سوره بقره پرهڻ سان دل جوسور ختم ٿي ويندو

[mohdesa]

رسول اڪرم محمد (ص) جو فرمان آهي ته جڏهن اوهان جي دل ۾ سور ٿيڻ لڳي ته سوره بقره جي هي (آيت واذ قتلم نفسا فادار اتم فيها والله مخرج ما کنتم تکتمون)بقره آيتًٍٍٍِ72تلاوت ڪريو توهان کي شفاء ملندي )مڪارم الاخلاق ص377

 

[عرس پريو]

جواب: سوره بقره پرهڻ سان دل جوسور ختم ٿي ويندو

ماشا الله قرآن شريف ۾ هر بيماري جي شفاع رکيل آهي
بس اسان دنياوي شين جي پويان پئجي ويا آهيون ان ڪري ته پريشان آهيون

ادا تمام سٺو ونڊ آهي

 

[نثارابڙو]

جواب: سوره بقره پرهڻ سان دل جوسور ختم ٿي ويندو

بيشڪ حضور اڪرم جو فرمان مقدس اسانجي اکين تي ۔۔۔ اسان لاءِ شفا جا دروازا ۽ امت جي هر تڪليف جو خيال ڪندڙ هئا ۔۔۔ رحمت اللعالمين جي لقب سان نوازيا ئي انڪري ويا هئا جو هو انسان جي هر ڏک جي دوا ساڻ کڻي آيا هئا ” قرآن شريف“

قرآن شريف تي ايمان رکڻ وارن لاءِ هدايت به آهي ته شفا به آهي، ڪجهه ڏينهن اڳ رات جو اوچتو اک کلي ته منهنجي دل جي رفتار وڌيل هئي، سستي ۽ ساه ۾ رڪاوٽ محسوس ٿي ٿي، ڇاڪاڻ ته ننڊ مان اچانڪ اهڙي حالت سبب شايد پريشان ٿي ويس انڪري هڪدم ڪلمو پڙهي، الحمد شريف پڙهيم ۽ انکانپوِءِ يا حي يا قيوم جو ٿوري دير ورد ڪيم ته دل جي رفتار به معتدل ٿي وئي ۽ ٿوري ئي دير ۾ وري آرام جي ننڊ به اچي وئي ۔۔۔

جنهنکي رب رکي تنهنکي ڪير چکي ۔۔۔ بيشڪ موت ته هڪ ڏينهن مقرر آهي پر اوچتي تڪليف ۽ پريشانيءَ جو حل الله جي ڪلام ۾ موجود آهي، بس نيت صاف مراد حاصل ۔۔۔

لک ٿورا ڀيڻ محدثه جا ۔۔۔

 

[سچار سنڌي]

جواب: سوره بقره پرهڻ سان دل جوسور ختم ٿي ويندو

اڌي تمام سٺو قرآن هر مرض جي دوا آهي پر سڀ کان وڌيڪ قرآن روحاني بيمارين جو علاج ڪري ٿو جڏهن ته گھڻا مسلمان فقط قرآن کي جسماني بيمارين کان بچڻ لاءِ پڙهن ٿا پر روحاني بيمارين مثلاً ڪوڙ ، حسد ، ٺڳي ۽ اهڙا ٻيا مرض جن ۾ وڪوڙيا پيا آهن انهن جي پرواه ئي نه آهي ۔
قرآن جو اصل مقصد انسان جي هدايت ڪرڻ آهي باقي جسماني بيمارين کان بچائڻ اهو اصل مقصد نه آهي ۔ التماس دعا

 

[جاويد نواز]

جواب: سوره بقره پرهڻ سان دل جوسور ختم ٿي ويندو

ادي قرآن مجيد حقيقت آهي حق سچ ۽ روح کي راحت ڏيندڙ الله جو ڪتاب آهي اسان جيڪڏهن قرآن تي عمل ڪريون ته ڏکيو ڏينهن ڪڏهن به ڪون ڏسون