حقيقت

[جاويد نواز]

غزل

ڊاڙ ناهي هي حقيقت آ پرين
منهنجي توسان ڏاڌي محبت آ پرين

ٻي ته مون وٽ ڪا به دولت ناهي پر
پيار تنهنجي جي ها دولت آ پرين

پاڻ نفرت جي به پاڇي کان پري
پاڻ وٽ ڪينو نه نفرت آ پرين

توکي ڀاڪر ۾ ڀري توکي چُمان
منهنجي دل جي ڏاڍي حسرت آ پرين

عاشقن کي هون به مڙئي عشق ۾
ڪوڙ جي ٿوري ها عادت آ پرين

سونهن تنهنجي جي ۽ پنهنجي سنڌ جي
مونکي ٻنهن جي ها آٿت آ پرين

قسم سان تنهنجي مٺي گُفتار ۾
آبِ زم زم جهڙي لذت آ پرين

جت به ويهان سونهن تنهنجي جو ذڪر
هي پُراڻي منهنجي فطرت آ پرين

جاويد نواز

دعائن ۾ ي​

اد​

 

[عبدالڪريم چانڊيو]

جواب: حقيقت

سٺي سٽا آهي سائين ڪوشش جاري رکو هڪ ڏينهن ،مون کان وڏا شاعر ٿي ويندا۔

 

[جاويد نواز]

جواب: حقيقت

ادا لڳي ٿو منهنجي شاعري اوهانکي ڪون ٿي وڻي سائين جيڪو حال پريان نال منهنجا ڀاءُ

 

[نثارابڙو]

جواب: حقيقت

ها ها ها ۔۔۔ سائين عبدالڪريم جي ڳالهه تي کل آئي ۔۔۔

سائين جاويد نواز اوهانجي شاعري ته لاجواب هوندي آهي، سادا ۽ عوامي لفظ ۔۔۔ عام ۽ پيارا جذبا هوندا آهن،

اوهانجي هن غزل جي هڪ بند ۾ آهي ته:

توکـــي ڀاڪر ۾ ڀــــري توکــي چُمان،
منهنجي دل جي ڏاڍي حسرت آ پرين۔

هر عاشق جي اها خواهش هوندي آهر، پر چوندا آهن ته، ” ٻاهر ٻاڦ نه نڪري“ عشق جو هڪ اصول هوندو آهي ۔۔۔

اوهانجي شاعريءَ جا وزن بحر ڪيئن آهن، ان بابت ته ڪو شاعر ئي ٻڌائي باقي اوهانجا لفظ، جملا ۽ ّخيال اسانجي اکين تي ۔۔۔۔

 

[جاويد نواز]

جواب: حقيقت

سائين نثار صاحب اوهانجا لک قرب باقي سائين اسان جي شاعري سادن لفظن تي مشتمل آهي اسان کي الله جي طرفان هي سوغات مليل آهي اسان نه ڪڏهن ڪنهن ڪو وڏو مُتالعو ڪيو آهي ۽ نه وري ڪنهن وڏي شاعر جي ڪا چو ري باقي سائين ڪنهن کي وڻي ته ٺيڪ نه به الله سڀ کي خوش رکندو اسان جو ڪنهن سان بحس مُباحسو ڪونهي۔ جي ڪا ڳالهه آ سا اوهانجي آڏو حاضر آ

 

[سليمان وساڻ]

جواب: حقيقت

جت به ويهان سونهن تنهنجي جو ذڪر
هي پُراڻي منهنجي فطرت آ پرين

ادا جاويد بهترين ۔۔۔۔

سٺا لفظ، سهڻي شاعري ۽ خوبصورت احساس۔ اهائي ته شاعري آهي باقي شاعريء جي وزن، بحر ۽ تڪ بندي ته ڪو شاعر ئي سمجهي سگهندو۔ اوهان جا خيال بهترين آهن۔ اسان کي انهن سان ڪم آهي۔ سدا خوش رهو

 

[جاويد نواز]

جواب: حقيقت

وساڻ صاحب اوهانجا لک قرب