وجوده حڪومت مشرف جي قدمن تي اڳوڻي صدر تي صرف ڏنڊ هڻڻ جو واعدو ڪيو:وڪي ليڪس واشنگٽن (مانيٽرنگ ڊيسڪ) وڪي ليڪس انڪشاف ڪيو آهي ته موجوده حڪومت پرويز مشرف خلاف ملڪ ۾ ايمرجنسي لاڳو ڪرڻ ۽ ججن کي هٽائڻ واري قدمن تي صرف ڏنڊ لڳائڻ جو واعدو ڪيو هو ۽ انهي ڊيل تحت پرويز مشرف استعيفا ڏيڻ تي رضامندي ظاهر ڪئي هئي، هڪ خانگي ٽي وي چئنل موجب وڪي ليڪس انڪشاف ڪيو آهي ته آمريڪا پاڪستان کي چيو هو ته پرويز مشرف سان اڳوڻي صدر جهڙو رويو ڪرڻ گهرجي، اهو ئي ملڪ جي حق ۾ بهتر ٿيندو ۽ جيڪڏهن هن کي ملڪ ۾ رهڻ جي اجازت ڏني وڃي ته پاڪستان جي وقار ۾ اضافو ٿيندو، وڪي ليڪس مطابق اهڙو مشورو اسلام آباد ۾ مقرر آمريڪي سفير اين ڊبليو پيٽرسن صدر آصف علي زرداري کي ڏنو هو، وڪي ليڪس انڪشاف ڪيو آهي ته آمريڪا پاڪستاني قيادت کي درخواست ڪئي هئي ته اڳوڻي صدر پرويز مشرف کي استعيفا ڏيڻ بعد بدنام نه ڪيو وڃي.
