ڇو ته مان هڪ ماءُ آهيان۔۔۔۔۔۔۔۔۔سيال حيات

[Asad Ali Siyal]

ڇو ته مان هڪ ماءُ آهيان
سيال حيات


زندگي ءَ جــو نــانءُ آهيان ڪاته گهاٽي ڇانــو آهيان
ڇوته مان هڪ ماءُ آهيان ڇوته مان هڪ ماءُ آهيان

******

پيـار جــو بـي انـت هڪــڙو سمنڊ سيني م لڪــايان
سونهن جو معـصوم ، نازڪ چنڊ جهـولي ۾ جهلايان
خـــواب جــيـون جا بڻـايـان آئـيـنـدي کـي ٿـي نـپــايـان
ڇوته مان هڪ ماءُ آهيان ڇوته مان هڪ ماءُ آهيان

******

ڏيــنــهــن ٿـــو ڏکـــڙن ۾ گـــذري ، رات اوجـــاڳـــن ۾ گــــذري
ڪا گهڙي سڏڪن ۾ گذري ، ڪا گهڙي ٽهڪن ۾ گذري
درد سـيـنـي ۾ لــڪــايان مــرڪ چـپـڙن تـي سـجـايان
ڇوته مان هڪ ماءُ آهيان ڇوته مان هڪ ماءُ آهيان

******

تـن کـي جهـولـي منجهه لـولـي ، ٻـاتــڙي جـن جـي آ ٻـولي
ڏيـان ٻــچـن کـي بــادشـاهـي ، آءُ بـنـجـان تـن جـي گــولـي
جـڏهن ڇـاتـيءَ سان لڳايان ڄـڻ خـدا سـان ٿي ملايان
ڇوته مان هڪ ماءُ آهيان ڇوته مان هڪ ماءُ آهي

******

مان ئي پنهنجي ڏيهه جي هان ، مـارئـي ، مـريـم مـقـدس
منهنجي نالي ۾ ئي آهي ” ســـيــال “ سـيتا جو تقدس
مـان نـئـيـن تـاريـخ ٺـاهـيـان مــان زمــانــو ٿــي هــلايــان
ڇوته مان هڪ ماءُ آهيان ڇوته مان هڪ ماءُ آهيان

******

زندگي ءَ جــو نــانءُ آهيان ڪاته گهاٽي ڇانــو آهيان
ڇوته مان هڪ ماءُ آهيان ڇوته مان هڪ ماءُ آهيان

******
سيال حيات​

 

[نثارابڙو]

جواب: ڇو ته مان هڪ ماءُ آهيان۔۔۔۔۔۔۔۔۔سيال حيات

ڏيـان ٻــچـن کـي بــادشـاهـي ، آءُ بـنـجـان تـن جـي گــولـي
جـڏهن ڇـاتـيءَ سان لڳايان ڄـڻ خـدا سـان ٿي ملايان۔

يار سيال! جيتوڻيڪ ڏات ڪنهن جي به غلام ٿي سگهي ٿي، جوان هجي يا ٻڍو، ڪارو هجي يا اڇو، سهڻو هجي يا ڪوجهو ۔۔۔ انڪري اوهانجا گيت پڙهي ڏندي آڱريون اچيو وڃن ته سنڌ سلامت جي هن دوست وٽ شاعري جي ديوي پنهنجي پوري جوڀن سان ڪيئن سمائجي وئي آهي، اوهانجي پروفائيل جو نالو ۽ شاعري جي تخلص ۾ هڪ شئي ته ملندڙ جلندڙ اهي ” سيال“ هان خبر ناهي ته اوهان ڪنهن پنهنجي ڀا، والد يا مٽ مائٽ جي شاعري ونڊ ٿا ڪريو يا اها اوهان جي پنهنجي شاعري آهي ۔۔۔

