اجايو نيهن

[جاويد نواز]

غزل

اجايو نيهن توسان لاتو مون
باهه تي پير ڄڻ ته پاتو مون

ڦري نوڙي مان نانگ تون ٿيندين
توکي اڳ ۾ نه هو سڃاتو مون

شمع تي جلڻو پوندو پتنگي جان
ڪون اڳ ۾ ته هي هو ڄاتو مون

کلي روئي يا ڪجهه ڀري آهون
نڀايو هر نموني ناتو مون

ڪرين ڇو ٿو حساب مون سان تون
ورهايو يار آهي ڇا تو مون

ڪيو مون پاڻ کي بيوس جاويد
عشق ليڪن ڪيو نه آتو مون

جاويد نواز
دعائن ۾ ياد​

 

[و حيد کوسو بلوچ]

جواب: اجايو نيهن

تمام بهترين غزل واهه جاويد نواز

 

[رياض حسين گلال]

جواب: اجايو نيهن

واهه سائين واهه ۔

 

[ڏاڏل شينو]

جواب: اجايو نيهن

ادا نيهن غلط لڳو آهي ۽ جي سمجه اچي وئي آهي ته سمجهو اها به وڏي ڪوشش آهي