ديني مدرسا ۔

[افتخار علي چوهاڻ]

ديني مدرسا


اسان لاءِ دلدار ديني مدرسا
محمد(ﷺ) جو گلزار ديني مدرسا

جتي ورد دم دم ڪلام خدا جو
سبق پڻ ملي ٿو ادب ۽ وفا جو
سچائي جو اقرار ديني مدرسا

فقه ، نحو ،صرف تفسير پڙهجي
بخاري ،هدايه ، قطب مير پڙهجي
عقيدن جو ونهوار ديني مدرسا

انهن جو هجڻ آه خيرن ڪثيرا
مدرس مدرسن جا موتي هيرا
جو جذبن سان سرشار ديني مدرسا

مجاهد مفڪر وڏي شان وارا
ٿيا پيدا ايمان عرفان وارا
۽ رحمت جا آثار ديني مدرسا

هي اصحابِ صفه جون قائم نشانيون
خدا پاڪ جون ڏيه تي مهربانيون
اسان لاءِ آڌار ديني مدرسا

اي جوهر بروهي! سدا شاد رهندا
هي اسلامي مرڪز به آباد رهندا
ٿيا نور نروار ديني مدرسا.


شاعر : جوهر بروهي
​

 

[رحيم بخش]

جواب: ديني مدرسا ۔

ماشآء الله سائين محترم جوهر بروهي جي شاعري تمام خوبصورت آهي۔

 

[سليمان وساڻ]

جواب: ديني مدرسا ۔

سائين چوهاڻ صاحب مهرباني

ديني مدرسا اسلام جي تبليغ ۾ اهم ڪردار ادا ڪندا رهيا آهن۔ مدرسا ۽ مسجدون ان دور ۾ سماجي ويهڪ يا سماجي مسئلن جي حل جي اهم جاء هوندا هئا۔ جتي سڀ مسلامان پنهنجا مسئلا ٻين ڀائرن سان اوريندا هئا ۽ ان کانسواء اسلام بابت تعليم ۽ ڄاڻ ملندي رهندي هئي۔

دعا آهي ته مدرسا پنهنجي ساڳي حيثيت مڃرائن جيئن هر ماڻهو اسلام ۽ دين جي طريقن سان پنهنجي مسئلن جو حل ڳولي۔

 

[افتخار علي چوهاڻ]

جواب: ديني مدرسا ۔

سائين محترم رحيم بخش تصحيح ڪرڻ ۽ پسند ڪرڻ لا وڏا قرب ، ادا سليمان مهرباني پسند ڪرڻ لا