سنڌ سلامت جي هن سنڌ دوست اوطاق جي آسمان تي ڪيترائي اهڙا دوست آهن جيڪي ستارن جي جهرمٽ جيئان هميشه چمڪندا رهيا آهن ... انهن دوستن جي ڪاوشن ۽ سچي دوستيءَ سبب اڄ سنڌ سلامت سنڌي ٻوليءَ جي سهڻي اوطاق ٿي اڀري رهي آهي .... هن اوطاق جي سچن دوستن ۾ هڪ نالو آهي ممتاز وگهيو صاحب جن جو .... هن اوطاق جي شروع ٿيڻ کان وٺي هي دوست سنڌ سلامت جي اوطاق تي اهڙا ته سهڻا سهڻا ليک کڻي آيو جو علمي تاس پوري ٿيڻ لڳي هئي .... هي دوست بيمار هجي يا صحتمند هميشه سنڌ سلامت تي حاضر ۽ ناظر رهندو هو .... دوستن جا ليک پسند ڪرڻ انهن کي اتساهڻ ۽ تمام سهڻن راين سان رهنمائي ڪندو رهندو هو ... موٽ ۾ انهن ليکن جي حوالي سان پاڻ تمام سهڻا ليک ونڊ ڪندو هو ... ڪيترن ڏينهن کان هي دوست هن اوطاق تي نظر نه آيو آهي ،،، ڪجهه ڏينهن ته ان خيال کان صبر ڪيو ته شايد دوست مصروف هجي ۽ ڪنهن مجبوريءَ سبب نه ايندو هجي، پر هاڻ شايد ائين لڳي ٿو ته دوست، پنهنجي نظر ڪرم کي ڦيرائڻ ۾ رڌل آهي. اي دوست ممتاز، اوهان ئي ته چوندا هئا ته لائجي ته نڀائجي، پوءِ هاڻ ڇا ٿيو، لائي نڀائڻ واري واعدي جو ڇا ٿيو؟ ڇا اسانکان ڪا غلطي ٿي آهي يا وري اوهانکي ڪي دوست ملي ويا آهن؟ يا وري اوهان ڪنهن ٻي راهه تي هلڻ لڳا آهيو؟ هن اوطاق تي اوهانجو ڪيل ادبي سفر ته سڀ کان اوچو آهي، اڄ به اوهانجا ليک اسان سڀني کان گهڻا آهن .... اوهانجي پورهيي جو پگهر اڃان به سنڌ سلامت تي نظر اچي رهيو آهي ... پو ڀلا ائين ڇو جو اڄ اوهان اسانکان ڪٿي لڪي ويٺا آهيو، جت اسانجو آواز به نه پهچي ...؟ دوست سڏائي سڀ ڪو، پر اوهان ته دوستي ثابت ڪئي آهي پوءِ هاڻ دوستن کي سڏ ڪرڻا ڇو ٿا پون؟ سنڌ سلامت جو اڱڻ اوهانجي راهه نهاري ٿو، اميد ته لڪ جي اونده ختم ڪري، اڱڻ کي روشن ڪندا .... ڪا به اوطاق دوستن جي دوستيءَ سان قائم هوندي آهي ۽ اوهانجي پارس جهڙي دوستيءَ جا طلبگار آهيون ... اميد ته مثبت موٽ ملندي ... ڪــــي ويجهـــا ئـــي ڏور، ڪــي ڏور به ويجهــا سپريــن، ڪــــي چـــڙهـن نه چت تــي ڪـــي وســـرن نــه مـــور، جيئن مينهن ڪنڍيائي ڪور، تئن دوست وارڪو دل سين۔ طلبگار نثار ابڙو
جواب: ممتاز وگهيو لطيفي ڪٿي آهي؟ واقعي سائين ڪافي ڏينهن کان اسڪرين تان غائب آهن الله تعالى کين صحت و عافيت سان سلامت رکي اميد ته اوهان جي هن تحرير کي ڏسي پاڻ ضرور پنهنجو ديدار ڪرائيندا ۽ روح رهاڻ ڪندا۔
