رات هڪ خواب ڇا ڏٺو ته، سنڌ پهتو آهيان، اتان پرينءَ کي گڏ ڪري ڪينجهر ڪناري پهتو آهيان، ڪناري تي جر ۾ پير ٽٻائي، هَٿُ هَٿَ ۾ ڏئي، ڍنڍ جي ريشمي پاڻيءَ جهڙا جذبا دل ۾ کڻي، اکيون اڀ ۾ اٽڪائي ويٺو آهيان ته اچانڪ بادلن واري وڄ جو ڪڙڪو ٿئي ٿو ۽ ننڊ مان اک کلندي ئي هي بيت چوان ٿو؛ سائين سدائين، ڪــرين مٿي سنڌ سڪار، دوست، مٺا! دلدار، عالم سڀ آباد ڪرين. اي پالڻهار! سنڌ جي مالڪي ڪر، اي خلقڻهار! سنڌ ۾ ڪو اهڙو انسان خلق ڪر جيڪو سنڌ جي ڇوٽڪاري جي راهه هموار ڪري، اي ظاهر ۽ باطن جا ڄاڻون ڏاها رب! سنڌ کي فڪر ۽ ڏاهپ عطا ڪر، اي قومن جا وارث، سنڌ جي وارثي ڪري سنڌين ۾ ايڪي ۽ محبت جو درياهه جاري ڪر .... تون ئي تون آهين، تنهنجي در تي ڪئي داتا اچي سين هڻن ٿا، هن پرديسيءَ جي سين اگهاءِ ... آمين
جواب: پرديسيءَ جو خواب، خيال ۽ خواهش محترم سائين نثار ابڙو صاحب اوهان جي لفظن ۾ ايترو سرور آهي جو هڪ دفعو پڙهڻ شروع ڪيو ته من اندر هڪ خيالي منظر ٺهي پيو. جنهن وقت سنڌوءَ ڪناري جي ريشمي پاڻيءَ ۾ پير پسائڻ جو منظر اکين اڳيان گذري رهيو هيو ته دل چيو هي لفظن ڪڏهن به نه کٽن ۽ هي منظر ايئن ئي اکين اڳيان هجي سنڌ ۽ سنڌين جي لاءِ ڪيل اوهان جي دعا به تمام پياري لفظن سان جَڙيل آهي رب پاڪ اوهان جي هن دعا کي قبول ڪري سنڌ ۾ پيدا ٿيل موجوده صورتحال ۽ هر ڏکئي وقت سنڌ واسين کي متحد ۽ سنڌ کي پنهنجي امان ۾ رکي. (آمين).. تمام بهترين الله تعالي اوهان کي شاد ۽ آباد رکي....
جواب: پرديسيءَ جو خواب، خيال ۽ خواهش سائين اسان جون به اهي ساڳيون دعائون ته اهي خواب، اهي خيال شال ساڀيان ٿي پون ۔۔۔۔۔۔۔۔ ٻن ڏينهن کان پوندڙ بارشن تي جتي خوشي ٿي ته اتي دوستن ڪجهه علائقن ۾ ٿيل تباهين جو به ٻڌايو ته فصل لڙهي ويا آهن ۽ گهر ڪري پيا آهن۔ رب جي در دعا آهي ته بارش پوي پر اهڙي جو رحمت ۽ سک واري ٿي پئي ۔۔۔۔۔۔۔۔
جواب: پرديسيءَ جو خواب، خيال ۽ خواهش سائين نثار جا خيال لاجواب الله هن سنڌ کي شاد ء آباد رکي۔۔۔۔۔۔۔۔۔۔۔۔۔۔۔۔۔۔۔۔۔ باقي سائين ته هاڻ روز خواب ڏسندو هوندو ته اجهو سنڌ پهتس جئين ڏينهن ويجها ايندا آهن ائين ئي بيڇين وڌندي آ،،،،،،،،،،، الله اهي آڻ جن ڏٺي مون ڏينهن ٿيا۔۔۔۔۔۔۔۔۔۔۔
جواب: پرديسيءَ جو خواب، خيال ۽ خواهش سائين دوست ته سڀ ڪجهه چئي چڪا آهن مان ڇا چوان بهرحال الله پاڪ اوهان جون ۡخواهشون پوريون ڪري امين
جواب: پرديسيءَ جو خواب، خيال ۽ خواهش مون خواب ڏٺو، دعا گهري ۔۔۔ سنڌ پهتس، پرين پيارن سان ملاقاتون ٿيون ۽ وري نيون دعائون دل ۾ سانڍي اچي پرديس پهتس، جيڪو هاڻ ڪجهه ڪجهه منهنجو ديس پڻ ٿيندو وڃي ۔۔۔ پر پوءِ به ساهه سنڌ ۾ اٽڪيل آهي ۔۔۔ دوستن جو ٿورائتو آهيان جن منهنجن هٿن سان گڏ پنهنجا هٿ مٿي کنيا آهن ۔۔۔ سنڌ کي دعائن ۽ عمل جي سخت ضرورت آهي ۔۔۔ اچو ته سڀ گڏجي اهڙا عمل ڪريون جنهن سان رب پاڪ راضي ٿي سنڌ جو ڇوٽڪارو ڪري ۔۔۔ الله ائين مَ هوءِ جو، آءُ مران بند ۾، جسو زنجيرن ۾، راتيان ڏينهان روءِ، پهرين وڃان لوءِ، پوءِ مر پڄنم ڏينهنڙا۔
