دوست سڏائي سڀ ڪو

[نثارابڙو]

ڪجهه ڏينهن اڳ دوستن دوستي تي تمام سٺا ليک ونڊ ڪيا هيا ۔۔۔ دوستي موضوع ئي اهڙو آهي جنهن تي جيترو ڳالهائجي گهٽ آهي ۔۔۔ سنڌ سلامت تي دوستي بابت ڪيترائي ان ملهه ليک موجود آهن، هي هڪ دوستي تي ننڍڙي آکاڻي نظر آئي سوچيم ڇو نه دوستن سان ونڊ ڪجي ۔۔۔ جي ماسو جڙئي مال ته پوڄارا پر ٿئين ۔۔


http://imageshack.us​

 

[سليمان وساڻ]

جواب: دوست سڏائي سڀ ڪو

مهرباني سائين نثار

دوستي لفظ ئي اهڙو آهي، دوستي احساس ئي اهڙو آهي ، ان تي مان ڇا چوان پر خوشقسمت ضرور آهيان جو اوهان جهڙا دوست ۽ سنڌ سلامت جو ساٿ ۽ سنڌ سلامت جا دوست مليا آهن۔

”دوستي ٻن ھڪجيترن جي وچ ۾ بنا غرض واري ڏيتي ليتي جو نالو آھي.“

سالسٽ وري ھيئن سمجھي ٿو: ”انھن ساڳين ئي شين کي چاھڻ ۽ ھڪجھڙن شين کان نفرت ڪرڻ، اھا ئي حقيت ۾ سچي دوستي چئجي.“

حضرت سليمان فرمائي ٿو: ”ايمانداري واري موت ئي سچي دوستيءَ جي نشاني ھوندي آھي.“

ڇو ته:

”دوستي روحن جي شادي آھي.“

تڏھن ته جبران چئي ويو:

”دوستيءَ ۾ سواءِ روح کي گھاٽي سٻنڌ وڌائڻ جي، ٻيو ڪو به غرض نه ھجڻ گهرجي.... پنھنجي دوست کي اھو ڪجھ ڏيو، جيڪو اوھان وٽ سڀ کان بھتر ۽ اعلى آھي.“

نه صرف اھو ۽ ايترو پرءُ“ ... ھو جيڪر اوھان جي لھندڙ وير کي ڏسڻ چاھي ٿو ته توھان کيس پنھنجي چڙھندڙ وير جو به نظارو ڪرايو...“

 

[ڦلپوٽو فقير]

جواب: دوست سڏائي سڀ ڪو

سبحان الله

اها چئبي آهي دوستي

واقعي به سائين ڪم پئي ته ڪل پئي

بهترين ڪوشش آهي

جاري رکجو

سدائين گڏ

 

[نثارابڙو]

جواب: دوست سڏائي سڀ ڪو

سهڻي سليمان جي اها عادت انتهائي وڻندڙ ۽ ڪارائتي آهي جو هو جڏهن به ڪنهن ليک تي جواب ڏيندو آهي ته پنهنجي پوري سگهه ۽ ڄاڻ سان ڏيندو آهي ۔۔۔ جيئن هن ونڊ تي سندس ڏنل جواب ۔۔۔۔ جنهن هن ليک کي ايترو قيمتي ڪري ڇڏيو آهي جو ور ور ڪري پڙهندو رهجي ۔۔۔

ٿورا ناهن ٿورا ۔۔۔۔

 

[رحيم بخش]

جواب: دوست سڏائي سڀ ڪو

سائين قبلا توهان جي هر تحرير پياري هوندي آهي وري سائين محمد سليمان جن به محنت سان ان موضوع کي چار چنڊ لڳائي ڇڏيا مون کي به هڪ مضمون دوستي متعلق ياد آيو جيڪي فارسي ۾ مون پڙهيو هو ان فارسيء سميت دوستن جي معلومات لاء پيش ڪري رهيو آهيان. فارسي ان ڪري ته ان جا لفظ جامع آهن متان ترجمه ۾ ڪا ڪسر رهجي وڃي جيڪڏهن ڪو فارسي ڄاڻندڙ هجي ته ان جو صحيح مفهوم بيان ڪري سگهي.

حکماے ھند گفتہ اند کہ دوستي چہار درجہ دارد

درجہ اول۔آنکہ بخانہ دوست برود و دوست را بخانہ خود بيارد ہرگاہ آن مرتبہ دست دہد چہارم دوستي حاصل شود۔

درجہ دوم۔آنست کہ بخانہ دوست چيزے بخورد و دوست را بخانہ خود چيزے بخوراند چوں بدیں حد برسد نيم دوستي حاصل شدہ باشد۔

درجہ سوم۔آنست کہ دوست را چيزے بدہد و اگر دوست چيزے بدہد بگيرد چوں بدیں پایہ برسد سہ ربع دوستي بحصول انجامد۔

درجہ چہارم ۔آنست کہ از راز دل خود دوست را آگاہ نماید و دوست را نيز باید کہ بر اسرار دل او را مطلع گرداند و چوں بایں مرتبہ برسد تمام دوستي حاصل شدہ باشد و مرتبہ دوستي ازاں بالا تر نيست۔​

ترجمه
هندستان جي دانائن دوستيء جا چار درجه ٻڌايا آهن .

درجه 1: پهريون درجه اهو آهي جو دوست جي گهر وڃي ۽ دوست کي پنهنجي گهر آڻي (گهر مان مراد پنهنجي رهائشگاه اوطاق بيٺڪ آهي.) جڏهن اهو مرتبه حاصل ٿئي ته دوستي جو چوٿون حصو حاصل ٿيندو آهي.

درجه 2:دوستيء جو ٻيون درجو اهو آهي جو دوست وٽ ڪجهه کائي پيئي ۽ دوست کي ڪجهه کارائي پياري جڏهن ان حد تائين معاملو پهچي ته اڌ دوستي حاصل ٿيندي آهي.

درجه 3:دوستي جو ٽيون درجو اهو آهي جو دوست کي ڪا شيء (تحفي طور) ڏئي ۽ جيڪڏهن دوست ڪا شيء ڏئي ته وٺي جڏهن تعلقات ان نتيجي تائين پهچن ته ٽي چوٿايون (مُني) دوستي جو حصول ٿي ويندو آهي.

درجه4:چوٿون درجه دوستيء جو اهو آهي ته دوست کي دل جو راز (ڏک سک) ٻڌائي ۽ دوست جي راز ٻڌي (هڪ ٻئي سان ڏک سک ۾ شريڪ رهن) جڏهن دوستي ۾ اهو مقام حاصل ٿئي ته دوستي مڪمل سڏبي آهي ان کان وڌيڪ دوستي جو مرتبه نه آهي.

​

۔

 

[نثارابڙو]

جواب: دوست سڏائي سڀ ڪو

دوست رحيم بخش جو ونڊ ڪيل فارسي مضمون دوستي جهڙي حساس رشتي تي انتهائي ڪارائتو ۽ ڄاڻ وارو آهي ۔۔۔ رب العالمين اسانکي دوستين نڀائڻ جي توفيق عطا فرمائي ۔۔۔ آمين

ٿورا ناهن ٿورا دوستن جا ۔۔۔

 

[عرس پريو]

جواب: دوست سڏائي سڀ ڪو

دوستي جي بابت تمام سٺي معياري معلومات ڏيڻ تي دوستن جون مهربانيون۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