شاعري

[علي چوهاڻ کيبرائي]

رات لولي بنا
کٽ کٽولي بنا
ڪونه ٻچڙا سُتا
پيٽ ويلي بنا

سيءُ سيارو هيو
برف پارو هيو
تن ڏڪندا رهيا
هنڌ چولي بنا

ٿڄ گهري ٿي ڪِڪِي
رت ويو آ سڪي.
خشڪ آنڊا ٿيا
کير تولي بنا

جن آ بيبي چوي
نرس ٽي بي چوي
بک سڪائي وڌو
لڪ ۽ جهولي بنا.
شاعر علي چوهاڻ کيبرائي.

 

[سليمان وساڻ]

جواب: شاعري

رات لولي بنا
کٽ کٽولي بنا
ڪونه ٻچڙا سُتا
پيٽ ويلي بنا

تمام سٺي شاعري ۔۔۔ اوهان جا خيال به سٺا ۽ پيش ڪرڻ جو انداز به بهترين آهي