اي گلابن جي گل جهڙا پرين تون اهڙا ظلم ڪرڻ ڪڏهن کان ۽ ڪٿان کان سکي آهين۔ اي دلربا توکي ياد ڪندي دل روئيندي ۽ چوندي آهي۔ ته توکي ڪئين مان بي وفا چوان اگر توکي بي وفا چوان ته پو آئون عاشق نه ٿئيس۔ اگر توکي وفا واري چوان ته تون وفا واري نه هئين۔ (اي دلربا) بي وفا چوڻ عاشق جي فطرت ۾ نه هوندي آهي۔ انهي کي هر وقت اها آس هوندي آهي ته من ڪنهن موڙ تي وفا ڪري۔ اي پرين تنهنجا ناز نخرا تنهنجون ڳالهيون ارڏايون تنهنجا واعدا وچن ته پرين وارا هيا۔ پر تون ظلم ڪرڻ ۾ ڪنهن ظالم کان گهٽ نه هئين پو آئون توکي ڪئين دل جو دلبر من جو محرم ساهه جو سڄڻ چاهت جو چڪور محبت جو مور دل جو دوست ساهه جو سهارو يعني وفا وارو چئي سگهان۔ اڄ به مونکي توسان ايڏي محبت آهي۔ جئين مڇي کي پاڻي سان پوپٽ کي گل سان هاري کي فصل سان پر توکي خبر هجي ته عاشق جي زندگي آهي۔ دلبر جي ديدار سان پو ڇو تون پرين ايڏي دور هلي وئين، جو توکي ڏسندي سال ٿئي ويا آهن۔ سال نه بلڪه صديون محبت وارن لا هڪ پل جو وڇوڙو به صدين جي برابر هوندو آهي۔ پو اي پرين تون مون ۾ ڪهڙو عيب ڏٺو جو تون مون کان دور هلي وئين۔ خدا جي واسطي هڪ دفعي فون ڪري پنهنجو حال ته ٻڌائي، نه ته آئون زندگي ڀر پيو تڙپندس، ۽ تڙپي تڙپي مري ويندس۔ تنهنجي هر ڳالهه مڃيم تو چيو هو ته ڪجهه ڏينهن لا تون هن شهر مان هليو وڃ ته به روئي چيم جي بسم الله ان ڏينهن کان وٺي اڄ ڏينهن تائين تنهنجي شهر ۾ پير نه رکيم۔ شهر ڇڏڻ کان پو تنهنجو هڪ خط مليو جنهن ۾ فقط اهو لکيل هيو ته مون کي پرديس ۾ تون ياد نه ڪجان ۽ وري منهنجي شهر ۾ تون موٽي نه اچجان۔ اڄ آئون تنهنجي نه بلڪه ڪنهن ٻئي جي آهيان۔ اهي الفاظ پڙهي دل مان آهه نڪتي (اي سڄڻ ايڏو ظلم) پر اڄ به دردن سان ڀريل دل مان اها صدا نڪرندي آهي ته شال سدا خوش ۽ کلندي رهين۔ فقط تنهنجي الفاظن جو ماريل مجبور (تنهنجو عاشق) معظم علي نظاماڻي
جواب: مجبور دل جي صدا ! هل ته سهي، اصل سڙيل عاشق جي صدا آهي، بس ڙي ادا عاشق مجبور آ، ڀل ڪيڏو به ڪنڌار هجي ۔۔۔؟ پر آءُ کيس صلاح ڏيندس ته دعائون ڀل ڪري پر هاڻ ”هوءَ“ پرائي امانت آهي ۽ ڪنهنجي عزت انڪري سماجي، مذهبي ۽ اخلاقي اصول آهن ته ان محبوب کي دل مان ڪڍي ان جي جاءِ تي ڪنهن ٻي صورت کي جڳهه ڏجي ته جيئن معاشري سان گڏ عاشق جي زندگيءَ ۾ به سڪون جو درياه وهي ۔۔۔ سنڌ سلامت ساٿ سلامت
جواب: مجبور دل جي صدا ! دردان دي ماري دلڙي ۔۔۔۔۔۔۔۔۔۔۔۔۔۔۔۔ اهو ساڳيو شعر ذوالفقار علي ڀٽو پڻ ڪورٽ ۾ پنهنجو ڪيس پيش ڪندي ٻڌايو هو ۔ هت به دردن جا مريل گهڻا آهن۔ صرف جهونن جو ڏوهه ناهي۔۔ سٺا لفظ ۽ سهڻو سٽاء
