سنڌ سلامت سنڌ جو شايد ته پهريون فورم آهي جنهن تي اسين پنهنجي ماڌري ٻوليءَ ۾ پنهنجي خيالن جو اظهار ڪري ٿا سگھون۔ آئون سنڌ سلامت جي سڄي ٽيم کي هن ڪاميابي تي مبارڪون ٿو ڏيان۔ منهنجو تعارف؛ آئون نالي راحيل احمد ميمڻ رهندڙ شهر دڙو ضلعو ٺٽو کان آهيان، منهنجي بيچلر ڪمپيوٽر انجنئرنگ ڊپارٽمينٽ، مهراڻ يونيورسٽي مان آهي، انکان پوءِ ڪجهه عرصو ڪراچي شهر ۾ هڪ ملٽي نيشنل ڪمپني ۾ سافٽوئر ڪوالٽي اشورنس انجنيئر طور 2 سال ڪم ڪيم، تنهن کان پوءِ بلوچستان انجنئرنگ يونيورسٽي خزدار ۾ 2 سال ليڪچرار طور ڪم ڪيم، ۽ حال ۾ سائوٿ ڪوريا جي ميانگجي يونيورسٽي ۾ ماسٽرس جي تعليم حاصل ڪري رهيو آهيان، ان سان گڏو گڏ آئون ميانگجي يونيورسٽي جي سسٽم سافٽوئر لئبارٽري ۾ رسرچ اسسٽنٽ جي حيصيت سان به ڪم ڪري رهيو آهيان۔۔ ساٿ سلامت سنڌ سلامت، راحيل احمد ميمڻ
جواب: راحيل احمد ميمڻ محترم دوست راحيل ميمڻ صاحب، دل جي گهراين سان ڀليڪار، اوهانجي تعليمي قابليت ۽ سنڌيت سان چاهه ڏسي فخر سان ڳاٽ اوچو آهي جو سنڌ جا پٽڙا سنڌ جي خدمت جي نه فقط اهليت رکنٿا بلڪ تعليمي ميدان ۾ پڻ سوڀارا ۽ اڳ کان اڳرا ٿي رهيا آهن ۔۔۔ اوهانجو سنڌ سلامت تي اچڻ اسان لا باعث فخر آهي ۔۔۔ سنڌي سهڻا جت به هجن اسانجي ساهه جي رڳن ۾ آهن ۔۔۔ دوست ميمڻ هي اوطاق قائم ئي انڪري ڪيل آهي ته سنڌ جي ڪنڊ ڪڙڇ جا دوست پنهنجون خوشيون ۽ غم هڪٻئي سان ونڊ ڪري سگهن ۽ سنڌي ٻولي جي واڌ ويجهه ۾ پنهنجو ڪردار ادا ڪري سگهن ۔۔۔ اسانجي هن اوطاق جو نعرو آهي سنڌ سلامت ساٿ سلامت ۔۔۔ منهنجا دوست، اميد آهي ته اوهان سنڌ سلامت سان دوستي جا پيچ گهرا ڪندا ۽ سنڌ سلامت جي دوستن سان حالي احوالي پيا ٿيندا ۔۔۔ اسانجون دعائون ۽ نيڪ تمنائون اوهان سان گڏ آهن ۔۔۔ اميد ته تعليم جي ميدان ۾ هماليا جي جبلن تي پنهنجا جهنڊا جهولائي ايندا ۽ سنڌ ڌرتي ۽ قوم جي خدمت ۾ پاڻ ملهائيندا ۔۔۔ اچو ڙي سورن واريون ڪريون سور پچار سنڌ سلامت ساٿ سلامت
جواب: راحيل احمد ميمڻ محترم راحيل ميمڻ صاحب ۔۔۔ سنڌ سلامت فورم تي ڀليڪار۔۔۔ ڪوشش رهندي آهي ته پنهنجا سنڌي دنيا جي ڪنڊ ڪڙڇ ۾ رهي ڪري جيڪا پنهنجي مادرِ وطن جي پيڙاء ۽ تڪليف محسوس ڪري رهيا آهن انهن کي گهٽائڻ، ٿڌڙي ڇانوَ ۽ هير جي جستجو ڪندي جڏهن سنڌ سلامت تي اچن ته کين پنهنجن کان دوري بلڪل به محسوس نه ٿئي۔۔۔ جڏهن به کين سنڌ ۽ پنهنجن ماڻهن جي ياد اچي ته بس سنڌ سلامت کولين ۽ هتان جي سڀني ڪمرن ۾ گهمندي سندن وقت ائين گذري جهڙوڪ ۽ پنهنجي ديس ۾ آهن۔۔۔۔ ان ۾ اسان ڪيترا ڪامياب ٿيا آهيون ۔۔ اهو ته توهان ئي ٻڌائي سگهو ٿا۔۔۔ ان کانسواءِ توهان طرفان اسان کي انتظار رهندو ته پنهنجا سور سليندي اهو ضرور ٻڌائيندا ته ديس کان ڪوسين دور توهان کي ڪهڙيون تڪليفون، پريشانيون يا مونجهارا آهن ۽ انهن ۾ سنڌ سلامت ڪهڙو ڪردار نڀائي سگهي ٿي۔۔۔؟ توهان جي ڀرپور لکڻين ۽ راين جو انتظار رهندو
