مست
سينيئر رڪن
(منهنجي پياري استاد سائين نثار احمد ناز ڪالهه پنهنجو هي نظم سنڌ سلامت تي پوسٽ ڪيو هو پر عرب هيڪرن جي ڪاروائي يعني هيڪنگ کان بعد 3 ڏينهن جو جيڪو مواد ضايع ٿيو ان ۾ سائين نثار ناز جي هي بهترين ڪاوش به سنڌ سلامت تان گم ٿي وئي۔۔ مون کي ٻئي مواد گم ٿيڻ کان وڌيڪ ڏک سائين جن جي هن پياري غزل جي گم ٿيڻ تي هو، پر شڪر آهي سائين جن فيسبوڪ تي هن غزل کي پنهنجي دوستن سان ونڊ ڪيو هو جنهن ڪري موقعو ملي ويو ته هي غزل اتان ڪاپي ڪري هتي ونڊ ڪريان۔۔ مست)
پيارا فيس بُڪ جا سنڌي ساٿيو السلام عليڪم ، جيئي سنڌ، نمستي، ڪوئٽه کان واپس ايندي مونکي هڪ هفتو ٿي چڪو آهي ڪافي سارا ڪم ڪار هُئا ان کان علاوه ڏات جي ديوي مهربان ڪانه پي ٿي اڄ هي غريباڻو غزل سرجيو اٿم ڳالهه سنڌ سان پيار ڪرڻ جي آهي خير چترڪاري ڪري توهان سڀني دوستن سان ونڊ پيو ڪريان اميد سنڌ ڌرتي سان اظهار محبت ضرور توهان کي پسند ايندو
دعاڳو
نثاراحمد ناز
ٽنڊو محمد خان
25-05-2011
دعاڳو
نثاراحمد ناز
ٽنڊو محمد خان
25-05-2011
غزل
نثاراحمدناز
سنڌ مٿان سڀ ساهَه پنهنجا
گهور گهوريون چاهَه پنهنجا
چنڊ چوڏينهن سوجهرا هِي
سڀ سنڌِي همراهَه پنهنجا
آ فخر ڳوهيا ازل کان
سنڌ مِٽِيء مان ڳاهَه پنهنجا
ڪنهن به ويريءَ ساڻ سنڌ جي
ڪونه ٿيندا ٺاهَه پنهنجا
هر جنم ۾ ساٿ سانئڻ
گڏ هُئا ارواحَ پنهنجا
ڪير ٽوڙي ڪونه سگهندو،
هي امر ويساهَه پنهنجا
ناز سنڌ سان ئي اُڪيرون
شل هُجن اُتساهَه پنهنجا
