محمد ابراهيم جويو هڪ تاريخ ساز شخصيت ۽ 21 صدي جو عظيم اسڪالر ڄمڻ جي تاريخ:12 آگسٽ 1915ع نالو: محمد ابراهيم ولد: محمد خان جويو ڄمڻ جو هنڌ:ڳوٺ آباد ويجهو لڪي، ڪوٽڙي، دادو هاڻي ڄامشورو، سنڌ [JUSTIFY]ابتدائي تعليم سندس ڳوٺ آباد مان پرايائون، تنهن بعد لڪي ۽ سن پڙهڻ ويو، 1934ع ۾ سنڌ مدرسة السلام مان مئٽرڪ جو امتحان ڏنائين. 1938ع ۾ ڊي جي سنڌ ڪاليج مان بي اي جي ڊگري حاصل ڪيائين، پاڻ وڌيڪ تعليم حاصل ڪرڻ لاءِ بمبئي پڻ ويو. اتان واپسي کان پوءِ پاڻ 1941ع ۾ سنڌ مدرسةالسلام ۾ استاد طور مقرر ٿيو، تنهن کان پوءِ ميونسپل هاءِ اسڪول ٺٽي ۾ پڙهائڻ لڳو. جلد ئي سندس بدلي ٽريننگ ڪاليج حيدرآباد ۾ ٿي، 1951ع ۾ پاڻ سنڌي ادبي بورڊ ۾ سيڪريٽري جي عهدي تي قائم رهيو، 1961ع ۾ ان عهي تان رٽائر ٿيو. وقت بوقت پاڻ سنڌي ادبي بورڊ وري مقرر رهيو، پاڻ سنڌ ٽيڪسٽ بڪ بورڊ جي مکيه ڪمن ۾ پڻ حصو وٺندو رهيو، جنهن ۾ نصابي ڪتابن جو ڪم سندس نگراني ۾ ٿيندو رهيو، پاڻ سنڌي ادبي بورڊ ۾ چيئرمن جي عهدي تي پڻ فائز رهيو. پاڻ علم ۽ ادب لاءِ لاتعداد ڪتاب ٻين ٻولين مان ترجمو پڻ ڪيا اٿس، يورپ جا ڪيترائي مشهور ڪتاب پڻ سنڌي ٻولي ۾ ترجمو ڪيائين ۽ اهڙي ريت پاڻ سنڌي ادب جي واڌاري لاءِ هميشه دلي خلوص سان ڪوشان رهيو.تنهن کان علاوه پاڻ ڪيترائي ڪهاڻين جا ڪتاب ۽ نصابي ڪتاب ٻارڙن جي تعليم تي اسڪولن لاءِ لکيائين،ڪيترائي مهاڳ، تقريرون ۽ مضمون پڻ لکندو رهيو آهي. ماشاءَالله پاڻ هن وقت 98 سالن جي ڄمار ۾ تاحيات آهن ۽ سنڌي ادب ۽ ٻوليءَ جي خدمت ڪندا رهن ٿا. مٿيون متن Wikipedia, the free encyclopedia تان ورتل آهي جيڪو ترجمو ڪري هت پيش ڪيو ويو آهي.[/JUSTIFY]
