ مدهوش ٿي مون مسڪين جي ساڄي پير مٿان موٽر سائيڪل چاڙهي منهنجي ساڄي پير جي ٻيڙي ٻوڙي ويو هليو سو پير ۾ شديد سُور سبب منهنجو انهن سارين تقريبن ۾ شريڪ ٿيڻ تقريبن ناممڪن بڻجي ويو آهي، ڪالهه رات سنڌي اردو مُشاعرو هو، منهنجي حلالي شاعر شاگردن کي انهي عظيم الشان مشاعري ۾ منهنجي ڪمي شديد نموني محسوس پئي ٿي، سو هڪڙو منهنجي شاعر شاگرد ڦٽ ڦٽي کڻي آيو ۽ چوڻ لڳو ته سائين توهان کي وٺڻ آيو آهيان هلو مشاعري ۾ شرڪت ڪريو، مون چيومانس ته توکي خبر آهي مونکي پير ۾ گهڻي تڪليف آهي مان منڊو ٿي هلان سُٺو ڪونه ٿو لڳي ، ان چيو سائين توهان کي موٽر سائيڪل تي وٺي هلان ٿو، توهان کي ڀڄ ڍُڪ ڪرڻ جي ڪا ضرورت ڪانهي فقط توهان اسان جي سٿ ۾ ويهندا ته به اسان کي خوشي ٿيندي، پر منهنجي سنڌ سلامت واسطي تصويري ڪوريج ڪير ڪندو چوڻ لڳو ته سائين اهي تصويرون اسان ڪڍنداسين پر دوست مون سان گڏ منهنجي ڪئميرا به شديد زخمي ٿي پئي آهي ان شاگرد چيو ته سائين ڪئميرا جو بندو بست به ٿيل آهي بس توهان هلو، مان دل نه چاهيندي هليو ويس ، ان مشاعري ۾ منهنجي شاگرد جي محبت کان علاوه سنڌ سلامت سان محبت جو به هڪڙو پهلو نمايان هو، ان کان علاوه هن مشاعري جي صدارت سنڌ ڌرتي جي نامياري شاعر محترم حليم باغي جي حوالي هُئي ، جيئن ته حليم باغي سان ملڻ جو اشتياق ڪافي ڏينهن کان هو، دل چاهيو ته انهي بهاني سان اڙي شهر جانان ڪي توکي سنڀارون ته ڪنهن شاعر جو گُذريون هتي پنج بهارون ، هائي هٺيلا پريتم ۽ انيڪ ساري قومي گيتن جي سرجڻهار حليم باغي سان ملاقات به ڪري وٺندس، سو چند سنڌ سلامت جا ڪيلنڊر کڻي ان شاگرد سان موٽر سائيڪل سوار ٿي هليو ويس، اتي پهتس ته سڀ ادبي دوست منهنجي چوداري ڦري ويا مونکي ڏسي ڏاڍو خوش ٿيا، مونکان حال احوال پُڇڻ لڳا، سامهون ڏٺم ته اسٽيج تي اسان جو کاهوڙي دوست محمد رفيق آس لغاري اسٽيج سيڪريٽري وارا فرض سرانجام ڏيئي رهيو هو، اُن هٿ کڻي مونکان منهنجي صحت جو پُڇيو، ۽ اشارن اشارن ۾ مونکي ڀليڪار چئي، ان کان علاوه اسٽيج تي حليم باغي، تاج جويو، پروانو ڀٽي، سانئڻ زيب نظاماڻي، سانئڻ مهرالنسا لاڙڪ، ڊاڪٽر اڪرام غوري، ساز ڪاظمي ۽ ڪافي اردو ٻولي سان تعلق رکندڙ شاعر جن جا نالا مونکي نٿا اچن اسٽيج تي موجود هُئا، ٿوري دير کانپو رفيق آس لغاري جو نياپو مليو ته سائين توهان شاعري پڙهندا، اڙي مان ته ڪا شاعري کڻي ئي ڪونه آهيان ، ان ڪري ان نياپي کڻي ايندڙ کي جواب ڏنم ته نه مان ڪونه کڻي آيو آهيان ڪونه پڙهندس ، ٿوري دير کان پو هڪڙي چٺي رفيق آس لغاري لکي موڪلي ته حرام پائي ڇڏ، اسان کي خبر آهي ته توکي پنهنجي شاعري تقريبن سموري ياد هوندي آهي ان ڪري تنهنجي نمبر اچڻ تي توکي ضرور شاعري پڙهڻ لا گهرائيندس، هُن تقريبن رات جو ٻارهين وڳي مونکي شاعري پڙهڻ لا گهرايو، مان منڊڪائيندو منڊڪائيندو