اياز گُل جي شاعري جو ڪتاب ”ڏينهن ڏٺي جا سپنا“ سندس چونڊ غزلن، واين، گيتن، نظمن ، ترايل ۽ ٽيڙن تي مشتمل آهي۔ ڪتاب ۾ شاعريء سان گڏ ناليواري اديبن محترم ادل سومرو، رسول ميمڻ، وفا ناٿن شاهي، مختيار ملڪ، نصير مرزا ۽ تاج جويو جا اياز گُل تي تاثرات پڻ ڇپيل آهن۔ ڪتاب مان هڪ وائي حاضر آهي: توکان ٿيندي ڌار، کِلندي کِلندي يار، لڙڪ لڙي پيا لار ڪري۔ تنهنجي پويان ڪير اسان جي، سپرين لهندو سار، لڙڪ لڙي پيا لار ڪري۔ ساهه ۾ تنهنجي ساهن جي، اڃان به آ مهڪار، لڙڪ لڙي پيا لار ڪري۔ رات کُٽي ۽ باک ڦٽي پيئي، جنهن پل ويڙهيئي وار، لڙڪ لڙي پيا لار ڪري۔ پاڻيء تي ڄڻ ليڪا هئا، تنهنجا قول قرار، لڙڪ لڙي پيا لار ڪري۔ وري ملڻ جي مهل وري، شال هينئين جا هار، لڙڪ لڙي پيا لار ڪري۔ سنڌي ادبي سنگت شاخ سٽي سکر پاران اِي بوڪ ايڊيشن متعارف ڪرايل اهي۔ هتي ڪلڪ ڪري ڪتاب ڊائونلوڊ ڪيو
