ڪاوڙ اهڙي حالت هوندي آهي جنهن ۾ زبان عقل کان تيز هلندي آهي. *** اوهين ماضي بدلائي نٿا سگهو، ها، حال کي تباهه ڪري سگهو ٿا مستقبل جي فڪر ۾ *** جيڪو آهي انلاءِ الله جا شڪرگذار ٿيو ۽ باقي ضرورتن لاء ِ الله تي ڀروسو ڪريو *** پيارڪريو ... پيار پايو *** انسان جي حقيقي دولت جي سڃاڻ سندس اندر جي آسودگيءَ مان ٿيندي آهي؟ *** قوم سان پيار، پيار جي اعلا شڪل آهي
جواب: ڏاهپ ڀريا ٻول ادا نثار ابڙو صاحب۔بهترين ۽ بامعني سکن ونڊ ڪري اسان جي دل کي باغ باغ ڪري ڇڏيو۔سچ جيڪڏهن پنهنجي ڪاوڙ کي ماڻهو ڪنٽرول ڪري ته گهڻن پشيمانن کان بچي سگهي ٿو ،نه ته ڪافي سارو وقت معافي ۽ تلفي ۾ گذرندو۔ٍجڏهن انسان کي پيار ٿي ويندو اهي ته زندگي هن کي تمام گهڻي حسين لڳندي آهي ۽ هو ان کي سٺي انداز ۾ گذاريندا آهي نه ته زندگي ان کي گذاريندي۔پيار ڀريا سّخن وارو ليک لکڻ تي توهان جون تمام گهڻيون مهربانيون۔
جواب: ڏاهپ ڀريا ٻول سائين نثار سلام سڀ سهڻيون ڳالهيون، انهن تي جي دل سان عمل ڪجي ته زندگيء ۾ ڪاميابيون يقيني آهن ۔ ۔۔۔۔ پر خبر ناهي ڇو اسان عمل کان پاسي تي ڀڄندا ٿا وتون ۽ پوء گمراهيء جي ڪُن ۾ غرق ٿي ٿا وڃون۔
جواب: ڏاهپ ڀريا ٻول ادا سائين! اوهان پاران پيش ڪيل سهڻا سخن ڏاڍا سٺا آهن۔ انهن مان هڪڙِي قول جي حوالي سان چوندس ته اسان مان گهڻن ماڻهن پنهنجي قومي مستقبل کي سنوارڻ لاءِ پنهنجي حال کي تباه، برباد ۽قوم مٿان قربان ڪري ڇڏيو آهي، پر ٻئي طرف قومي ماڻهن جي اڪثريت پنهنجي انائن۽ ذاتي فائدن جي حاصل ڪرڻ لاءِ اهڙا ته ڪريل ڪم ڪن ٿا جو هن وقت تائين مٿي ذڪر ڪيل قربانين به ڪو رنگ نه لاتو آهي ۽ ايندڙ وقت لاءِ وڌيڪ قرباني ڏيندڙ مايوس ٿي خود ڪشين ڪرڻ لاءِ سوچڻ تي مجبور آهن۔ ايڏي انارڪي قومن لاءِ انقلابي راه به هموار ڪندي آهي ته ٻئي طرف گڏيل خود ڪشي ڪرڻ تي مجبور به ڪندي آهي۔هن وقت نوجوانن ۾ قومي شعور پيدا ٿي رهيو آهي پر انهن کي تربيت ڏيڻ جي شديد ضرورت آهي۔اميد ته ان کوت کي پوري ڪرڻ لاءِ ڏاها پنهنجو ڪردار ادا ڪندا۔
جواب: ڏاهپ ڀريا ٻول سائين محترم عبدالڪريم صاحب، اوهانجون ڳالهيون سئو سيڪڙو سهي آهن، بيشڪ ڪئي سهڻا انسان سچائي سان پنهنجي حال کي تباهه و برباد ڪري قوم جي جاڳرتا ۽ ڀلائي لا پتوڙي رهيا آهن پر افسوس جو قوم جي گهڻائي ان فڪر کي سمجهڻ کان قاصر آهي جنهن سبب انهن ڏاهن ۾ پڻ مايوسي جو عنصر پئدا ٿيڻ لڳو آهي ۔۔۔ پر منهنجا دوست، منهنجا سائين، ڀٽائي سرڪار جي چواڻي ته ، ڇڱا هميشه چڱايون ئي ڪندا آهن، انڪري اهڙا انسان جن ۾ الله جو خوف، قوم جي محبت گهر ڪيل آهي سي پنهنجي فطرت نڀائيندا رهندا ۽ پنهنجي زندگي برباد ڪندا رهندا بيشڪ موٽ ۾ کين نفرتون ئي ڇون پلئه پون ۔۔۔ ڀلا گهڻائي ماڻهن جي جهالت ۾ مبتلا هجي ته روشن ذهن پاڻکي جهالت جي حوالي ته نه ڪندو ؟؟؟؟ الله ڀلي ڪندي، اوهان پنهنجيون چڱايون جاري ۽ ساري رکو ۽ انجو ثمر الله کان گهرو ته انشاء الله ٻيڙا پار ٿي ويندا ۔۔۔ مون هي سهڻا سخن انڪري به ونڊ ڪيا آهن ته ممڪن ڪنهن هڪ دل ۾ ان سخن سبب ڪا تر جيتري چڱائي پئدا ٿي سگهي ته سمجهبو ته اسانجي محنت سجائي ٿي ۔۔۔ رب العالمين اسانکي سمجه عطا فرمائي ۔۔۔ آمين