اسٽيج تي پهتس ته دوستن وڌي اچي سهارو ڏنو ۽ مونکي ڊائس تي اچي بيهاريو، اتي ٿورو ذهن تي زور ڏنم ته جيڪو تازو غزل ”هٿان ماري هتي هنج کي وڏو خنجر کُپيل آهي، رڳو ڪانگن جي ڪان ڪان جي وڏي ٻيگهي متل آهي واري شاعري پڙهڻ شروع ڪيم دوستو مون مسڪين کي الله طرفان اها هڪڙي وڏي نعمت مليل آهي ته مان پنهنجي شاعري جلدي ياد ڪري وٺندو آهيان مونکي ڪنهن به ڊائري يا ڪاغذ جي ٽُڪري جي ضرورت ڪانه پوندي آهي سو جڏهن پنهنجو اهو غزل پڙهيم ته دوستن دل کولي منهنجي شاعري کي تاڙيون وڄائي ۽ واهه واهه چئي داد ڏنو، دوستو شاعر جي خوشي جو اندازو واهه واهه جي همت افزائي سان لڳائي سگهجي ٿو سو مونکي ايتري ته خوشي ملي جو پل ڀر پير ۾ شديد سور ڀُلجي ويس، جڏهن پنهنجي شاعري پڙهي پوري ڪيم ته اسٽيج تي ويٺل سڀني دوستن کي پنهنجو سنڌي سلام هٿ جوڙي ڪيم، سانئڻ زيب نظاماڻي اُٿي هلي آئي چوڻ لڳي سائين نثار هاڻي توهان جي طبيعت ڪيئن آهي مون الله جا شڪر ادا ڪيا، ايتري ۾ سانئڻ مهرالنسا لاڙڪ پنهنجو ڪتاب اکين جا اوجاڳا جي اعزازي ڪاپي اچي مونکي ڏني مان سندن ٿورا ادا ڪندي اسٽيج تان لهي آيس رفيق آس لغاري کي پيغام موڪليم ته جنهن مهل مشاعرو ختم ٿئي ته اسٽيج تان اعلان ڪجان ته سنڌ سلامت جا سال 2011 ع جا ڪيلينڊر معزز مهمانن کي ڏنا ويندا۔ جڏهن مشاعرو ختم ٿيو ته مونکي اسٽيج تي گهرايو ويو، تمام شاندار نموني اهو اعلان ڪيو ويو ته انٽرنيٽ تي دنيا جي وڏي ۾ وڏي سنڌي فورم سنڌ جو سرپرست اعلا سائين نثاراحمد ناز سڀني مهمانن کي سنڌ سلامت ڪيلينڊر جا تُحفا ڏيندو ، مون کي تمام گهڻي خوشي ٿي جو قومي شاعر حليم باغي سان ملڻ جو موقعو ملي رهيو هو۔مون ڪيلينڊر ورهائڻ وارو پنهنجي قومي فرض ادا ڪيو۔ ان کان پو راڳ رنگ جي محفل شروع ٿي ته مونکي اسٽيج تي گهرايو ويو ڪافي گيت اسان سُنگهه جي صورت ۾ اسٽيج تي گڏجي ڳاتا اهڙي ريت هي مشاعري واري تقريب تقريبن رات جو ٽين وڳي اختتام پذير ٿي۔[/justify] [justify]دوستو هن ساري تقريب جون تصويرون اسان جي دوست اعظم ڀٽي ڪڍيون توهان کي ياد هُجي ته 12 جنوري تي مون کان ٽنڊو محمد خان ايف ايم تان انٽرويو وٺندڙ محترم اعظم ڀٽي ئي هو۔ هن کي مشاعري واري تقريب دوران گُذارش ڪئي هُئم ته مونکي اهي تصويرون سنڌ سلامت واسطي ڏنيون وڃن هُن وڏي خوشي سان چيو ته اهو هُن لا وڏو اعزاز هوندو ته منهنجون تصويرون سنڌ سلامت تي لڳنديون هو يو ايس بي ۾ سموريون تصويرون مونکي ڏئي ويو ۔ جيڪي هڪ ڪلاڪ کان پو توهان دوستن سان شيئر ڪندس ڇو جو صُبح جو ساڍي اٺين وڳي بجلي هلي ويندي ڪلاڪ انتظار ڪندا۔ مهرباني[/justify]
