جاويد نواز
سينيئر رڪن
غزل
آس جو هر هڪ ستارو پيو ٽٽي
هي سهارو هو سهارو پيو ٽٽي
ڪٿ وڃي غم درد جو ٻيڙو جهليان
منهنجي لئي هر هڪ ڪنارو پيو ٽٽي
محبتن جو ڪون ٿو ڏسجي نشان
ساهه کان وڌ ساهه وارو پيو ٽٽي
ٿي ويو ڳوڙهن ڳلن جو چاهه آ
محبتن جو بند سارو پيو ٽٽي
روشني هوندي به ڄڻ اونداهه آ
ڄڻ اکين کان هر نظارو پيو ٽٽي
محبتون ۽ مسرتون ڏيندو هيو
سو مگر جي جو جيئارو پيو ٽٽي
هيڪلائي سوچ جو منهنجي مٿان
هر پهر جو پاهه پارو پيو ٽٽي
جاويد نواز
دعائن ۾ ياد
