لساني ٽولي کي سنڌ جي مالڪي ڏني پئي وڃي: خالد محمود لاڙڪاڻو (بيورو رپورٽ) جي يو آءِ سنڌ جي سيڪريٽري جنرل ۽ سينيٽر ڊاڪٽر خالد محمود سومري چيو آهي ته موجوده گهرشماري ۽ آدم شماري تاريخ جو سڀ کان وڏو دوکو ۽ فراڊ آهي، جنهن کي جي يو آءِ رد ڪري ٿي. هن چيو ته هڪ مخصوص لساني ٽولي کي سنڌ جي مالڪي ڏني پئي وڃي ۽ ان ڏوهه ۾ پيپلز پارٽي جي قيادت برابر جي شريڪ آهي. پنهنجي جاري ڪيل بيان ۾ ڊاڪٽر خالد محمود سومري وڌيڪ چيو ته ڪراچي، حيدرآباد ۽ ميرپورخاص ۾ خاص طرح سان ڪوڙا نمبر لڳائي اتان جي انگن اکرن کي وڌايو پيو وڃي ته جيئن سنڌ جي اصل مالڪن کي اقليت ۾ تبديل ڪيو وڃي. هن چيو ته پيپلزپارٽي جا اتحادي مخصوص لساني گروهه جا سيڪٽر انچارج قبرن، سرڪاري عمارتن، بجلي جي ٿنڀن ۽ گند جي پيٽين تي به گهر نمبر هڻي رهيا آهن، اهڙي گهرشماري قبول ناهي. هن چيو ته فراڊ گهرشماري ۽ آدمشماري خلاف 30 اپريل تي سڄي سنڌ ۾ ڦيٿاروڪ ۽ شٽربند هڙتال ٿيندي، جي يو آءِ جا بهادر ڪارڪن جائز حقن جي حاصلات لاءِ هر قسم جي قرباني ڏيڻ لاءِ تيار آهن. 27 اپريل 2011 روزاني عوامي آواز جي ٿورن سان
جواب: لساني ٽولي کي سنڌ جي مالڪي ڏني پئي وڃي: خالد محمود سلام آهي سنڌ جي اهڙن خيرخواهن کي جن سنڌ سان ٿيندڙ ناانصافين خلاف آواز اٿاريو آهي ۔۔۔۔ ۽ سلام آهي سائين محترم خالد محمود سومرو صاحب کي جن پنهنجي پارٽي سميت سنڌ جي حقن جي حاصلات لا جدوجهد جو اعلان ڪيو آهي ۔۔۔ اسين ته روز ازل کان اهو روئڻ روئون ٿا، موجوده دور ۾ جيترا ڪلور سنڌ سان ٿي رهيا آهن شايد تاريخ جي ڪنهن دور ۾ نه ٿيا آهن ۔۔۔۔ اسين سنڌ سلامت جي هن اڱڻ تان سنڌ سان ٿيندڙ ناانصافين خلاف احتجاج ڪريون ٿا ۽ سنڌ جي سڄڻن جي آواز سان آواز ملائي اهو چئون ٿا ۔۔۔ اي وقت جا حڪمرانو ٻڌي ڇڏيو ، جڏهن هن ڌرتي جا وارث اٿي پيا ته اوهان جا سڀ انگ اکر ضايع ٿيندا ۽ سنڌ سان ٿيل سڀني ڪلورن جو بدلو چڪتو ٿيندو ۔۔۔ محترم سائين لک ٿورا، جو اوهان پنهنجي ۽ پنهنجي ڏاهي اڳواڻ جا خيال پيش ڪيا ۔۔۔ سڌائتي سڀ ڪـــا، بـــک نه بــاسـي ڪــا، جيهي تيهي ذات جي، جنبش ڪانهي جـا، مون سين هلي سا، جا جي مٺو نه ڪري۔
جواب: لساني ٽولي کي سنڌ جي مالڪي ڏني پئي وڃي: خالد محمود سائين محترم پسند ڪرڻ جي مهرباني ، باقي منهنجو ڪنهن سياسي پارٽي سان ڪو تعلق ناهي ، بس جيڪو سنڌ جي ڳالھ منهنجي نقطي نظر سان ڪندو آهي ونڊ ڪري ڇڏيندو آهيان ، ۽ مونکي سائين جلال محمود شاھ ۽ سائين علامه خالد محمودسومرو صاحب جن جو موقف ڪجه سڳهارو محسوس ٿيندو آهي تنهن ڪري هنن کان ڪجه امپريس هوندو آهيان ، ٻيو مڙئي خير
جواب: لساني ٽولي کي سنڌ جي مالڪي ڏني پئي وڃي: خالد محمود ان لساني ٽولي کي سنڌ جي حڪمراني ڪا هينئر جي ناهي مليل، مشرف جي دور کان وٺي انهن کي اها ڇوٽ مليل آهي، انهن کي پنهنجن لاءِ جيڪو ڪرڻو هو ڪري ڇڏيو اٿن، ۔