جواب: منهنجو شهر ٽنڊومحمد خان جي حوالي سان جشن ٽنڊومحمد خان ۾ مشاعرو سائين سڀ کان پهريان ته اوهانجي پير جي تڪليف جو ٻڌي ڏک سان گڏ فڪر ٿيو، هاڻ تڪليف ڪئين اهي؟ دعائون اسانجي وس، ڦڪيون کائڻ اوهانجو ڪم، شفا مٿي واري جي حڪم سان ٿيندي ۔۔۔انشاء الله سنڌ جي رش ۾ هلڻ وقت چار اکيون ڪري هلڻو پوندو آهي جو پاڻ ته ماڻهون ٻين کي بچائي ٿو پر ٻيا بچائن يا نه انهن جي وس آهي ۔۔۔ قانون جنگل ڪا ۔۔۔ ٽنڊي محمد خان وارن کي اهڙين سهڻين سرگرمين ڪرڻ تي واڌايون ۽ اوهانکي به واڌايون جو اوهان ٽنڊي محمد خان جي قومي، ثقافتي ۽ ادبي پروگرامن جي سرهاڻ ۾ اضافو ڪندا رهو ٿا ۽ گڏو گڏ سنڌ سلامت جو نالو به روشن ڪندا رهو ٿا ۔۔۔ سلام اوهانکي ۔۔۔۔ تصويرن جو اتنظار رهندو پنهنجو خيال ڪجو سنڌ سلامت ساٿ سلامت
جواب: منهنجو شهر ٽنڊومحمد خان جي حوالي سان جشن ٽنڊومحمد خان ۾ مشاعرو پيش آهن ڪجهه تصويرون انهي مشاعري جون منهنجو ٽنڊو محمد خان فيسٽول ۾ ادبي بينر آويزان آهي ان بينر جي هيٺان سنڌ ڏاهو تاج جويو صاحب ۽ سنڌ جو قومي شاعر حليم باغي نمايان آهن اڙي شهر جانان کي توکي سنڀارون ته شاعر جون گُذريون هت پنج بهارون جهڙي گيت جو تخليقار سائين حليم باغي پنهنجي شاعري ٻُڌائي رهيو آهي سانئڻ زيب نظاماڻي صاحبه پنهنجي شاعري سڀني سان شيئر پئي ڪري۔ تاج جويو صاحب پنهنجا دوها ٻُڌائي رهيو آهي۔ سانئڻ مهرالنسا لاڙڪ پنهنجي خوبصورت ترين شاعري ٻُڌائي رهي آهي سنڌي شاعره رضيه لغاري پنهنجي ڪويتا سان سڀني کي سرفراز فرمائي رهي آهي سنڌي ادبي سنگت ٽنڊو محمد خان جو سيڪريٽري ڊاڪٽر عزيز ٽالپر شاعري ٻُڌائي رهيو آهي مشڪور ڦلڪارو پنهنجا بيت ٻُڌائي رهيو آهي محترم پروانو ڀٽي صاحب پنهنجون رُباعيون ٻُڌائي رهيو آهي هن ادبي مشاعري جو سيڪريٽري اسان جودوست رفيق آس لغاري پنهنجي شاعري سان سڀني کي نوان جذبا ارپي رهيو آهي۔
جواب: منهنجو شهر ٽنڊومحمد خان جي حوالي سان جشن ٽنڊومحمد خان ۾ مشاعرو سائين اوهان جي پير جي تڪليف جي باري ۾ مون کي هينئر اڃان ادا عبدالغفور ٻڌايو، توهان ايتري ڏينهن کان فيسبوڪ يا سنڌ سلامت تي ان باري ۾ ڪا ڳالهه ئي نه ڪئي آهي، هاڻي اوهان جي طبيعت ڪيئن آهي، منهنجي ماما سائين جي طبيعت ٺيڪ نه آهي، ان ڪري ٿورو گهڻو خفن ۾ مان سنڌ سلامت تي گهٽ آن لائن پيو ٿيان، اميد ته اوهان کي مولا جلد صحتياب ڪندو ۽ اوهان پهرين کان به وڌيڪ چستيءَسان سنڌ سلامت جي لاءِ پنهنجي رپورٽنگ جو عمل جاري رکندو۔۔۔ خوشيءَ جي ڳالهه اها آهي ته اوهان جو جذبو ڏسي اوهان جا شاگرد اوهان جا ٻانهن ٻيلي بڻجي ويا آهن۔۔۔۔ ان پروگرام جي بابت مون اخبار ۾پڙهيو هو، سوچيم ته سائين نثار ناز ضرور ان پروگرام ۾ شرڪت ڪندو ۽ ان جو احوال اسان سان ونڊڪندو۔۔۔ اسان جون نيڪ تمنائون اوهان سان گڏ آهن۔۔۔
