ذهن تي اڄ به ائين نانءُ ڪو تري ٿو پيو

[عرس پريو]

اياز گل


ذهن تي اڄ به ائين نانءُ ڪو تري ٿو پيو
ڊٺل منظر تي ڄڻ ديپ ڪو ٻري ٿو پيو

جو توسان روز ٿو گڏجي هو جيئرو ماڻهو
الائي ڏينهن ۾ ڪيڏا دفعا مري ٿو پيو

نه ڪائي آڳ نه سورج سوا ڪو نيزي تي
شهر تڏهين به صفا برف جيان ڳري ٿو پيو

اسان کي ڪهڙي پئي آ ٺرون زماني تي
زمانو ڪهڙو اسان تي ڀلا ٺري ٿو پيو

اهو به ٺيڪ پري ڪين کيس سمجهيو مون
ائين به آهي برابر رهي پري ٿو پيو

ڪڏهن ته ڪوئي انهيءَ کان ڪري پڇاڻو ڇو
نظر سان روز نوان حادثا ڪري ٿو پيو

وري وجود رهاڻيون ڪهاڻيون پيو ٿئي
اسان ڏي پيار، وري ڀاڳ جيان وري ٿو پيو
​

 

[سليمان وساڻ]

جواب: ذهن تي اڄ به ائين نانءُ ڪو تري ٿو پيو

ڪڏهن ته ڪوئي انهيءَ کان ڪري پڇاڻو ڇو
نظر سان روز نوان حادثا ڪري ٿو پيو

عرس جي مهرباني جنهن اياز گل جو خوبصورت غزل ونڊ ڪيو آهي

اياز گل ۽ سونهن ۽ پيار جو شاعر آهي، سندس شاعري سادي ۽ ٻولي به عام رواجي استعمال ڪندو آهي۔ هي غزل به مجازي عشق جي صحيح نمائندگي پيو ڪري۔ هو محبوب جي نيڻن جو ذڪر ڪري اها شڪايت ٿو ڪري ته ڪنهن ۾ همٿ هجي ته هو محبوب کان پڇي ته نظرن سان ايڏا حادثه روز ٿو ڪري ۽ ڪيستائين ڪندو رهندو۔

 

[عاشق سولنگي]

جواب: ذهن تي اڄ به ائين نانءُ ڪو تري ٿو پيو

اهو به ٺيڪ پري ڪين کيس سمجهيو مون
ائين به آهي برابر رهي پري ٿو پيو

ادا پريل تمام بهترين..شاعري ونڊ ڪرڻ جي مهرباني