سنڌ جي ثقافتي واڌا لاءِ هڪ ڪارائتو خيال ڪجهه ڏينهن اڳ سائين محترم نثار ناز سنڌ سلامت تي ٽنڊي محمد خان ۾ مومل آرگنائزيشن پاران منقعد ڪيل ميلي جون ڪجهه تصويرون سنڌ سلامت تي ونڊ ڪيون هيون ... انهن مان هيءَ هڪ تصوير ڏسي الائجي ڇو منهنجي من ۾ اهو خيال ۽ خواهش گردش ڪري رهي آهي ته هن لباس کي سنڌ جي سڀني اسڪولن جو يونيفارم ڪيو وڃي ... جنهن سان ڪيترائي فائدا ٿيندا ... 1. اجرڪ جي قميص ۽ اڇي يا نيري سلوار 2. سموري سنڌ جون نياڻيون ۽ پٽ ثقافتي ڏيک ڏيندا تمام سهڻا لڳندا ۽ مقدس نظر ايندا 3. اجرڪ جي صنعت کي تمام وڏي هٿي ملندي جنهن سان سنڌ جي ثقافت نڪري نروار ٿيندي 4. اجرڪ جي صنعت سان لاڳاپيل مزدورن لاءِ رزگار جا موقعا وڌندا ۽ هن صنعت ۾ هڪ قسم جي انقلابي واڌ ٿيندي. 5. ڇوڪرن لاءِ شرٽ اجرڪ جي ٿي سگهي ٿي. 6. اجرڪ جي ڪجهه مختلف نمونن سان ڇاپا موجود آهن انڪري هر اسڪول کي هڪ الڳ ڇاپو پڻ ملي سگهندو ... گهٽ ۾ گهٽ هر شهر جي هر اسڪول کي الڳ الڳ ڇاپو ملي سگهي ٿو. دوستو! اوهانجو ڇا خيال آهي ...؟ اوهانجا رايا سنڌ جي ثقافت کي وڌائڻ لاءِ ڪارآمد ٿيندا ....
جواب: سنڌ جي ثقافتي واڌ لاءِ هڪ ڪارائتو خيال جي ها سائين آئون توهان جي ان ڳالهه سان متفق آهيان اها هڪ تمام بهترين سوچ آهي
جواب: سنڌ جي ثقافتي واڌ لاءِ هڪ ڪارائتو خيال تمام سٺي ڳالهه آهي شل حڪومت ان ڳالهه تي عمل ڪرائي ۔۔۔۔۔۔۔۔۔۔۔۔۔۔۔۔۔۔۔۔
جواب: سنڌ جي ثقافتي واڌ لاءِ هڪ ڪارائتو خيال خيال ته سائين بهترين آهي مونکي اوهان جي ڳالهه ڏاڍي وڻي آهي۔
جواب: سنڌ جي ثقافتي واڌ لاءِ هڪ ڪارائتو خيال سائين نثار سلام تما سهڻي ۽ سٺي سوچ آهي۔ مونکي ياد آهي ته ڪجهه سال اڳ ڪنهن تنظيم پاران اجرڪ کي سنڌي يونيفارم م شامل ڪرڻ لاء هڪ مهم شروع ڪئي هئي پر ماڻهن ۽ خاص ڪري اسڪولن جي انتظاميه جي بي توجهي سبب اها ڪامياب ڪانه ٿي سگهي۔ ان ئي تنظيم جي پليٽ فارم تان سيمينار پڻ ٿيا هئا جن ۾ هڪ ۾ مولانا حسن درس اجرڪ جي شان تي ڳالهايو هو۔
جواب: سنڌ جي ثقافتي واڌ لاءِ هڪ ڪارائتو خيال دوستن جا لک ٿورا جن ڪافي سهڻي موٽ ڏني آهي، پر افسوس جو سنڌي قوم جا فرد ۽ سنڌي قوم جا حڪمران ۽ سنڌي قوم جون سياسي ۽ سماجي تنظيمون ڍڳو پير پيران آهن، شايد سنڌي ماڻهن غلاميءِ کي آمنه صدقنه ڪري ڇڏيو آهي جو سنڌ جي فائدي ۾ هجڻ وارو هر عمل ٺڪرائن ۽ سنڌي جي ڀلي ۾ ايندڙ هر صلاح جي ڪن لاٽار ڪن ٿا ۔۔۔ سنڌ اندر ڪي آڱرين تي ڳڻڻ جيترا چريا سر ڦريا آهن جي اڃان تائين به اهو چون ٿا ته سنڌي هڪ قوم آهي، سنڌ هڪ ملڪ آهي ۽ اهو ملڪ هڪ ڏينهن دنيا جي گولي ته نڪري نروار ٿيندو ۔۔۔۔ جيتوڻيڪ مايوسي ڪفر آهي پر سنڌي قوم کان آزاديءَ لاءِ ، خودمختياريءَ لاءِ بلڪ سنڌ جي ڀلي لاءِ منظم ڪم ڪرائڻ ائين آهي جيئن ٻٻرن مان ماکي لاهڻ ۔۔۔ پنهنجا ماڻهون ئي اهڙا ڏنگ هڻندا جو ڳالهه ڪرڻ واري جو منهن ئي سڄائي ڇڏيندا آهن ۔۔۔ مولانه ابو الڪلام ” آزاد“ جي ڪتاب ” آزاديءَ مان اقتباس ؛ ” جيڪڏهن تون فقط پاڻ پنهنجي لاءِ ٿو جئين، ته پوءِ قوم لاءِ تون هڪ مرده لاش آهين، پر جي تون قوم لاءِ مري وڃين ته پوءِ نه فقط تون زنده آهين، پر هزارن لکن کي زندگي بخشڻ وارو آهين“ رب سنڌ جي سڄڻن جا حوصلا برقرار رکي ۔۔۔ آمين
جواب: سنڌ جي ثقافتي واڌ لاءِ هڪ ڪارائتو خيال ظاهر آهي جي رڳي گورنمينٽ کي ڏسنداسين ته اميدون گهٽ ئي ملنديون۔۔۔ پر توهان جي اها صلاح مون کي اهڙي ته ڀلي لڳي جو پنهنجي هڪ دوست (جيڪو هڪ پرائيويٽ اسڪول هلائيندو آهي۔۔۔) کي اهڙو مشورو ڏنم ۔۔ جنهن هن اگست کان ڊريس بابت هي تبديلي ڪرڻ جو اعلان ڪري ڇڏيو آهي۔۔ اهڙي نموني جيڪي پرائيوٽ اسڪول آهن جي اهي شروعات ڪن ته به منزل آسان ٿي سگهي ٿي۔۔۔
جواب: سنڌ جي ثقافتي واڌ لاءِ هڪ ڪارائتو خيال سائين بلڪل سنڌ جي هر ننڍن وڏن اسڪولن ۾ اھو يونيفارم ٿيڻ گهرجي