جواب: منهنجو شهر ٽنڊومحمد خان جي حوالي سان جشن ٽنڊومحمد خان ۾ مشاعرو ڪتاب اکين جا اوجاڳا جي تخليق ڪار سانئڻ مهرالنسا لاڙڪ جي يادگار شرڪت سڀني سنڌي شاعرن ۽ شرڪت ڪندڙن جي دل ۾ اُتساهه ، ويساهه ۽ همت افزائي جو جذبو جاڳائي وئي۔ تمام پيارن ۽ سُندر جذبن جي سرجڻهارا شاعره محترما رضيه لغاري صاحبه سدائين پنهنجي مُک تي مُسڪراهٽون وکيريندڙ، ارپنا جون ڪويتائون سرجيندڙ ، سانئڻ زيب نظاماڻي صاحبه جو نهايت ئي دلڪش انداز۔ دوستو اجرڪ اسان جي سنڌ جي اها خوبصورت ترين سوکڙي آهي جو ان جي اوڍڻ سان سموري سنڌ ڄڻ ته پنهنجي وجود ۾ واسجڻ لڳندي آهي سانئڻ زيب نظاماڻي صاحبه کي اجرڪ اوڍائي پئي وڃي سانئڻ مهرالنسا لاڙڪ صاحبه کي اجرڪ جي سوکڙي اوڍائي پئي وڃي۔ مشڪور ڦلڪارو محترم تاج جويو صاحب کي اجرڪ اوڍائي رهيو آهي زيب نظاماڻي صاحبه، مهرالنسا لاڙڪ صاحبه صاحبه، رضيه لغاري صاحبه ۽ مشڪور ڦلڪارو نمايان آهن۔ سنڌي نياڻين جي شرڪت به يقيني بنائي وئي هُئي ان مشاعري ۾ سنڌي سپوتن جي ڇا ڳالهه ڪجي انهن جو ساٿ ته هو جو هن خوبصورت مشاعري کي چار ڇا پر چاليهه چنڊ لڳا هُئا۔ محترم اعظم ڀٽي پنهنجي نڪور شاعري ٻُڌائي رهيو آهي هي اهو ئي اعظم ڀٽي آهي جنهن جي ڪري سنڌ سلامت تي اهي تصويرون لڳائڻ ممڪن ٿي سگهيو، هي ساريون تصويرون محترم اعظم ڀٽي سنڌسلامت کي ڊونيٽ ڪيون آهن۔
جواب: منهنجو شهر ٽنڊومحمد خان جي حوالي سان جشن ٽنڊومحمد خان ۾ مشاعرو ادا نثار مولا اوهان کي سلامت رکي، اوهان جي طبيعت جي ناچاقي ٻڌي ڏاڍو ڏک ٿيو، ڌڻي اوهان کي جلد صحتيابي نصيب فرمائي، هاڻ اوهان جي طبيعت ڪيئن آهي؟ مٿين تصويرن ۾ اوهان جو ديدار ڪانه ٿيو!!
جواب: منهنجو شهر ٽنڊومحمد خان جي حوالي سان جشن ٽنڊومحمد خان ۾ مشاعرو ادا زماني جي خفن جي ڪري هن پروگرام جون ڪافي تصويرون توهان سان ونڊ نه ڪري سگهيس دل نه لاهيو پنهنجون تصويرون هاڻي ڏيان ٿو، اميد ته توهان کي پسند اينديون باقي طاهر سنڌي هاڻي الله پاڪ جا ڪرم آهن مان بلڪل ٺيڪ آهيان۔ سنڌ سلامت جو جهونو نثارناز سنڌ جي مهان شاعر حليم باغي سان گڏ ۽ ٻي تصوير ۾ محترم حليم باغي کي سنڌ سلامت جو ڪيلينڊر 2011ع جو تحفو ڏئي رهيو آهي۔ نثارناز محترم تاجو جويو کي سنڌ سلامت جي سوکڙي سنڌ سلامت جو ڪيلينڊر ڏئي رهيو آهي سنڌ سلامت جو ڪيلينڊر 2011 ع محترم پروانو ڀٽي کي ڏنو پيو وڃي ٽنڊو محمد خان جي مشهور ڊاڪٽر اڪرام الدين غوري کي سنڌ سلامت جو ڪيلينڊر ڏنو پيو وڃي سنڌ جو مشهور قوم پرست راڳي ٻيجل سنڌي حليم باغي جا ڳيت ڳائي محفل کي چار چنڊ لڳائي ڇڏيا ادا طاهر سنڌي اميد ته منهنجي ٻوٿي ڏسي توهان کي خوشي ٿي هوندي، ادا باقي هاڻي پوڙهائپ جا سايا گهر ڪري رهيا آهن ۽ اهڙن ڪمن ۾ سستي ٿيڻ فطري آهي ان ڪري دير ٿئي ته پوڙهو سمجهي معاف ڪري ڇڏيندا ڪريو۔
جواب: منهنجو شهر ٽنڊومحمد خان جي حوالي سان جشن ٽنڊومحمد خان ۾ مشاعرو ادا وڄائي ڇڏيوَ!! ايترن ڏينهن کان پوءِ به اسان اوهان کي ياد آيا سين جو اڄ جواب ڏنو اٿوَ!! يار ڪمال ڪري ڇڏيي مولا اوهان کي هر وقت خوش رکي، سدا سلامت هجو۔
