• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

آھ غريبان قهر خدائي

جاويد نواز

جاويد نواز

سينيئر رڪن

غزل

آھ غريبان قهر خدائي
منهنجي پويان باھ اجائي

ڪارنهن جو الزام نه هڻ تون
هو به ڪنهنجي آهي ڄائي

مار نه مونکي پٽ ڏئي جيجل
واتان ڪڍ تون چنڱڙي وائي

سُرڪ ته ٿورو ڇانوَ ڏي سُرڪون
اڄ آ اُس ۾ ڏاڌي تائي

ڪر فرمائش ڪهڙي کائون
چانورن يا ڀڳڙن جي لائي

ڏس ته اي جيجل مونکي جلدي
ڪٿڙان اهڙي بُسري آئي

دل سان دعا وٺ پنهنجي ماءُ کان
قسمت رهندئي هردم سائي

جاويد نواز

دعائن ۾ ياد​
 
جواب: آھ غريبان قهر خدائي

ادا جاويد نواز غزل جو پيغام ته کليل ۽ واضح آهي پر يار بسريون ياد نه ڏيار ۔۔۔ امان ياد ايندي ته وري سڄو ڏينهن اکيون آليون رهنديون ۔۔۔ ها هڪ ٻي بسري به کاڌي هئي، شادي واري رات جيڪا منهنجي ڀينرن ٺاهي هئي، جيڪا بسري مونکي گهٽ مون واري گهر واري کي گهڻو ياد آهي ڇاڪاڻ مون ڪجهه ماني کاڌي هئي، پر مون واري پتني سڄو ڏينهن بک تي هئي، انڪري اها بُسري سندس لا ڄڻ ته غنيمت هئي ۔۔۔

هڪ ٻي ڳالهه جيڪا مون محسوس ڪئي آهي ته غزل جي هر بند ۾ هڪ الڳ نياپي هجڻ سبب، ڳالهه ڪٿان کان ڪٿان هليو وڃي، مثال هن غزل ۾ ڳالهه شروع ٿي ڪاري واري الزام تان ۽ ختم ٿي وڃي ما جي دعا تي ۔۔۔ وچ ۾ اس جي تائي، ۽ ڀڳڙن جي لائي ۔۔۔ مطلب ته ڪٿي لالو ڪٿي لالورونڪ ۔۔۔

پو به اوهان شاعر آهيو ۽ شاعرن جي ڪمالن سان اسانجي ڪهڙي مجال ۔۔۔

سنڌ سلامت ساٿ سلامت
 
جواب: آھ غريبان قهر خدائي

سائين نثار صاحب غزل هڪ اهڙي صنف آهي جنهن ۾ آزاد خيال استعمال ڪري سگهجي ٿو ڀلجان ٿهل واريون ٻئي سٽيون ٻئي خيال جون هجن ۽ بند ڪجه ٻئي خيال جا سائين نثار صاحب اوهان ٻڌايو ته اوهانکي کي اسان جي هي ڪجهه مختلف شاعري ڪئين لڳي۔
 
جواب موڪلڻ لاءِ لاگ ان ٿيو يا رجسٽريشن حاصل ڪريو
Back
Top