کيرو سبزي آهي يا فروٽ اهو ته هڪ الڳ موضوع آهي ڪي ماڻهو ان کي فروٽ ته وري ڪي سبزيء ۾ شمار ڪن۔ کيرو رنگ جو سائو هجڻ ڪري هونئن ئي اکين ئي وڻندڙ لڳندو آهي۔ کيري جي 100 گرام وزن ۾ هيٺيان مرڪبات موجود هوندا آهن: وٽامن اَي 180 آء يو وٽامن سي 9 ملي گرام ڪيلشيم 32 ملي گرام آئرن يا لوهه 8۔1 ملي گرام فاسفورس 27 ملي گرام پوٽيشيم 80 ملي گرام ڪاربوهائڊريٽس 17 گرام ڪيلوريز 70 کيري جا فائده : کيري جا گهڻائي فائده آهن پر خاص ڪري اونهاري جي گرمين ۾ گهڻو فائديمند رهي ٿو۔ تحقيق مان پتو پيو آهي ته کيري جا ڪترا ڪري اکين تي رکڻ سان اکين جي سوزش ۽ اکين جو ساڙو ختم ٿي وڃي ٿو۔ سيني جي جلن ۽ ساڙي ۾ گهڻو فائدو ڏئي ٿو بُڪين، پِتي ۽ پيشاب جي بيمارين ۾ گهڻو فائدو ڏئي پيشاب کي جاري رکي ٿو۔ جيري جي بيمارين جهڙوڪ هيپاٽائٽس يا يرقان جي مريضن لاء گهڻو مفيد آهي۔ پوٽيشيم جي مقدار ڪري هاء ۽ لو بلڊ پرشر جي مريضن لاء ڪارائتو آهي۔ اريسپن جي موجودگي سبب هاضمي کي ڪنٽرول ۾ رکي ٿو۔ سليڪون، سلفر ۽ آئرن جي مقدار جي موجودگي سبب وارن جي واڌ ڪري ٿو ۽ وارن کي ڪرڻ کان روڪي ٿو۔ کيري ۽ گجر جي جوس کي ملائي پيئڻ سان ڏندن ۽ مسوڙن جي بيمارين ۾ فائدو ملي ٿو۔ روزانو کيري ۽ صوف جو جوس ملائي پيئڻ چمڙيء کي نرم ۽ ملائم رکي ٿو۔ وزن کي گهٽائڻ لاء گهڻو ڪارآمد آهي۔
جواب: کيري جا فائده جڏهن کان مونکي اها خبر پئي آهي ته کيري ۾ پوٽاشيم جي مقدار آهي ته مون صبح جو ناشتي ۾ هڪ کيرو، هڪ ڳاڙهي گجر ۽ هڪ ڪيلو شامل ڪيو آهي، صبح جو ست بادام کائڻ کانپو هوٽل پهچي پهريان اهي ٽي شيون کاوان بعد ۾ ٻيو ڪجهه ۔۔۔ اصل حاضمو به درست ته پيٽ تي جيڪو بار هوندو هو سو به ختم ۽ رات جو ننڊ ۾ ڊيڄاريندڙ خواب به بند ٿي ويا اهن ۔۔۔ خواب ته اچن ٿا پر سنڌ جا سير، دوستن سان ملاقاتون ۽ گهر جي اڱڻ تي پتني تي روب ۽ دٻدٻي جا جيڪي تمام سهانا لڳندا آهن ۔۔۔ ڀلا حقيقت ۾ نه ته خواب ۾ ئي سهي ۔۔۔ خئير تمام سهڻو ونڊ آهي ۽ بيشڪ کيرو کائڻ انتهائي مفيد آهي ۔۔۔ سليمان وساڻ هان گهڻن پاسن وارو هيرو ٿيندو وڃي، ڪڏهن شاعري ته ڪڏهن ڪالم ته ڪڏهن صحت ته ڪڏهن کل ڀوڳ جا ليک ونڊ ڪري، اسانکي اهڙيون ته روشنيون مهيا ڪري ٿو جو وڃي ٿيا ست خئير ۔۔۔ ٿورا ناهن ٿورا
جواب: کيري جا فائده تمام مفيد معلومات آهي سائين وساڻ صاحب باقي ڪم ڪيو نه ڪيو آهيو سر جا سائين جاري رکجو سدائين گڏ
جواب: کيري جا فائده سائين وساڻ صاحب تمام سهڻو مضمون ونڊ ڪيو اٿو الله اوهان کي اجر ڏيندو جنهن هر شي کي عجيب انداز سان خلق ڪيو آهي ۽ هر شي ۾ غور ۽ فڪر ڪرڻ وارن لا درس ۽ عبرت آهي
جواب: کيري جا فائده سائين نثار مهربانيون سٺا ۽ ڪارائتا ليک مختلف سورسز مان گڏ ڪري انهن کي سمائي ۽ سنڌي ترجمو ڪري دوستن سان ونڊ ڪرڻ جي ڪوشش ڪندو آهيان۔ ڪڏهن ڪڏهن ڪجهه خاص ٽرمينالاجي منجهائي وجهندي آهي پوء به ڪارائتيون شيون دوستن سان ونڊ ڪرڻ جي ننڍڙي ڪوششن ۾ مصروف آهيان۔ شاعري وارو سيڪشن هاڻي گهڻا دوست پيا سنڀالين تنهنڪري ٿورو ٻين ڪمرن ڏانهن رخ ڪيم۔ کيرو گهڻو ڪارائتو آهي تنهنڪري ان جا فائدا دوستن سان ونڊ ڪياسين۔ اوهان جي حوصلا افزائي لاء مهربانيو۔ هي سڀ اوهان جهڙن دوستن جي رهنمائي سبب ڪرڻ جي قابل آهيان۔
