عرس پريو
سينيئر رڪن
هر درد جي پڄاڻي، تنهنجي آسار تائين
هر گيت جي وراڻي، تنهنجي آ پيار تائين
مون پاڻ کي آ ڳولهيو، تنهنجي وجود اندر
تنهنجي نهار کان ٿي تنهنجي اُچار تائين
مون کان سوا تون ڇاهين، ڪجهه ڀي ته ڪين آهين
هر جيت تنهنجي قائم، منهنجي آ هار تائين
هي سوچ ٿي ڪري ڏس ڪيڏو سفر ڳهيلا!
ڌرتيءَ جي ڌوڙ کان ٿي اُڀ جي اڏار تائين
ڪنهن ڏينهن سوچ تنهنجي مون تائين ڀي ته ايندي
مان آسري ۾ جيئندس، تنهنجي شُمار تائين
اڳ پاڻ کي وڃائي، پوءِ پاڻ پائبو آ
ڏاڍو سفر ڏکيو آ، هستيءَ کان ڇار تائين
ڇا لئه ميار مون تي، ڇا لئه ميار مون تي
توکي هو مون ڏنو سڏ، تنهنجي پڪار تائين
هر گيت جي وراڻي، تنهنجي آ پيار تائين
مون پاڻ کي آ ڳولهيو، تنهنجي وجود اندر
تنهنجي نهار کان ٿي تنهنجي اُچار تائين
مون کان سوا تون ڇاهين، ڪجهه ڀي ته ڪين آهين
هر جيت تنهنجي قائم، منهنجي آ هار تائين
هي سوچ ٿي ڪري ڏس ڪيڏو سفر ڳهيلا!
ڌرتيءَ جي ڌوڙ کان ٿي اُڀ جي اڏار تائين
ڪنهن ڏينهن سوچ تنهنجي مون تائين ڀي ته ايندي
مان آسري ۾ جيئندس، تنهنجي شُمار تائين
اڳ پاڻ کي وڃائي، پوءِ پاڻ پائبو آ
ڏاڍو سفر ڏکيو آ، هستيءَ کان ڇار تائين
ڇا لئه ميار مون تي، ڇا لئه ميار مون تي
توکي هو مون ڏنو سڏ، تنهنجي پڪار تائين
( روبينه ابڙو)
