ماڻهو سڀ نه سهڻا پکي سڀ نه هنج
ڪنهن ڪنهن ماڻهوء منجهه اچي بوء بهار جي
سنڌ سلامت جي سموري ساٿ پاران سنڌ سلامت جي سونهن ۽ لفظن جي جادوگر سائين نثار ابڙو کي 5000 تحريرون مڪمل ڪرڻ تي واڌايون۔
سائين نثار ابڙو جو هر ليک ، هر تحرير، سون جي ورقن ۾ سجائڻ جهڙو هوندو آهي. سندس ڏاهپ مان اسان جهڙن جاهلن ۽ ادب کان اڻ واقفن گهڻو ڪجه سکيو آهي. سندس لفظن جي گهرائي ضمير کي جنجهوڙڻ لاء ڪافي هوندي آهي۔ سندس رايا ۽ سندس ڪيل ڪمينٽس ۽ موضوع نوجوان ۽ نون دوستن لاء حوصلو، ڄاڻ ۽ نصيحت هوندا آهن۔ ڪچهريء جو مور ، ڏاهپ جو سمنڊ ۽ دانائيء جو محور سائين نثار اسان لاء هميشه رهنما رهيو آهي۔ سندس دوستيء تي مونکي ناز ٿيندو آهي ته نثار اسان جو دوست آهي۔نثار کي سنڌ سان عبادت جي حد تائين عشق آهي جيڪو سندس هر ليک ۽ هر آهه مان واضح هوندو آهي۔ سائين نثار ابڙي جون 5000 تحريرون اسان لاء 5000 ڪتابن جي برابر آهن۔
مونکي خوشي اها به آهي جو مون جهڙي ماڻهوء کي سائين سنڌ سلامت تي آڻي هيڏا محبتي دوست ملايا آهن جن پيار، پنهنجائپ ۽ خلوص ڏنو آهي جيڪو هن دور ۾ ڳوليو ڪونه ٿو لڀي۔ مان سندن اهو ٿورو زندگيء ڀر لاهي ته ڪونه سگهندس پر ڳائيندس ضرور۔
سنڌ سلامت جي سموري ٽيم کيس اهڙي سونهري پورهئي تي سلام پيش ٿي ڪري ۽ دعا ٿي ڪري ته پاڻ هميشه خوش رهن ۽ مسڪرائيندا رهن۔
