سنڌ سلامت جي سڀني دوستن کي اسلام عليڪم مونکي هن فورم جو ميمبر ٿيندي ته ڪافي ڏينهن ٿي ويا آهن پر مون پنهنجو تعارف نه ڪرايو هو منهنجو نالو غلام شبير آهي پنهجي ٿوري زمين آهي جيڪا گذر سفر جو ذريعو آهي منهنجو ڳوٺ محمد حسن ڪيريو هالا کان 6ڪلوميٽر پري هالا ڀاڻوٺ روڊ تي آهي منهنجي تعليم انٽر آهي شاعري ۽ سفرنامه پڙهڻ سان لڳاءُ اهي
جواب: منهنجو تعارف [JUSTIFY]محترم دوست غلام شبير ڪيريو صاحب اوهان کي سنڌ سلامت جي سهڻي فورم تي ڀليڪار ٿا ڪيون تمام گهڻي خوشي ٿي جو اوهان پنهنجي سنڌ سلامت فورم جا ساٿي بڻيا آهيو جيڪو اسان سڀني سنڌين جو گڏيل فورم آهي ۽ اها اميد ته اوهان سٺا ليک ۽ نيون نيون ڳالهيون فورم تي شيئر ڪندا رهندا۔ مان سمجهان ٿو اهي دوست جيڪي فيس بوڪ استعمال ڪندڙ آهن اهي ادا شبير ڪيريو جي نالي کان چڱيء ريت واقف آهن ۽ انهن لاء ادا شبير ڪيريو جو تعارف رسمي آهي۔ ڀٽ شاه جي قربت رکندڙ ۽ مخدوم نوح جي شهر هالا جا ڪيترائي سنڌي سپوت آهن جن سنڌ جي خدمت ڪئي آهي۔ انهن ۾ مخدوم طالب المولا ۽ مخدوم فيملي، سنڌ گريجوئيٽس ايسوسيئيشن جو سرواڻ ۽ سماجي ڪمن جو سورهيه ڊاڪٽر سليمان شيخ ۽ جڳ مشهور سفرنامه نگار محترم الطاف شيخ جا نالا قابل ذڪر آهن۔ اتي ان ئي شهر جي دوستن خاص ڪري ادا شبير ڪنڀار ۽ ادا شبير ڪيريو ڪمپيوٽر ۾ سنڌي ٻوليء جي ترقيء ۾ اهم ڪردار ادا ڪيو آهي۔ سوکڙيء جهڙي ناياب نالي سان سنڌ ٻوليء جي جدوجهد ۾ شامل هنن دوستن کي سلام آهي۔ محترم شبير ڪيريو جون ڪمپيوٽر جي ڪينواس تي ڪيل چترڪاري ، اها شاهه لطيف جا بيت هجن، استاد بخاريء جي شاعري هجي يا حمل فقير ۽ سنڌ جي نوجوان شاعرن جي شاعري هجي خوبصورتيء سان پيش ڪندو رهي ٿو۔ سندس ڪم ڏسي دل مان تعريفي جملا پنهنجو پاڻ نڪري وڃن ٿا۔ [/JUSTIFY] آيا آس ٿيام منهنجا ٻاروچا ڀنڀور ۾ پسي پهر پنهون جي منهنجا نهسين نيڻ ٺريام گوندر وسريام سکن شاخون ڪڍيون۔ اميد ته اوهان پنهنجي لکڻين سان فورم جي سونهن ۾ اضافو ڪندا رهندا ۽ اسان جو ساٿ اوهان سان هر دم گڏ هوندو۔
جواب: منهنجو تعارف ادا غلام شبير صاحب، توهان کي هن محبتي اڱڻ تي ڀليڪار ٿا چئون۔توهان جي ليکڻن جو انتظار رهندو۔توهان سفرنام پڙهڻ جا شوقين آهيو۔ادا عرس پريو شيخ الطاف شيخ، جن کي اسان جا ڪجه ميمبر ابن بطوط سان تشهبي ڏيندا آهن ، جا سفرنام هن اوطاق جي ڪينوئس تي چٽي هڪ عظيم خدمت انجام ڏئي رهيا آهن،يقنن توهان انهن لکڻين ما مستفيد ٿيندا۔هميشه خوش رهو۔
جواب: منهنجو تعارف ادا هن محبتي اڱڻ تي ڀلي ڪري آيا هتي اوهان کي پيارا پيارا دوست ۽ انهن جا سهڻا ۽ سٺا ليک ڪثرت سان ملندا اميد ته اوهان به پنهنجا قيمتي ليک دوستن سان ونڊيندا رهندا