جواب: راحيل احمد ميمڻ محترم ڀا راحيل ميمڻ صاحب سنڌ سلامت جي هن محبت ڀرئي اڱڻ ۾ پير پائڻ تي اسان اوهان کي دل جي گهراين سان ڀليڪار چئون ٿا سنڌ سلامت سڄي دنيا جي سنڌي ڀائرن کي هڪ ٻئي سان ڳنڍي ڇڏيو آهي اوهان کي هتي تمام گهڻو مزو ايندو اميد ته ڀيرو ڀڃڻ نه وساريندا ۽ پنهنجا سهڻا ويچار دوستن سان ونڊيندا رهندا
جواب: راحيل احمد ميمڻ ادا راحيل احمد ميمڻ صاحب سڀ کان پهريائين ته توهان کي اسان سنڌ سلامت فورم تي خوش آمديد ٿا چئون سائين ابڙو صاحب توهان جو اهڙو ته آڌر ڀا۽ ڪري چڪو آهي جو مون وٽ ته اهي لفظ ئي نه آهن مان صرف توهان کي ايترو چوندس ته ادا سنڌ سلامت فورم تي ڀيرو ڪندا رهجو ۽ اسان کي اوهان جي نڪور لکڻين جو انتظار رهندو سدائين گڏ
جواب: راحيل احمد ميمڻ محترم دوست راحيل احمد ميمڻ صاحب اوهان کي سنڌ سلامت جي سهڻي فورم تي ڀليڪار ٿا ڪيون تمام گهڻي خوشي ٿي جو اوهان پنهنجي سنڌ سلامت فورم جا ساٿي بڻيا آهيو جيڪو اسان سڀني سنڌين جو گڏيل فورم آهي ۽ اها اميد ته اوهان سٺا ليک ۽ نيون نيون ڳالهيون فورم تي شيئر ڪندا رهندا۔ يقينن ماڻهو ديس کان ڏور هجي، پنهنجي عزيزن ۽ دوستن کان پري رهي ته انهن کي ياد ڪندو رهندو آهي پر اوهان اسان سان گڏ آهيو ۽ سنڌ سلامت اوهان سان هر وقت گڏ هوندي ۽ اوهان کي اڪيلائيء جو احساس ٿيڻ ڪونه ڏيندي۔ اوهان جو پنهنجي سنڌين جي گڏيل فورم تي اچڻ اسان لاء پڻ حوصلامند آهي۔ اميد ته اوهان پنهنجي لکڻين سان فورم جي سونهن ۾ اضافو ڪندا رهندا ۽ اسان جو ساٿ اوهان سان هر دم گڏ هوندو ، ڪڏهن به ڪابه ڳالهه بي تڪلف ٿي چئجو۔ نه صرف ايترو پر اوهان اسان جي ڪوتاهين جي نشاندهي پڻ ڪجو ۽ اسان جي رهنمائي به ڪجو ۽ اسان جي مددد به ڪجو جيئن سنڌيء ٻوليء جي ترقيء لاء ڪجهه وکون کڻڻ ۾ اسان پنهنجو ڪردار ادا ڪري سگهون۔ ڪي اوڏائِي ڏُورِ، ڪي ڏُورِ به اوڏا سُپِرِين؛ ڪي سَنڀِرجَن نه ڪَڏھِين، ڪي نه وِسرَنِ مُورِ؛ جِئَن مينهِن ڪُنڍِيءَ پُورِ، تِئَن دوسِتَ وَراڪو دِلِ سين
جواب: راحيل احمد ميمڻ ادا راحيل! سنڌ سلامت جي محبتي ۽ سڪ سان سجايل اڱڻ تي اوهان کي دل جي گهرائين سان ڀليڪار، اوهان سافٽ ويئر جي شعبي ۾ جيڪي محنتون ڪيو پيا تمام بهترين آهن، الله توهان کي اڃان وڌيڪ ڪامياب ڪري ۔۔۔ ٻاهرئين ملڪ ۾ رهڻ سان پنهنجي وطن جي قدر ٿئي ٿي، سنڌ اسان جو ۽ توهان جو وطن آهي، اسان جي ڪوشش اها آهي ته هن سنڌ سلامت نالي سان سجايل اڱڻ تي پرديس ۾ رهندڙ سنڌين کي پنهنجي وطن يا پرديس ۾ رهڻ جو فرق محسوس نه ٿئي۔۔۔۔ اميد ته اوهان ضرور ساٿ نڀائيندا۔۔۔