جواب: ممتاز وگهيو لطيفي ڪٿي آهي؟ سائين نثار اوهان جي اُڻ تڻ بجا آهي ۔۔۔۔۔۔۔۔۔۔۔۔ ڪجهه ڏينهن اڳ فيس بوڪ تي چيٽ دوران ادا ممتاز وگهيو به آيو هو ۽ مون کين عرض ڪيو ته اوهان فورم تي موجود ناهيو ، اوهان جي طبيعت ڪيئن آهي۔ جواب ۾ هنن هڪ لنڪ موڪلي ۽ آف لائين ٿي ويا۔ ان لنڪ کي کوليم ته استاد بخاريء جي شاعري ۽ منظور سخيراڻيء جي آواز ۾ هي ڪلام ٻڌڻ لاء مليو: دوست ڪياسين دلداريء لاء ڪن ٿا دل آزاري مان پريشان ٿي ويس ۽ ڪجهه دير کانپوء سندن فون نمبر تي ڪال ڪيم ۽ کانئن سندن طبيعت جو پڇيم۔ پاڻ ٻڌايائون ته هو بلڪل ٺيڪ آهي۔ مان کين عرض ڪيو ته اوهان جي ڪلام مونکي پريشان ڪيو آهي ۽ اوهان اسان کان ڇا تي ناراض آهيو ته پاڻ ٽهڪ ڏيندي چيائون ته بس اها لنڪ ايئن ئي موڪلي هيم ۽ هو ڪنهن سان به ناراض ناهي۔ پوء به مون کين زور ڀريو ته هو سنڌ سلامت تي اچن اسان کيس مِس ڪري رهيا آهيون۔ پاڻ واعدو ڪين پر اڃان تائين اسانکي سندن اچڻ جو انتظار آهي۔ اسان جي دعا ته اسانجو هي ڀائرن جهڙو دوست جتي به هجي خوش هجي ۽ دوستن سان دوستيون نڀائيندو رهي۔
جواب: ممتاز وگهيو لطيفي ڪٿي آهي؟ سائين اسان ڪجھ ڏينهن پهريان سائين کي فون ڪر ي پڇيو ته سائين ڇا ٿيو هر روز اسان جيئن صبح سان ڪمپيوٽر تي ويهندا هيا سين ته اوها جي زيارت ٿيندي هئي پر هاڻي ڪجھ ڏينهن کان اوهان جي ڪ پوشٽ نظر نه پئي اچي ۔ ته سائين جن جواب اهو ئي ڏنو ته سائين ڪجھ مصروفيتون وڌي ويون آهن ان ڪري حاضري نه ٿا ڏئي سگهون ۔ پر سائين جي مسلسل دوري ڪنهن خدشي جي اطلاع آهي ۔ باقي صحت جي حوالي سان ته سائين جن ٺيڪ آهن ۔ اسان کي سائين جن دوري جو سبب ته سمجھ ۾ نه ٿو اچي ۔ پر اسان ايترو ضرور چوندا سين ته جي ڪنهن کان به ڪا غلطي ٿي آهي ڪنهنجي باري ۾ ته ان کي گهرجي ته ٻئي کي صفائي جو موقعو ڏئي ۔ هي اوطاق جنهن تي سائين اسان کي آندو ان ۾ ڪو شق ناهي ته ان سان سائين کي بيحد پيار آهي ۔ پر الائي ڇو سائين جن اهڙو رخ رکيو آهي۔ مون ته هن اوطاق تي هميشه اهو ڏٺو آهي بلخصوس سائين طاهر صاحب سائين چوهاڻ صاحب جي اسان کي ڪا ڳالھ سمجھ ۾ نه آئي ته سائين جن فون ڪري ان وجھ کي دور ڪرڻ جي ڪوشش ڪئي ۔ جي اسان کي ڪنهن جي ڳالھ بُري لڳي ته اسان انتظميه کي پرسنل پيغام ۾ پنهنجي شڪايت نوٽ ڪرائي سو سائين جن کي گذارش آهي ته ڪنهن کان ڪا غلطي ٿي آهي ته ان جو ڪو انديو ڏين ته جيئن صلح صفائي ٿي سگهي ۔ اڄ انشاءِ الله سائين جن وٽ حاضر ٿي ڪوشش ڪنداسين ته جيئن ڪا خبر چار پوي ۔ وسلام
جواب: ممتاز وگهيو لطيفي ڪٿي آهي؟ ادا ممتاز جاني اوهان جا دوست اوهان کي ياد پيا ڪن سنڌ سلامت جو اڱڻ اوهان بنا ٻسو پيو لڳي۔ ادا اوهان سنڌ سلامت جو سرمايو آهيو جاني اوهان جي ايترا ڏينهن غائب رهندا ته اسان جي دل ته اوهان جي فراق ۾ اداس ته ٿيندي نه ۔۔۔ سو ادا پهنجي مصروفيات مان سنڌ سلامت لاء پهنجي دوستن لاء ٽائيم ضرور ڪڍو ۽ اوهان جي تحريرن جا اوهان جا دوست منتظر آهين
جواب: ممتاز وگهيو لطيفي ڪٿي آهي؟ ادا ممتاز ٻيلي منهن ڏيکار يار ايڏي دوري ٺيڪ نه آهي۔۔۔۔۔۔۔۔۔۔۔۔۔۔ قسم اٿئي استاد بخاريء جو [/center][/img]