جواب: منهنجو تعارف ادا دوست توهانکي هن سهڻي سنڌ جي فورم تي ڀليڪار ٿي چئجي اميد ته توهان پنهنجي قيميتي وقت مان هن فورم کي به ٽائيم ڏيندا ته توهانجي وڏي مهرباني ٿنيدي۔۔ سنڌ سلامت ساٿ سلامت۔
جواب: منهنجو تعارف ادا غلام شبير ڪيريو کي ڪير ڪونه سُڃاڻندو، پاڻ فيس بُڪ تي هميشه اسان کي پنهنجا پيار ڪڏهن شاهه لطيف سائين جي شاعري پنهنجي خوبصورت چترڪارين ذريعي سُونهن ۽ خوشبو جي صورت ۾ اسان سان ونڊيندو رهندو آهي ته وري ڪڏهن پنهنجا خوبصورت ڪامينٽس لکي اسان جون همت افزايون ڪندو رهندو آهي، شبير ڪيريو سهي معنا ۾ اسان جي سنڌ ڌرتي جي خدمت گُذارن ۾ آهي، سندس قلم جي نوڪ ۽ پاڻ سدائين سنڌ ڌرتي جي ثنا ۽ ساراهه ۾ پاڻ پتوڙيندو رهندو آهي، سچ پڇو ته مونکي ادا شبير ڪيريو جي هن سنڌ سلامت جي محبتي اڱڻ تي ڀيرو ڀرڻ ايترو ته پيارو لڳو آهي جو دل چوي ٿي ته سنڌ سلامت تي سندس اچڻ جي خوشي ۾ ڇيرون ٻڌي جهمريون پائي نچان ، جڏهن پنهنجا پيارا پرين اسان جي هن محبتي اڱڻ جو ڀيرو ڀريندا آهن ته اسان جو هي محبتي اڱڻ سنڌ جي تازن گُلابن موتئن ، رابيلن جيان مهڪي پوندو آهي، آئون دل جي گهرائين پنهنجي ۽ سنڌ سلامت جي سموري سٿ پاران اسان جي محبتي دوست غلام شبير ڪيريو کي ڀليڪار ٿو چوان سندس آجيان انهي دُعا سان ڪريان ٿو ته اهو محبتن ڀريو سنڌ سلامت سان ناتو هڪڙي حلالي سنڌي سپوت وانگر هر جنم ۾ برقرار رهندو۔ آمين ڀلي ڀلي ڪري آئين ادا شبير ڪيريو صاحب ۔ شال جڙيو هُجين آمين
جواب: منهنجو تعارف شبير ڪيريو سنڌ سلامت تي ڇا آيو، سنڌ سلامت جي اڱڻ تي سانوڻيءَ جو مينهن اچي ويو آهي، سنڌ جي شاعرن جي شاعريءَ کي پنهنجا ويس پارائي پيش ڪرڻ، انهن جي شاعريءَ جي سمجهه ۽ فهم کي ڦهلائڻ ۽ سنڌيت جي پرچار ڪرڻ لاءِ اندر ۾ ايترو اتساهه اٿس جو دوست ڪل وقتي جاکوڙي ٿي پيو آهي، فيسبڪ هجي يا ٻيا انٽرنيٽ جا وسيلا هي دوست اڳ کان اڳرو آهي ۔۔۔ سنڌ سلامت جو هي اڱڻ سنڌ دوستيءَ جو اڱڻ آهي، سنڌي ٻوليءَ جي خدمت ڪرڻ جي اوطاق آهي، ۽ ان ساٿ ۾ شبير ڪيريا جهڙا دوست مالها ۾ موتين جو اضافو ثابت ٿين ٿا ۔۔۔ سنڌ سلامت تي تمام سلڇڻا ۽ سنڌ سڄڻ ايندا رهنٿا ۽ پنهنجين لکڻين سان، پنهنجين ڪاوشن سان پنهنجين خوشين ۽ غمن سان اسانکي به سنواري وڃنٿا ۔۔۔ اچو ڙي سورن واريون ڪريون سور پچار ۔۔۔ ادا شبير ، اوهانکي دل جي گهراين مان ڀليڪار چوندي، ساٿ نڀائڻ جي گذارش ڪبي ۔۔۔ اسانجو ناز ته اوهانجي اچڻ تي ڇيريون ڇمڪايون آهن ۔۔۔ ۽ اسين اوهانجي راهن ۾ نيڻ ٿا وڇايون ۔۔۔ دوست وڌن ۔۔۔ ميلا لڳن ته هو جمالا ڳائجن سڌائتـــي سڀ ڪــا، بک نه باســي ڪا، جيهي تيهي ذات جي جنبش ڪانهي جا، مونسي هلي سا، جا جيءُ مٺو نه ڪــري۔ اچو ته سنڌ سلامت واري ساٿ سان ساٿي ٿي پاڻ ملهائيندا رهون جي ايندي چوني آءُ، ويندي چوني ويهه، ڇڏي سارو ڏيــهه، اڱــــڻ اچج انهن جي۔ سنڌ سلامت ساٿ سلامت
