ارجنٽائين ۾ ٺهيل ڪتابن جو مينار
اوهان دنيا ۾ ڪيتريون ئي منفرد تخليقون ته ڏٺيون هونديون پر هي هڪ حيران ڪندڙ ۽ ڪارائتي تخليق آهي. ارجنٽائين جي مشهور آرٽسٽ مارٽا منجئن 25 ميٽر ڊگهي گولائي ۾ گهمندڙ ڪتابن جو ٽاور ٺاهيو آهي جيڪو دنيا جي مختلف ٻولين جي ٽيهه هزار ڪتابن تي مشتمل آهي. يونيسڪو ۽ بينس آئرس جي لوڪل اٿارٽيز جي تعاون سان ٺهندڙ هن ڪتاب ۾ دنيا جا قديم ۽ جديد سڀ نسخا موجود آهن.
ڪتابن جو هي ٽاور جيڪو ٽاور آف بابل جي نالي سان سڏجي ٿو اهو پتل جي گولائي وارن فريمن تي مشتمل آهي. جنهن ۾ سافٽويئر ، تاريخ، انسائيڪلوپيڊيا، ڊڪشنريون ، ناول، ۽ مختلف موضوعن تي ڪتاب شامل آهن. هي ٽاور ڇهن منزلن تي مشتمل آهي جنهن جي پهرين منزل دنيا جي مختلف ملڪن جي ڪتابن لاء، ٻي ۽ ٽين منزل آمريڪن ڪتابن لاء، ٽين ۽ چوٿين منزل يورپ جي ڪتابن لاء، پنجين منزل آفريڪا ۽ ڇهين منزل ايشيا جي ڪتابن لاء مخصوص ٿيل آهي. سورهن هزار ڪتاب بينس آئرس ۾ موجود ٻاونجاهه سفارتخانن طرفان تحفي طور مليل آهن ، باقي ارجنٽائين جي پڙهندڙن پاران مهيا ڪيا ويا آهن.
ڪتابن جو هي ٽاور جيڪو ٽاور آف بابل جي نالي سان سڏجي ٿو اهو پتل جي گولائي وارن فريمن تي مشتمل آهي. جنهن ۾ سافٽويئر ، تاريخ، انسائيڪلوپيڊيا، ڊڪشنريون ، ناول، ۽ مختلف موضوعن تي ڪتاب شامل آهن. هي ٽاور ڇهن منزلن تي مشتمل آهي جنهن جي پهرين منزل دنيا جي مختلف ملڪن جي ڪتابن لاء، ٻي ۽ ٽين منزل آمريڪن ڪتابن لاء، ٽين ۽ چوٿين منزل يورپ جي ڪتابن لاء، پنجين منزل آفريڪا ۽ ڇهين منزل ايشيا جي ڪتابن لاء مخصوص ٿيل آهي. سورهن هزار ڪتاب بينس آئرس ۾ موجود ٻاونجاهه سفارتخانن طرفان تحفي طور مليل آهن ، باقي ارجنٽائين جي پڙهندڙن پاران مهيا ڪيا ويا آهن.
