سچ پچ بهار جهڙو (وائي) مهرالنسا لاڙڪ

[نثارناز]

پيارا سنڌ سلامت جا ساٿيو ۽ ساري دنيا جا سنڌي دوستو، ڪڏهن ڪڏهن ڪا شاعري سنڌ جي ڪنول جي گُلن جي خوشبو جيان پوري وجود ۾ واسجي ويندي آهي، سانئڻ مهرالنساءِ لاڙڪ جي ڪويتائن جي پهرين مجموعي ڪتاب “ رنگن جا اوجاڳا” جي صفحي نمبر 85 تان ورتل هي شاعري توهان پڙهي ڏسو جيڪڏهن توهان جو وجود واسجي نه وڃي ته مونکي چئجو،هڪڙي ڳالهه ٻُڌايانوَ ته ڪافي سارن شاعرن جي شاعري انهن جي ڪويتائن جون کوڙ ساريون ڊزائنون به ترتيب ڏنيون اٿم پر جڏهن سانئڻ مهرالنساءِ لاڙڪ جي هي وائي ڊزائن ڪرڻ ويٺس ته هن انتهائي خوبصورت شاعري اڳيان مونکي پنهنجي بنايل هر چترڪاري هيچ لڳي، ڪمپيوٽر جو ڪينواس چٿرون ڪري مون تي کلڻ لڳو ته اي نثار ناز ٽي درجي وارا شاعر جهڙي پياري شاعري آهي اهڙي پياري چترڪاري ڪري ڏيکار ته مڃان ٽن ڏينهن کان ڪوشش ۾ هُئس مگر سانئڻ مهرالنساءِ لاڙڪ جي هن شاعري جهڙي خوبصورت ڊزائن تيار ڪري نه سگهيس بس پوءِ جهڙي تهڙي هن شاعريءَ جي غريباڻي چترڪاري ڪري توهان سڀني سنڌي دوستن سان ونڊيان پيو​

سچ پچ بهار جهڙو هڪ شخص ياد آيو (مهرالنساء لاڙڪ)

 

[جاويد نواز]

جواب: سچ پچ بهار جهڙو (وائي) مهرالنسا لاڙڪ

سائين نثار صاحب تمام سٺي شاعري ۽ تمام سٺي ڊزائين ويلڊن واهه

 

[رياض حسين گلال]

جواب: سچ پچ بهار جهڙو (وائي) مهرالنسا لاڙڪ

سائين تمام پياري ونڊ آهي .

 

[سليمان وساڻ]

جواب: سچ پچ بهار جهڙو (وائي) مهرالنسا لاڙڪ

سائين نثار ناز سلام

اوهان جي تمام سهڻي چونڊ ۽ لاجواب ڊزائن.دل ۾ گهڙي ويندڙ سٽون آهن۔ سنڌ جي هن شاعره کي سلام آهي۔

پن ڇڻ جي مند ۾ ڀي
سندر بهار جهڙو
هڪ شخص ياد آيو

واھ سائين اوهان جا ٿورا

 

[نثارابڙو]

جواب: سچ پچ بهار جهڙو (وائي) مهرالنسا لاڙڪ

محترمه مهرالنساء جا خيال ته عام رواجي آهن پر بيان ڪرڻ جو انداز تمام سهڻو آهي ۽ سادن سهڻن لفظن ۾ ان عام رواجي خيال کي پرڪشش ٺاهي ڇڏيو اٿس ... هر انسان جي سوچن جو مهور مختلف انسان ئي هوندا آهن ... ڪڏهن پنهنجا ته ڪڏهن پراوا ... ڪڏهن دوست ته ڪڏهن دشمن ... ڪڏهن پيار ڀريا ماڻهون ته ڪڏهن نفرتن جا ڀنڊار ماڻهون ... پر محترمه جنهن شخص کي ياد ڪيو آهي، اهو سندس زندگيءَ جي رات ۾ نهار جي حيثيت رکي ٿو ... مطلب اسانجي زبان جا لفظ سندس زباني بيان ٿيل آهن ... اوهانجي چترڪاري پڻ سهڻي، سادي ۽ لڀائيندڙ آهي ... اوهان سنڌ جي عورتن جا علمبردار ته آهيو ئي پر هاڻ سنڌياڻين جي شاعريءَ کي خاص توجهه ڏئي، سنڌي ٻوليءَ جي خدمت جو هڪ نئون رخ اختيار ڪيو اٿوَ... واڌايون

اسانجون دعائون اوهان سان گڏ آهن

سنڌ سلامت ساٿ سلامت​

 

[و حيد کوسو بلوچ]

جواب: سچ پچ بهار جهڙو (وائي) مهرالنسا لاڙڪ

تمام بهترين شاعري تمام خوبصورت ڊزائين واه واه