بينظير ڀٽو

[JUSTIFY]بينظير ڀٽو پنهنجي حياتي ۾ ريگستان ٿر جي ان حصي ۾ ڪڏهن ڪونه آئي هئي پر سندس شهادت کانپوءِ سندس ياد ۾ ڳايل سنڌي ٻولي جي گيتن ذريعي شهيد راڻي راجسٿان جي ڳوٺن تائين پهچي وئي آهي. گذريل ڪجهه عرصي کان سنڌي علائقن ۾ پاڪستان جي اڳوڻي وزير اعظم بينظير ڀٽو لاءِ ڳايل گيت ”دشمن تيري سيني مين تير، بينظير بينظير“ تمام مشهور ٿي رهيو آهي. ڪٿي ڪٿي موبائل فون جي رنگ ٽون ۾ به بينظير سمايل آهي.

هندستاني رياست راجسٿان جا ٻئي ضلعا پاڪستاني سرحد جي تمام ويجهو آهن. سرحدي علائقي خليفان جي باوڙي جي خدا بخش چيو آهي ته ”انهن گيتن جون سي ڊيون ۽ ڪيسيٽ ٿر ايڪسپريس جي ذريعي هتي پهچنديون آهن. ماڻهن انهن گانن کي چاهت وچان ٻڌندا آهن ۽ رستن تي هلندڙ گاڏين ۾ به ساڳيا گيت ٻڌي سگهجن ٿا.

هن چيو آهي ته سنڌي توڙي هندو هجڻ يا مسلمان هو سڀ بينظير ڀٽو کي چاهيندا آهن. ٿر ايڪسپريس سنڌ جي کوکراپار ۽ راجسٿان جي علائقي مونا بائو جي درميان هلندي آهي ۽ اِها ثقافت جون ڪڙيون ملائيندي آهي.

راجسٿان جا ڪجهه علائقي پاڪستاني سرحد سان لڳندا آهن ۽ سرحد جي ٻنهيءَ پاسي سنڌي آباد آهن. خدا بخش سمجهي ٿو ته ٻنهيءَ پاسن جا ماڻهو هڪ ئي ثقافت جو حصو آهن.

سنڌ کان راجسٿان آيل تيج دان ڏيٿا چيو آهي ته بينظير ڀٽو ٻنهيءَ مذهبن جي ماڻهن ۾ مشهور آهي ۽ ماڻهو سندس احترام ڪندا آهن. انهن گيتن ۾ بينظير ڀٽو جي حياتي جون ڪيتريون ئي ڳالهيون بيان ڪيون ويون آهن ۽ شهيد راڻي کي هڪ عظيم هيرو جي طور پيش ڪيو ويو آهي۔

[/JUSTIFY]

 

جواب: بينظير ڀٽو

ادا تمام ٿورا ۽ سٺا لفظ پيش ڪيا آهن مهرباني توهانجي