[JUSTIFY]اڄ جي ڪاوش ۾ هڪ خبر ڇپيل پڙهيم ته سنڌ جي لوڪ فنڪاره ، لطيف جي مريدياڻي ۽ لطيف جي فقيرياڻي سڏرائيندڙ مائي بيگم فقيرياڻي جي اڄ 25 هين ورسي آهي۔ سنڌ سلامت سنڌ جي هن لوڪ فنڪاره کي سندس ورسيء تي ڀيٽا پيش ڪري ٿي۔ بيگم فقيرياڻي 1915 ع ۾ (ڪٿي وري 1925ع ) پني عاقل لڳ رضا ڳوٺ ۾ هارون فقير جي گهر ۾ جنم ورتو۔ سندس ڳائڻ ۽ رهڻ فقيري هوندو هو۔ چون ٿا هن سڄي عمر ڪارو ڪپڙو پاتو ۽ سدائين لطيف جي مزار تي حاضري ڀريندي رهي۔ 1983 ع ۾ هن کي شباب آرٽ ايوارڊ خيرپور ۽ 1984 ۾ بيدل گولڊ ميڊل به مليو۔ 1986 ۾ سندس وفات ٿي۔ هوء نامياري شاعر ۽ اديب درگاهي ميراڻي جي ماء ۽ اختر درگاهي جي ڏاڏي هئي۔ [/JUSTIFY]
جواب: لطيف جي فقيرياڻي مائي بيگم فقيرياڻي جي 25 هين ورسي مائي بيگم کي اسان پاران سلام لک لائق اوھان جا ادا سليمان جو اوھان هر سنڌي کي ياد رکيو ٿا...۽ انهن کي وقت سر پيٽا ٿا ڏيو.
جواب: لطيف جي فقيرياڻي مائي بيگم فقيرياڻي جي 25 هين ورسي مائي بيگم فقيرياڻي کي اسانجو به سلام ۔۔۔ لطيف سرڪار جون محترم فقيرياڻيون تمام مشهور آهن ۔۔۔ هڪ فقيرياڻي صاحبه لطيف جي حياتي ۾ به هئي جو چون ٿا ته لطيف سرڪار پنهنجو سمورو جمع ڪيل ڪلام ڪراڙ ڍنڍ ۾ اڇلائي ڇڏيو ته فقيرن کي ڏاڍو افسوس ٿيو پر لطيف سرڪار جي هڪ فقيرياڻي (نالو ۔۔۔؟) هئي، جنهنکي لطيف سرڪار جو گهڻو تڻو ڪلام بر زباني ياد هو، پوءِ ان فقيرياڻي کي عرض ڪيو ويو جنهن موجوده ڪلام لکرايو ۔۔۔ ساري رات سبحان کي، جاڳي جن ياد ڪيو، تن جي عبدالطيف چئي، مٽيءَ لڌو مان، ڪوڙين ڪن سلام، اچيو اڱڻ ان جي۔
جواب: لطيف جي فقيرياڻي مائي بيگم فقيرياڻي جي 25 هين ورسي جن محنتون ڪيون تن کي اڄ قوم ياد رکي ٿي ۽ انهن هستين کي ياد رکڻ انهن جو اسان تي حق پڻ آهي ، توهان موقعي تي ياد ڏياري اسان تي به احسان ڪيو مهرباني ادا۔ وسلام
