اڃان اڻ پلي دل صنم کي سڏي پئي۔۔۔۔سيال حيات

[Asad Ali Siyal]

اڃان اڻ پلي دل صنم کي سڏي پئي​

اڃان اڻ پلي دل صنم کي سڏي پئي
نئين نينهن تي نئين ستم کي سڏي پئي

اها زندگي جي روايت رهي آ
گلابن جي موسم ۾ غم کي سڏي پئي

انهي دل چري جي اها دل لڳي جو
هو قاتل کان نظر ڪرم کي سڏي پئي

ٽٽي اعتمادن جي پئي آرسي پر
ڀڄي ڀور ٿي ويل ڀرم کي سڏي پئي

اها سيال ڪوئل ڪري ڪوُڪ شايد
صبح ساڻ رنج و الم کي سڏي پئي​

سيال حيات​

 

[عاشق سولنگي]

جواب: اڃان اڻ پلي دل صنم کي سڏي پئي۔۔۔۔سيال حيات

اها زندگي جي روايت رهي آ
گلابن جي موسم ۾ غم کي سڏي پئي

واھ واھ تمام بهترين

 

[سليمان وساڻ]

جواب: اڃان اڻ پلي دل صنم کي سڏي پئي۔۔۔۔سيال حيات


اها زندگي جي روايت رهي آ
گلابن جي موسم ۾ غم کي سڏي پئي

لاجواب شاعري ۽ خوبصورت خيال

اوهان کي عرض ته سائين جي سهڻي شاعري کي جلد ڪمپوز ڪري ڏيو جيئن اي بوڪ جي صورت ۾ سنڌ سلامت تان پيش ڪجي۔

 

[Asad Ali Siyal]

جواب: اڃان اڻ پلي دل صنم کي سڏي پئي۔۔۔۔سيال حيات

سائين سليمان صاحب۔۔۔۔ مان سائيمن جن جي شاعري جا اي بوڪ ڪمپوز ڪري رهيو آهين جيڪي بس آخري مراحل ۾ آهن۔۔۔ جلد اوهان ڏي ميل ڪبا۔۔۔۔۔۔۔۔۔۔۔

ناچيز۔۔۔۔۔
اسد سيال۔۔۔۔۔۔!

 

[علي چوهاڻ کيبرائي]

جواب: اڃان اڻ پلي دل صنم کي سڏي پئي۔۔۔۔سيال حيات

ٽٽي اعتمادن جي پئي آرسي آ

ادا تمام سٺي شاعري آهي بحر وزن ۽ خيال تمام ڀلو آ