جواب: کيري جا فائده سهڻا سائين! محمد سليمان وساڻ ته حڪيمن کي به ماري ويو آهي، جو هر شيءِ جا طبئي ۽ڪيميائي فائدا ٿو ڳولي ٻڌائي ۽ پاڻ به استعمال ڪري ،سچل ڳوٺ جا سبزي فروش اهڙو ته تاڙي ويا آهن جو جيڪا شيءِ وساڻ صاحب کي وٺندي ڏسن ٿا ان جو اگھ وڌائي ٿا ڇڏين، آءُ به جڏهن نڀاڳ واري ننڊ مان اٿان ته گهربل شيءِ غائب يا اگه چوٽ تي چڙهيل۔
جواب: کيري جا فائده فقير سائين مهربانيون بابلا ڪم سڀني جا ٿيندا ، اوهان سڀ دلجاء ڪيو۔ جيستائين اوهان جا مسئلا حل ٿين تيستائين اوهان کيرو کائيندا رهو ۔۔۔۔۔۔۔۔۔
جواب: کيري جا فائده ادا ابو جواد مهربانيون بلڪل رب پاڪ اسان لاء هر شيء ۾ حڪمت رکي آهي ۔۔۔۔۔۔۔۔۔۔۔۔ صرف اسان کي انهن شين جا فائدا سمجهڻ جي ضرورت آهي۔ رب پاڪ جا احسان مند آهيون جنهن اهڙيون اڻ کُٽ نعمتن سان نوازيو آهي۔
جواب: کيري جا فائده سائين مولوي رحيم بخش صاحب مهربانيون اوهان جا منتظر آهيون ته ڪڏهن ٿا ڪي معلوماتي ليک ونڊ ڪيو۔ لک قرب حوصلا افزائيء لاء
جواب: کيري جا فائده هاهاهاهاها ۔۔۔۔۔۔۔۔ سائين چانڊيو صاحب جا ٿورا ڪٿي مان ۽ ڪٿي حڪيم ۔۔۔مڙئي هتان هتُان ڪارائتا ليڱ ڳولهي ، ڪجهه مختلف سائيٽن تان مواد گڏ ڪري ، انهن جو ٽٽل ڦٽل ترجمو ڪري دوستن سان ونڊ ڪندا آهيون۔ اوهان دوستن جي رهنمائي ۽ حوصلا افزائيء لاء لک قرب۔ باقي سچل ڳوٺ جي ڀاڄين وارا به استاد آهن ، ريٽ اصل آسمان سان لڳايون ويٺا آهن ۔۔۔۔۔۔۔ پر اهي ويچارا به ڪاڏي وڃن، مهنگائي به ته قهر ڪري ڇڏيا آهن۔ باقي کيرا اوهان کي مان مفت ۾ کارائيندس اهو واعدو رهيو۔
جواب: کيري جا فائده وڏي فقير جا ٿورا هيڏو مصروف هوندي به اسانجي ليک کي پڙهي ۽ حوصلا افزائي پيا ڪيو، اهي به اوهان جا قرب
جواب: کيري جا فائده مهربانيون سائين سليمان ۔۔۔۔۔۔ منجهد جي ماني جيڪا منهنجي لاءِ لنچ به ته بريڪ فاسٽ (ناشتو) به هوندي آهي ان ۾ سلاد سان گڏ کيرو به شامل هوندو آهي۔۔۔ ڪجهه وقت اڳ سائين سليمان چانهن پيئڻ کان روڪڻ لاءِ الائي ته ڇاڇا لکيو ۔۔۔ پاڻ جيئن ته چانهن جا شوقين آهيون ان ڪري عنوان ڏسي موضوع پڙهيو ئي ڪونه جنهن کان پوءِ ادا سليمان جي کائڻ پيئڻ وارن موضوعن کي نظر انداز ڪرڻ شروع ڪيم ته ڪاٿي عمل ڪندي ڏٻرا نه ٿي وڃون پر هن موضوع بي خيالي م کولي وڌو۔۔ شاباس ادا سليمان ائين ڪجهه کائڻ کارائڻ جون ڳالهيون ڪندا ڪريو۔۔۔ توهان جي ايندڙ موضوع ”سائين نثار جا ست بادام کائڻ جا فائدا“ جو بيچيني سان انتظار رهندو۔۔۔ مهرباني
جواب: کيري جا فائده ادا اها به شاباش اٿئي جو بي خياليء ۾ هئين ۔۔۔۔۔۔۔۔۔۔۔۔هاهاها ۽ اوهان هميشه بي خياليء ۾ سٺو ۽ ڪارائتو ڪم ڪندا آهيو ، بلڪل هن ليک کي پڙهي فائدو وٺڻ وانگر۔۔ خير چانهه وارو موضوع اڃان اوهان جي انتظار ۾ آهي۔۔۔۔ ستن بادامن تي مان سمجهان اهوئي لکي جيڪو کائي ٿو ۔۔۔۔۔۔۔۔۔ اسان کي ته دنيا جي هن ڪنڊ مان ڪيمرا جي اک سان بادام ڏيکاري وات پاڻي پاڻي ٿو ڪرائي۔۔۔۔
