شل امن جي پوري آس ٿئي۔۔۔۔

[جنيد ميمڻ]

شل امن جي پوري آس ٿئي۔۔۔۔
جت محبت جا مينار هجن،
نه ڪنهن جي اکين ۾ نار هجن،
جت ظلم جو ڪارو منهن ٿئي،
۽ نفرت ۾ ڪا دل نه هجي،
جت ڪائي نياڻي ڪاري نه ٿئي،
۽ رات ڪنهن جي انڌياري نه ٿئي،
ڪوئي ٻالڪ راھ نه ويندي کڄي،
ڪائي معصوميت نه نشانو بڻي،
ڪنهن ماء جو هت نه حيانء ڇڄي،
جت ذاتين جون نه جنگيون لڳن،
جت ڪنهن جا نه ڪونڌر پٽ ڪسن،
۽ پنهنجي ڪلاچي نه سڏڪي ڪڏهن،
نه ڪو پيٽ بکايل مزدور مري،
نه ئي هاري اڃيو بکيو سمهي،
آ دل ديس انهي جي ڳولها ۾،
شل سنڌڙي وري خوشحال ٿئي،
شل امن جي پوري آس ٿئي۔۔۔۔۔۔۔۔



جنيد ميمڻ