سچ پڇو جيڪڏهن اوهانجي پنهنجي شاعري آهي ۽ اوهانجي هن ڦوهه جواني واري عمر ۾ ايتري سگهاري شاعري جي ڏات آهي ته اڳتي هلي اوهان ڪهڙي پائي جا شاعر ٿيندا؟ ان سوال جو جواب ته وقت ٻڌائيندو پر پنهنجو اوهانکي سلام ۔۔۔ سچ پڇو ته ويجهو هجو ها ته اوهانجي نرڙ تي مٺيون ڏجن ها ۔۔ قبول ڪندا ۔۔۔

اوهانجو هر نظم انتهائي سهڻو، لفظن جي چاشني سان ٽمٽار ۽ فڪر سان ڀريل هوندو آهي ۔۔۔

جاري آهي جاري رهندي جنگ اسانجي جاري رهندي ۔۔۔ اميد ته اوهان اسانجي ضمير کي چهنڊڙيون پائيندا رهندا ۔۔۔

سنڌ سلامت ساٿ سلامت​

 

[سليمان وساڻ]

جواب: ڇو ته مان هڪ ماءُ آهيان۔۔۔۔۔۔۔۔۔سيال حيات

زندگي ءَ جــو نــانءُ آهيان ڪاته گهاٽي ڇانــو آهيان
ڇوته مان هڪ ماءُ آهيان ڇوته مان هڪ ماءُ آهيان

ماء جو لفظ اچڻ سان ئي مهبت جو هڪ اٿاهه سمنڊ ذهن ۾ اڀري ٿو۔۔۔۔۔۔۔۔۔۔۔۔ واقعي ئي ماء ماء آهي۔۔۔

سهڻيون سٽون امڙ جو آواز ، ونڊ ڪرڻ لاء مهربانيون

 

[جاويد نواز]

جواب: ڇو ته مان هڪ ماءُ آهيان۔۔۔۔۔۔۔۔۔سيال حيات

تمام بهترين سائين نثار صاحب اواهانجي ڳالهه سان مان به متفق آهيان پر سائين تمام سٺا ۽ سهڻا خيال زبردست

 

[Asad Ali Siyal]

جواب: ڇو ته مان هڪ ماءُ آهيان۔۔۔۔۔۔۔۔۔سيال حيات

مهرباني سائين۔۔۔۔۔
سائين منهنجو نالو اسد علي سيال آهي۔۔۔۔۔ مان حيدرآباد جو رهندڙ آهيان۔۔۔۔۔
سائين "سيال حيات" جن منهنجا چاچا سائين آهن۔۔۔۔ هي سڄي شاعري اُنهن جي آهي۔۔۔
سائين جن سنڌي ٻولئ جا ناميارا اديب، شاعر، ليکڪ ۽ ڊراما نويس آهن۔۔۔۔ سندن ادب سان تمام گهرو ۽ پراڻو واسطو اٿن۔۔۔
۽ هئينر سنڌي ميڊيا سان پڻ سلهاڙيل آهن۔۔۔۔ سندن سنڌي ڊراما سنڌي ميڊيا (چِينلن) تي تمام گهڻا مقبول آهن۔۔۔۔
سندن مقبول ترين ڊرامو "ٿر ٿوهر جهوپڙا" سنڌي ميڊيا ۾ رڪارڊ مقبول ويو۔۔۔ جيڪو سنڌي ميڊيا جي تاريخ ۾ پهريون ڊرامه سيريل هيو جنهن ۾ سنڌ ۽ خاص طور تي ٿري ثقافت جي عڪاسي ڪئي وئي هئي۔۔۔۔ گهڻو ڪري اُهو ڊرامو اوهان سڄڻن جي نظرن مان پڻ گذريو هوندو۔۔۔۔
سائين سيال حيات جن پيشي جي طور استاد آهڻ۔۔۔ پاڻ هاءِ اسڪول ٽيڃر آهن۔۔۔۔
هئينر پڪا چانگ ، تعلقو فيضگنج ، ضلعو خيرپور ميرس ۾ رهائش پذير آهڻ۔۔۔۔