محبتن جو شاعر اڄ مرشد لطيف جو جنم ڏينهن آهي، هو اهڙو عظيم شاعر آهي، جنهن سنڌي ٻوليءَ جي بچاءَ جي مورچي تان ان جي بقا جي جنگ وڙهي آهي. شاهه لطيف محبتن جو شاعر آهي، هن جي ڪلام ۾ قلبي سڪون ئي ان ڪري آهي، جو هن وٽ پيار جي پالوٽ آهي. لفظ لفظ محبت آهي. زندگيءَ جو ڪهڙو رنگ آهي، جيڪو وٽس موجود نه آهي؟ جماليات جو ڪهڙو رخ آهي، جنهن کي هن ڇهيو نه آهي؟ ساڻيهه دوستيءَ جي ڪهڙي ڪيفيت آهي، جيڪا سندس ڪلام ۾ موجود نه آهي؟ مجازي عشق جا اُلا هجن يا حقيقي عشق جا ڀنڀٽ، اهي سڀ سندس شاعريءَ ۾ موجود آهن. ڪٿي هو سچو صوفي آهي، ڪٿي ”ناٿ“ کي ”ناهه“ ۾ ڏسڻ وارو جوڳي. ڪٿي هو ساڻيهه دوستيءَ جو مبلغ آهي ته ڪٿي وري سنڌي ٻوليءَ جو محافظ ۽ حڪمرانن جي فارسي ٻوليءَ کي، سنڌيءَ بدران اختيار ڪرڻ جو مخالف. اسان خوشنصيب آهيون ته اسان ان ڌرتيءَ جا رهواسي آهيون، جيڪا لطيف جي ڌرتي آهي. اسان اها ٻولي ڳالهائيندڙ آهيون، جيڪا لطيف جي ٻولي آهي. جميل لاشاري/ميرپور خا
جواب: محبتن جو شاعر مختصر پر پر اثر لفظن ۾ لطيف کي ڀيٽا ڏنل آهي ۔۔۔ تمام سهڻو ليک ونڊ ڪرڻ تي ٿورا سنڌ سلامت ساٿ سلامت
جواب: محبتن جو شاعر مهرباني ادا اڃا تَـنُوران، ڪالهه ڪڍيائون سڄڻين؛ پڻ تايائون تڪڙو، وحدت جي وَڌان؛ محبتين مٿان، مچُ مُورائينِ نه لهي! لطيف جي ڏهاڙي جي حوالي سان سٺو ليک
